Avesh Khan: భారత్ పరువు తీసిన ఆవేశ్ ఖాన్.. ఇలా ఆడితే కష్టమే!

టీ20 వరల్డ్ కప్ నెగ్గి జోష్​ మీదున్న భారత జట్టుకు పసికూన జింబాబ్వే ఊహించని షాక్ ఇచ్చింది. తొలి టీ20లో టీమిండియాను 13 పరుగుల తేడాతో ఓడించింది జింబాబ్వే. ఈ మ్యాచ్​లో తొలుత బ్యాటింగ్​కు దిగిన ఆతిథ్య జట్టు ఓవర్లన్నీ ఆడి 9 వికెట్లకు 115 పరుగులు చేసింది. ఈజీ టార్గెట్​ను మెన్ ఇన్ బ్లూ ఊదిపారేస్తుందని అనుకుంటే 102 పరుగులకే కుప్పకూలింది. ఈ మ్యాచ్​లో ఫీల్డింగ్, బ్యాటింగ్​లో మన జట్టు దారుణంగా పెర్ఫార్మ్ చేసింది. పేసర్ ఆవేశ్​ ఖాన్​ చెత్త ఫీల్డింగ్​తో టీమ్ పరువు తీశాడు. చేతిలోకి వచ్చిన లడ్డూ లాంటి క్యాచ్​ను అతడు వదిలేశాడు.

ఖలీల్ అహ్మద్ బౌలింగ్​లో ఓ జింబాబ్వే బ్యాటర్ ఆఫ్ సైడ్ షాట్ కొట్టాడు. అయితే సరిగ్గా కనెక్ట్ కాకపోవడంతో గాల్లోకి లేచిన బంతి కాస్తా థర్డ్ మ్యాన్ దిశగా వెళ్లింది. అక్కడే ఫీల్డింగ్ చేస్తున్న ఆవేశ్​ ఖాన్ దాన్ని ఈజీగా అందుకోవాల్సింది. కానీ అతడు ఎడమ వైపు బాడీని సరిగ్గా స్ట్రెచ్ చేయకపోవడంతో క్యాచ్ కాస్తా నేలపాలైంది. నిల్చున్న చోట నుంచి రెండు అడుగులు వేసి అందుకోవాల్సిన క్యాచ్​ను డైవ్ చేసి పట్టేందుకు ప్రయత్నించడం, బాడీ మూమెంట్, హ్యాండ్-ఐ కోఆర్డినేషన్ కరెక్ట్​గా లేకపోవడంతో క్యాచ్ మిస్ అయింది. ఈజీ క్యాచ్​ను వదిలేయడంతో బౌలర్ ఖలీల్ ఆగ్రహానికి గురయ్యాడు. అయితే అతడు కోపాన్ని అణచుకొని కామ్​గా ఉండిపోయాడు. దీనికి సంబంధించిన వీడియో నెట్టింట వైరల్ అవుతోంది.