India vs Sri Lanka: తొలి టీ20లో గ్రాండ్ విక్టరీ కొట్టిన టీమిండియా.. రెండో మ్యాచ్కు రెడీ అవుతోంది. మరోమారు లంకను చిత్తు చేసి ఇక్కడే సిరీస్ను పట్టేయాలని చూస్తోంది.
India vs Sri Lanka: తొలి టీ20లో గ్రాండ్ విక్టరీ కొట్టిన టీమిండియా.. రెండో మ్యాచ్కు రెడీ అవుతోంది. మరోమారు లంకను చిత్తు చేసి ఇక్కడే సిరీస్ను పట్టేయాలని చూస్తోంది.
శ్రీలంక సిరీస్ను గ్రాండ్గా స్టార్ట్ చేసింది టీమిండియా. తొలి టీ20లో ఆతిథ్య జట్టును 43 పరుగుల తేడాతో చిత్తు చేసింది. అన్ని విభాగాల్లోనూ భారత్దే ఆధిపత్యం నడిచింది. కెప్టెన్ సూర్యకుమార్ ముందుండి టీమ్ను నడిపించాడు. బ్యాటింగ్లో అగ్రెసివ్ అప్రోచ్తో ఆడుతూ మిగతా వారితోనూ అలాగే ఆడించాడు. బౌలింగ్ టైమ్లో సరైన నిర్ణయాలు తీసుకుంటూ, మంచి ఫీల్డింగ్ ప్లేసెస్, బౌలింగ్ ఛేంజెస్ చేస్తూ టీమ్కు సక్సెస్ అందించాడు. తొలి టీ20లో గ్రాండ్ విక్టరీతో జోష్లో ఉన్న టీమిండియా.. రెండో మ్యాచ్కు రెడీ అవుతోంది. మరోమారు లంకను చిత్తు చేసి ఇక్కడే సిరీస్ను పట్టేయాలని చూస్తోంది. ఈ నేపథ్యంలో ఆదివారం జరిగే రెండో టీ20లో మన టీమ్ ప్లేయింగ్ ఎలెవన్ ఎలా ఉండనుందో ఇప్పుడు తెలుసుకుందాం..
తొలి టీ20లో ఓపెనర్లు శుబ్మన్ గిల్, యశస్వి జైస్వాల్ అదరగొట్టారు. ఆ తర్వాత వచ్చిన సూర్యకుమార్, రిషబ్ పంత్ కూడా సూపర్బ్ ఇన్నింగ్స్లతో మెరిశారు. కాబట్టి ఈ నలుగురే టాపార్డర్లో బ్యాటింగ్ చేయడం ఖాయం. వీళ్ల తర్వాత వచ్చే హార్దిక్ పాండ్యా గత మ్యాచ్లో ఫెయిలయ్యాడు. బ్యాటింగ్లో 9 పరుగులు చేసి క్రీజును వీడిన పాండ్యా.. బౌలింగ్లో 41 పరుగులు ఇచ్చి ఒక్క వికెట్ కూడా తీయలేదు. అయినా పేస్ ఆల్రౌండర్ కాబట్టి అతడి ప్లేస్కు ఢోకా ఉండదు. పించ్ హిట్టర్ కోటాలో రింకూ సింగ్ ఆడటం కూడా పక్కా. స్పిన్ ఆల్రౌండర్గా అక్షర్ పటేల్, స్పెషలిస్ట్ స్పిన్నర్గా రవి బిష్ణోయ్ బరిలోకి దిగడం ఖాయం.
రెండో టీ20లో కూడా పేస్ బౌలింగ్ రెస్పాన్సిబిలిటీని అర్ష్దీప్ సింగ్, మహ్మద్ సిరాజ్ పంచుకుంటారు. ఈ మ్యాచ్లోనూ నెగ్గి సిరీస్ను సొంతం చేసుకుంటే.. ఇతర ఫాస్ట్ బౌలర్లకు ఆఖరి టీ20లో ఛాన్స్ దక్కొచ్చు. ఇక, మొదటి టీ20లో బ్యాటింగ్లో ఫెయిలైన రియాన్ పరాగ్ ప్లేస్ కొంత డౌట్గా మారింది. 7 పరుగులు చేసిన పరాగ్.. బౌలింగ్లో మాత్రం దుమ్మురేపాడు. 3 కీలక వికెట్లు తీసి లంక నడ్డి విరిచాడు. బ్యాటింగ్ ఎబిలిటీతో పాటు బౌలింగ్ వేస్తాడు కాబట్టి పరాగ్ ప్లేయింగ్ ఎలెవన్లో ఉండటం ఖాయంగా కనిపిస్తోంది. కానీ తొలి మ్యాచ్లో సంజూ శాంసన్ను ఆడించనందుకు, ఎంతో జూనియర్ అయిన పరాగ్ను టీమ్లోకి తీసుకున్నందుకు తీవ్ర విమర్శలు వచ్చాయి. దీన్ని పరిగణనలోకి తీసుకొని పరాగ్ను కాదని సంజూను టీమ్లోకి తీసుకొచ్చే అవకాశాల్ని కొట్టిపారేయలేం. ఈ ఒక్క మార్పు మినహా మొదటి మ్యాచ్లో ఆడిన టీమ్నే కంటిన్యూ చేసే ఛాన్సులు బలంగా ఉన్నాయి. మరి.. టీమిండియా ప్లేయింగ్ ఎలెవన్లో ఇంకా ఏమైనా మార్పులు చేస్తే బాగుంటుందని మీరు భావిస్తే కామెంట్ చేయండి.
భారత జట్టు (అంచనా):
శుబ్మన్ గిల్, యశస్వి జైస్వాల్, సూర్యకుమార్ యాదవ్, రిషబ్ పంత్, హార్దిక్ పాండ్యా, రియాన్ పరాగ్/సంజూ శాంసన్, రింకూ సింగ్, అక్షర్ పటేల్, రవి బిష్ణోయ్, అర్ష్దీప్ సింగ్, మహ్మద్ సిరాజ్.
