India vs Sri Lanka: టీమిండియా టీ20 నయా కెప్టెన్ సూర్యకుమార్ యాదవ్ అరుదైన ఘనత సాధించాడు. ఏకంగా కింగ్ కోహ్లీ సరసన అతడు చోటు దక్కించుకున్నాడు.
India vs Sri Lanka: టీమిండియా టీ20 నయా కెప్టెన్ సూర్యకుమార్ యాదవ్ అరుదైన ఘనత సాధించాడు. ఏకంగా కింగ్ కోహ్లీ సరసన అతడు చోటు దక్కించుకున్నాడు.
టీమిండియా టీ20 నయా కెప్టెన్ సూర్యకుమార్ యాదవ్ తన ఫస్ట్ అసైన్మెంట్లో పాస్ అయ్యాడు. శ్రీలంక సిరీస్తో ఫుల్టైమ్ కెప్టెన్గా బాధ్యతలు స్వీకరించిన మిస్టర్ 360.. ఫస్ట్ మ్యాచ్లోనే జట్టుకు భారీ విజయం అందించాడు. పల్లెకెలె స్టేడియం వేదికగా శనివారం జరిగిన మ్యాచ్లో మెన్ ఇన్ బ్లూ 43 పరుగుల భారీ తేడాతో విక్టరీ కొట్టింది. ఈ మ్యాచ్లో తొలుత బ్యాటింగ్ చేసిన టీమిండియా 7 వికెట్ల నష్టానికి 213 పరుగులు చేసింది. సూర్యకుమార్ (26 బంతుల్లో 58) కెప్టెన్సీ నాక్తో చెలరేగాడు. రిషబ్ పంత్ (33 బంతుల్లో 49), యశస్వి జైస్వాల్ (21 బంతుల్లో 40) కూడా సూపర్బ్గా ఆడారు. ఆ తర్వాత ఛేదనకు దిగిన ఆతిథ్య జట్టు 19.2 ఓవర్లలో 170 పరుగులకు ఆలౌట్ అయింది. పతుమ్ నిస్సంక (48 బంతుల్లో 79), కుశాల్ మెండిస్ (27 బంతుల్లో 45) పోరాడినా ఫలితం లేకపోయింది.
భారత బౌలర్లలో అర్ష్దీప్ సింగ్, అక్షర్ పటేల్ చెరో 2 వికెట్లతో సత్తా చాటారు. రియాన్ పరాగ్ (3/5) జట్టుకు సర్ప్రైజ్ ప్యాకేజ్గా మారాడు. మూడు వికెట్లతో అతడు లంక నడ్డి విరిచాడు. కెప్టెన్సీ నాక్తో టీమ్కు భారీ స్కోరు అందించిన సూర్యకుమార్కు ప్లేయర్ ఆఫ్ ది మ్యాచ్ అవార్డు లభించింది. ఈ మ్యాచ్తో మిస్టర్ 360 అరుదైన ఘనతను అందుకున్నాడు. టీ20 ఇంటర్నేషనల్స్ హిస్టరీలో అత్యధిక మ్యాన్ ఆఫ్ ది మ్యాచ్ పురస్కారాలు అందుకున్న ఆటగాడిగా కింగ్ కోహ్లీ సరసన అతడు చోటు దక్కించుకున్నాడు. 125 మ్యాచుల్లో విరాట్ 16 సార్లు ఈ అవార్డుకు ఎంపికవగా.. సూర్య 69 మ్యాచుల్లోనే పదహారు సార్లు ఆ పురస్కారాన్ని దక్కించుకోవడం విశేషం.
ఫస్ట్ టీ20లో సూర్యకుమార్ ఆడిన ఇన్నింగ్స్ చాలా స్పెషల్ అనే చెప్పాలి. ఎందుకంటే, రెగ్యులర్ కెప్టెన్గా ఆడుతున్న తొలి మ్యాచ్ కావడంతో అతడిపై ప్రెజర్ నెలకొంది. టీ20 ఛాంపియన్స్గా ఉన్న భారత్.. ఆ విన్నింగ్ స్ట్రీక్ను మెయింటెయిన్ చేయాల్సి ఉంటుంది. ఈ నేపథ్యంలో సూర్య ఎలా ఆడతాడోననే సందేహాలు నెలకొన్నాయి. కానీ మ్యాచ్ ఆరంభం అయ్యాక ఇవన్నీ పటాపంచలు అయ్యాయి. ఫస్ట్ డౌన్లో వచ్చిన సూర్య స్టార్టింగ్ నుంచే హిట్టింగ్కు దిగాడు. 26 బంతుల్లోనే 58 పరుగులు చేశాడు. 8 బౌండరీలతో పాటు 2 భారీ సిక్సర్లతో లంక బౌలర్లను చీల్చిచెండాడాడు. 223 స్ట్రైక్ రేట్తో బ్యాటింగ్ చేశాడు. ఎలాంటి ఒత్తిడి లేకుండా స్వేచ్ఛగా షాట్లు బాదాడు. కెప్టెన్సీ వచ్చినా తన అప్రోచ్లో ఎలాంటి మార్పు లేదని.. దూకుడే మంత్రంగా దూసుకెళ్తానని క్లియర్ ఇండికేషన్స్ ఇచ్చాడు. మరి.. కోహ్లీ సరసన సూర్య చోటు దక్కించుకోవడంపై మీ ఒపీనియన్ను కామెంట్ చేయండి.
