అతడు అలాంటి ఇలాంటి బౌలర్ కాదు.. క్రికెట్లో లెజెండ్స్గా పేరు తెచ్చుకున్న వారినే వణికించినోడు. స్టార్ బ్యాటర్లకు నిద్ర పట్టకుండా చేసిన ఆ బౌలర్కు సంబంధించిన ఓ వీడియో ఇప్పుడు వైరల్ అవుతోంది.
అతడు అలాంటి ఇలాంటి బౌలర్ కాదు.. క్రికెట్లో లెజెండ్స్గా పేరు తెచ్చుకున్న వారినే వణికించినోడు. స్టార్ బ్యాటర్లకు నిద్ర పట్టకుండా చేసిన ఆ బౌలర్కు సంబంధించిన ఓ వీడియో ఇప్పుడు వైరల్ అవుతోంది.
అతడు అలాంటి ఇలాంటి బౌలర్ కాదు.. క్రికెట్లో లెజెండ్స్గా పేరు తెచ్చుకున్న వారినే వణికించినోడు. స్టార్ బ్యాటర్లకు నిద్ర పట్టకుండా చేసిన బౌలర్ అతను. రెండు దశాబ్దాలకు పైగా సాగిన సుదీర్ఘ కెరీర్లో సచిన్ టెండూల్కర్ నుంచి విరాట్ కోహ్లీ వరకు మేటి బ్యాటర్లు అందర్నీ ఇబ్బంది పెట్టాడు. అతడు ప్రైమ్ ఫామ్లో ఉన్నప్పుడు కోహ్లీ ఎదుర్కోలేకపోయాడు. పర్ఫెక్ట్ లైన్ అండ్ లెంగ్త్, ఇరు వైపులా స్వింగ్, మెరుపు వేగంతో అతడు వేసే డెలివరీస్ను ఎదుర్కొని బ్యాటర్లు క్రీజులో నిలదొక్కుకోలేకపోయేవారు. అంతలా క్రికెట్పై డామినేషన్ చూపించిన ఆ బౌలర్కు సంబంధించిన ఓ వీడియో ఇప్పుడు సోషల్ మీడియాలో చక్కర్లు కొడుతోంది.
ఇంగ్లండ్ పేస్ లెజెండ్ జేమ్స్ అండర్సన్కు సంబంధించిన ఓ వీడియో ఇప్పుడు నెట్టింట వైరల్ అవుతోంది. బాత్రూమ్లో స్నానం చేసి వచ్చిన జిమ్మీ.. ఒంటికి టవల్ చుట్టుకొని, నెత్తికి ఇంకో తువాళ కట్టుకొని ఉండటం అందులో చూడొచ్చు. మరో ఇంగ్లండ్ దిగ్గజం గ్రేమ్ స్వాన్ కూడా ఈ వీడియోలో ఉన్నాడు. కెమెరా వైపు చూస్తూ స్వాన్ స్మైల్ ఇస్తున్న టైమ్లో హఠాత్తుగా బాత్రూమ్ నుంచి వచ్చాడు అండర్సన్. అయితే స్వాన్ చేతిలో ఫోన్ ఉండటం, అతడు వీడియో రికార్డ్ చేస్తున్నాడనే విషయం తెలియని జిమ్మీ.. ఒక్కసారిగా మొబైల్ వైపు చూసి షాకయ్యాడు. కొంపముంచాడని గ్రహించి వెంటనే బాత్రూమ్లోకి వెళ్లిపోయాడు.
అండర్సన్ వెనక్కి వెళ్లిపోవడంతో గ్రేమ్ స్వాన్ నవ్వుల్లో మునిగిపోయాడు. అతడు సరదాగా ఆటపట్టించడం కోసం ఈ వీడియో తీశాడని అర్థమవుతోంది. ఇదెప్పుడు జరిగిందో తెలియదు గానీ.. నెట్టింట మాత్రం వైరల్ అవుతోంది. 21 ఏళ్ల కెరీర్లో ఎందరో గ్రేట్ క్రికెటర్స్తో కలసి ఆడాడు అండర్సన్. స్వాన్తోనూ అతడు డ్రెస్సింగ్ రూమ్ పంచుకున్నాడు. ఏదైనా టూర్లో ఉన్నప్పుడు ఈ వీడియో తీసి ఉండొచ్చు. ఇక, లార్డ్స్ వేదికగా వెస్టిండీస్తో జరిగిన టెస్ట్ మ్యాచ్తో జెంటిల్మన్ గేమ్కు గుడ్బై చెప్పేశాడు అండర్సన్. ఆ మ్యాచ్ తొలి ఇన్నింగ్స్లో ఒక వికెట్ తీసిన ఈ స్టార్ పేసర్.. రెండో ఇన్నింగ్స్లో 3 కీలక వికెట్లతో విండీస్ నడ్డి విరిచాడు. అదే పేస్, అదే స్వింగ్తో బ్యాటర్లకు పోయించాడు. పోతూ పోతూ మునుపటి అండర్సన్ను గుర్తుచేశాడు. మొత్తంగా కెరీర్లో 188 టెస్టులు ఆడిన అతడు 704 వికెట్లు పడగొట్టి ఆల్టైమ్ గ్రేటెస్ట్ క్రికెటర్గా నిలిచాడు.
