India vs Zimbabwe: టీమిండియాతో జరుగుతున్న టీ20 సిరీస్లో ఫస్ట్ మ్యాచ్లోనే జింబాబ్వేకు చుక్కలు కనిపించాయి. భారత బౌలర్ల ధాటికి ఆ టీమ్ వణికిపోయింది.
India vs Zimbabwe: టీమిండియాతో జరుగుతున్న టీ20 సిరీస్లో ఫస్ట్ మ్యాచ్లోనే జింబాబ్వేకు చుక్కలు కనిపించాయి. భారత బౌలర్ల ధాటికి ఆ టీమ్ వణికిపోయింది.
టీమిండియాతో జరుగుతున్న టీ20 సిరీస్లో ఫస్ట్ మ్యాచ్లోనే జింబాబ్వేకు చుక్కలు కనిపించాయి. భారత బౌలర్ల ధాటికి ఆ టీమ్ వణికిపోయింది. ముఖ్యంగా స్పిన్నర్ రవి బిష్ణోయ్ దెబ్బకు ఆ జట్టు బ్యాటర్లు క్రీజులో నిలబడేందుకు భయపడ్డారు. ఈ మ్యాచ్లో టాస్ నెగ్గిన భారత కెప్టెన్ శుబ్మన్ గిల్ అపోజిషన్ టీమ్ను బ్యాటింగ్కు ఆహ్వానించాడు. దీంతో ఇన్నింగ్స్ స్టార్ట్ చేసిన ఆతిథ్య జట్టుకు ఆదిలోనే షాక్ తగిలింది. స్కోరు బోర్డు మీదకు 6 పరుగులు చేరేలోపే ఓపెనర్ ఇన్నోసెంట్ కైరా (0) ఔట్ అయ్యాడు. ఆ తర్వాత వెస్లీ (21), బ్రియాన్ బెన్నెట్ (22) బాగా ఆడారు. కానీ బిష్ణోయ్ రాకతో మ్యాచ్ స్వరూపం మారిపోయింది.
5 ఓవర్లలో వికెట్ నష్టానికి 40 పరుగులతో ఉన్న జింబాబ్వేను కుప్పకూల్చాడు బిష్ణోయ్. వెస్లీతో పాటు బెన్నెట్ను అతడు క్లీన్ బౌల్డ్ చేశాడు. ఆ తర్వాత వచ్చిన కెప్టెన్ సికిందర్ రజా (17) క్రీజులో సెటిల్ అయినట్లే కనిపించాడు. కానీ అతడ్ని పేసర్ అవేశ్ ఖాన్ వెనక్కి పంపాడు. మేయర్స్ (23), మసకద్జా (0)ను మరో స్పిన్నర్ వాషింగ్టన్ సుందర్ ఔట్ చేశాడు. అనంతరం బ్యాటింగ్కు దిగిన ల్యూక్ జాంగ్వే (1), బ్లెస్సింగ్ ముజారబానీ (0)ని బిష్ణోయ్ పెవిలియన్కు పంపాడు. మొత్తంగా 4 ఓవర్లలో 13 పరుగులు ఇచ్చి 4 వికెట్లు పడగొట్టాడతను. గత కొన్నాళ్లుగా టీమ్లో రెగ్యులర్ ప్లేయర్గా ఉన్నప్పటికీ తనను వరల్డ్ కప్కు ఎంపిక చేయలేదని సెలెక్టర్లపై పగతో రగిలిపోతున్న బిష్ణోయ్.. ఆ కసిని మ్యాచ్లో చూపించాడు. అతడితో పాటు సుందర్ 2 వికెట్లతో జింబాబ్వే పతనాన్ని శాసించాడు. ఓవర్లన్నీ ముగిసేసరికి ఆతిథ్య జట్టు 9 వికెట్లకు 115 రన్స్ చేసింది.
Ravi Bishnoi deserves a place in Indian 🇮🇳 Team for upcoming ICC Champions Trophy 2025
He is the most consistent performer but never got a chance in Big Series / ICC Events 👀
What’s your take on this 🤔 #INDvsZIM pic.twitter.com/VkJlDVcaH0
— Richard Kettleborough (@RichKettle07) July 6, 2024
