ఆ టీమిండియా స్టార్​ను మించినోడు క్రికెట్​ హిస్టరీలోనే లేడు.. అండర్సన్ కామెంట్స్!

ఇంగ్లండ్ లెజెండరీ పేసర్ జేమ్స్ అండర్సన్ రెండు దశాబ్దాలకు పైగా ఇంటర్నేషనల్ క్రికెట్ ఆడాడు. ఇటీవలే క్రికెట్​కు రిటైర్మెంట్ ప్రకటించాడీ దిగ్గజం. సుదీర్ఘ కెరీర్​లో ఎందరో టాప్ బ్యాటర్స్​ను అతడు ఫేస్ చేశాడు. తోపు ప్లేయర్లను కూడా తన పేస్ మ్యాజిక్​తో ముప్పుతిప్పలు పెట్టి ఎదురులేని బౌలర్​గా ప్రశంసలు అందుకున్నాడు. అలాంటి అండర్సన్ తాను బౌలింగ్ చేసిన వారిలో ఆ టీమిండియా స్టార్ మాత్రం చాలా స్పెషల్ అని అంటున్నాడు. అతడ్ని మించినోడు క్రికెట్‌ హిస్టరీలోనే లేడని పొగడ్తల వర్షం కురిపిస్తున్నాడు. ఎందరో బ్యాటర్లను చూసుంటాం.. కానీ అతడి లాంటోడు మళ్లీ తారసపడటం కష్టమేనని చెబుతున్నాడు. అండర్సన్ నుంచి ప్రశంసలు అందుకుంటున్న ఆ భారత బ్యాటర్ ఎవరో ఇప్పుడు చూద్దాం..

టీమిండియా టాప్ బ్యాటర్ విరాట్ కోహ్లీపై అండర్సన్ ప్రశంల జల్లులు కురిపించాడు. కోహ్లీ లాంటోడు క్రికెట్ హిస్టరీలోనే లేడని మెచ్చుకున్నాడు. టెయిలెండర్స్​ అనే పాడ్​కాస్ట్​లో పాల్గొన్న జిమ్మీ విరాట్ గురించి ఆసక్తికర వ్యాఖ్యలు చేశాడు. ‘విరాట్ కోహ్లీ మాదిరిగా ఛేజింగ్ చేసే మొనగాడు, సెకండ్ ఇన్నింగ్స్​లో అంతలా రెచ్చిపోయే బ్యాటర్ మరొకరు లేరు. క్రికెట్ హిస్టరీలోనే అతడు అత్యుత్తమ ఫినిషర్ అని చెప్పడంలో ఏమాత్రం సందేహం లేదు. ఛేజింగ్​​లో అతడికి అద్భుతమైన రికార్డు ఉంది. సెకండ్ ఇన్నింగ్స్​లో అతడు చేసిన సెంచరీలు నమ్మశక్యం కానివి. అతడికి తన మీద తనకు నమ్మకం ఎక్కువ. ఈ నమ్మకం కారణంగానే అతడు ఛేజింగ్​లో ఇంతలా సక్సెస్ అయ్యాడు’ అని అండర్సన్ చెప్పుకొచ్చాడు.

ఛేజింగ్ టైమ్​లో ఎలాంటి సిచ్యువేషన్ ఉన్నా కోహ్లీ తన మెంటాలిటీ, సెల్ఫ్ కాన్ఫిడెన్స్​తో దాన్ని ఈజీగా అధిగమిస్తాడని అండర్సన్ తెలిపాడు. వైట్​బాల్ క్రికెట్​లో అతడ్ని మించిన ఫినిషర్ లేడని మెచ్చుకున్నాడు. లిమిటెడ్‌ ఓవర్స్​ క్రికెట్​లో బెస్ట్ ఫినిషర్​గా కొందరు ఆస్ట్రేలియా దిగ్గజం మైకేల్ బెవాన్ పేరు చెబుతుంటారు. నంబర్​ 6లో బ్యాటింగ్​కు దిగే బెవాన్.. ధనాధన్ ఇన్నింగ్స్​లతో ప్రత్యర్థుల నుంచి మ్యాచ్​లు లాగేసుకునేవాడు. ఇదే విషయాన్ని అండర్సన్​ను అడగ్గా.. బెవాన్ కంటే కోహ్లీనే బెస్ట్ అని స్పష్టం చేశాడు. కోహ్లీ నంబర్ 3లో దిగి ఆఖరి వరకు బ్యాటింగ్ చేస్తాడని, మ్యాచ్ ఫినిష్ చేయకుండా బయటకు వెళ్లడని తెలిపాడు. భారీ సెంచరీలు బాదుతూ టీమ్​ను ఫినిష్ లైన్స్​కు చేరుస్తాడని, అతడి కంటే బెటర్ ఫినిషర్ క్రికెట్​ హిస్టరీలో లేడని.. అతడికి ఎవరూ సాటిరారని పేర్కొన్నాడు. మరి.. కోహ్లీ లాంటోడు క్రికెట్ హిస్టరీలో లేడంటూ జిమ్మీ చేసిన వ్యాఖ్యలపై మీ అభిప్రాయాలను కామెంట్ చేయండి.

• ఇదీ చదవండి: BCCI కీలక నిర్ణయం.. ఇకపై ప్లేయర్లకు పండగే!

Jimmy Anderson said, “I don’t think there’s anyone better than Virat Kohli in history of the game while chasing in white ball cricket”. (Tailenders Podcast). pic.twitter.com/EKyaId7BaB

— Mufaddal Vohra (@mufaddal_vohra) August 27, 2024