Nidhan
టీమిండియా కొత్త కోచ్ గౌతం గంభీర్ ఫస్ట్ అసైన్మెంట్కు రెడీ అవుతున్నాడు. లంక సిరీస్తో కోచ్గా తన ప్రయాణాన్ని మొదలుపెట్టేందుకు సిద్ధమవుతున్నాడు గౌతీ.
టీమిండియా కొత్త కోచ్ గౌతం గంభీర్ ఫస్ట్ అసైన్మెంట్కు రెడీ అవుతున్నాడు. లంక సిరీస్తో కోచ్గా తన ప్రయాణాన్ని మొదలుపెట్టేందుకు సిద్ధమవుతున్నాడు గౌతీ.
Nidhan
టీమిండియా కొత్త కోచ్ గంభీర్ ఫస్ట్ అసైన్మెంట్కు సిద్ధమవుతున్నాడు. శ్రీలంకతో టీ20 సిరీస్కు అతడు రెడీ అవుతున్నాడు. లెజెండ్ రాహుల్ ద్రవిడ్ నుంచి కోచింగ్ బాధ్యతలు స్వీకరించిన గౌతీకి ఇదే ఫస్ట్ సిరీస్ కానుంది. కుర్రాళ్లతో నిండిన జట్టును నయా కెప్టెన్ సూర్యకుమార్ యాదవ్ ముందుండి లీడ్ చేస్తున్నాడు. ఈ మధ్య కాలంలో దారుణంగా ఆడుతోంది కాబట్టి శ్రీలంకను తక్కువ అంచనా వేయడానికి లేదు. సిరీస్ వాళ్ల సొంత గడ్డ మీద జరుగుతోంది. ఒక్క బంతిలో రిజల్ట్ మారిపోయే ఫార్మాట్ కాబట్టి లైట్ తీసుకోవడానికి లేదు. చిన్న పామును కూడా పెద్ద కర్రతో కొట్టాలనే సామెత ఉండనే ఉంది. ఈ సిరీస్తో కోచ్ గౌతీ సాధించాల్సిన లక్ష్యాలు 5 ఉన్నాయి. వాటి గురించి ఇప్పుడు తెలుసుకుందాం..
ఇటీవల కాలంలో టీమిండియాకు టీ20ల్లో ఎదురేలేదు. ఓటమి అనేదే లేకుండా దూసుకెళ్తోంది. పొట్టి ప్రపంచ కప్లో వరుస విజయాలతో ఫైనల్కు దూసుకొచ్చిన మెన్ ఇన్ బ్లూ.. టైటిల్ ఫైట్లో సౌతాఫ్రికాను చిత్తు చేసి కప్పు సొంతం చేసుకుంది. మెగాటోర్నీకి ముందు జరిగిన ఇతర టీ20 సిరీస్ల్లోనూ భారత్ హవా నడిచింది. కాబట్టి కొత్త కోచ్ గంభీర్ ఈ విన్నింగ్ స్ట్రీక్ను మెయింటెయిన్ చేయాల్సి ఉంటుంది. టీమ్లో ఎక్కువ మంది యంగ్స్టర్స్ ఉన్నారు. కాబట్టి వాళ్లకు గెలుపు రుచి చూపిస్తే మరింత చెలరేగి ఆడతారు. ఈ సిరీస్ను క్లీన్స్వీప్ చేయడం గౌతీ ముందున్న మరో లక్ష్యం. వైట్వాష్ చేస్తే ర్యాంకుల పరంగా జట్టుకు పెద్దగా ప్లస్ కాకపోయినా.. కోచ్గా ఫస్ట్ సిరీస్తోనే గంభీర్పై ఉన్న ప్రెజర్ తగ్గుతుంది.
ఈ సిరీస్ కోచ్ గంభీర్తో పాటు కెప్టెన్ సూర్యకు కూడా సవాల్ విసురుతోంది. పర్మినెంట్ కెప్టెన్సీ పోస్ట్ దక్కింది కాబట్టి అతడిపై అంచనాలు, ఒత్తిడి భారీగా ఉంటాయి. అందుకే ఇతర ప్లేయర్లతో పాటు మిస్టర్ 360ని బ్యాకప్ చేస్తూ అండగా నిలవాలి గంభీర్. అతడి మీద ఉన్న ప్రెజర్ను తాను తీసుకోవడం బెటర్. విరాట్ కోహ్లీ, రోహిత్ శర్మ, రవీంద్ర జడేజా, జస్ప్రీత్ బుమ్రా లాంటి సీనియర్లు లేకుండా దిగుతున్నందున టీమ్ కాంబినేషన్ను పర్ఫెక్ట్గా సెట్ చేయడం కొత్త కోచ్ ముందున్న మరో టార్గెట్. అందుబాటులో ఉన్న వనరులతో సరైన బ్యాలెన్స్తో జట్టును బరిలోకి దింపాలి. అదే సమయంలో కొత్త కుర్రాళ్లకు ఛాన్సులు ఇస్తూ బెంచ్ స్ట్రెంగ్త్ను మరింత బలోపేతం చేసుకోవడంపై గంభీర్ ఫోకస్ పెట్టాలి. ఇవన్నీ నెరవేరితే అతడికి కోచ్గా మైలేజ్ పెరగడమే గాక భారత క్రికెట్కు కూడా ఎంతో లాభం చేకూరుతుందని ఎక్స్పర్ట్స్ సూచిస్తున్నారు.
