సౌతాఫ్రికాతో చివరి టెస్ట్కు ముందు టీమిండియాలో కీలక మార్పు చోటుచేసుకుంది. ఒక స్టార్ ప్లేయర్ భారత జట్టుతో చేరాడు. ఇది తెలిసిన అభిమానులు ఇక టెన్షన్ అక్కర్లేదని అంటున్నారు.
సౌతాఫ్రికాతో చివరి టెస్ట్కు ముందు టీమిండియాలో కీలక మార్పు చోటుచేసుకుంది. ఒక స్టార్ ప్లేయర్ భారత జట్టుతో చేరాడు. ఇది తెలిసిన అభిమానులు ఇక టెన్షన్ అక్కర్లేదని అంటున్నారు.
సెంచూరియన్ టెస్ట్లో ఘోర ఓటమిని మూటగట్టుకున్న భారత్ చివరి మ్యాచ్లో ఎలాగైనా నెగ్గాలని చూస్తోంది. సిరీస్ ఎలాగూ మిస్సయింది కాబట్టి సమం చేయాలని భావిస్తోంది. తద్వారా స్వదేశంలో ఇంగ్లండ్తో జరిగే టెస్ట్ సిరీస్కు ముందు ఆత్మవిశ్వాసాన్ని పెంచుకోవాలని చూస్తోంది. అయితే ఫస్ట్ టెస్ట్లో జరిగిన తప్పులు రిపీటైతే మాత్రం ఇది పాజిబుల్ కాదు. పేస్, బౌన్స్కు సహకరించిన పిచ్ మీద సౌతాఫ్రికా బౌలర్లు చెలరేగగా.. మన బౌలర్లు వికెట్లు తీసేందుకు చెమటోడ్చారు. ఒక్క జస్ప్రీత్ బుమ్రా తప్పితే మిగతా ఎవ్వరూ ప్రభావం చూపించలేదు. సీనియర్ స్పిన్నర్ రవిచంద్రన్ అశ్విక్ కూడా మ్యాజిక్ చేయలేకపోయాడు. దీంతో కేప్టౌన్ వేదికగా జరగనున్న రెండో టెస్ట్ కోసం స్పెషలిస్ట్లను బరిలోకి దింపుతోంది భారత్. అందులో ఒకడు రవీంద్ర జడేజా.
వెన్ను నొప్పి కారణంగా స్టార్ ఆల్రౌండర్ జడేజా తొలి టెస్టుకు దూరమయ్యాడు. అయితే దీని నుంచి కోలుకున్న అతడు రెండో టెస్ట్లో ఆడేందుకు రెడీ అవుతున్నాడు. ఇప్పటికే అతడు ప్రాక్టీస్ కూడా మొదలుపెట్టాడు. సహచర ప్లేయర్లకు జడ్డూ బౌలింగ్ చేస్తున్న ఫొటోలు, వీడియోలు సోషల్ మీడియాలో హల్చల్ చేస్తున్నాయి. ప్రాక్టీస్ సందర్భంగా అతడు ఇబ్బంది పడలేదు. టీమ్ కండీషనింగ్ కోచ్ పర్యవేక్షణలో జడేజా బౌలింగ్ సాధన చేస్తున్నాడు. షార్ట్ సెషన్లో కూడా అతడు ఎక్కడా ఇబ్బంది పడినట్లు కనిపించలేదు. ఒకవేళ రెండో టెస్ట్లో జడేజా గ్రౌండ్లోకి దిగితే టీమిండియాకు బ్యాటర్గా, బౌలర్గా, ఫీల్డర్గా ఉపయోగపడతాడు.
ఇక, తొలి టెస్ట్ ఓటమి తర్వాత హడావుడిగా ఇండియా నుంచి యంగ్ పేసర్ అవేశ్ ఖాన్ను టీమ్ మేనేజ్మెంట్ రప్పించింది. ఈ నేపథ్యంలో చివరి మ్యాచ్లో అతడ్ని ఆడిస్తారా? లేదా జడ్డూకు చోటు ఇస్తారా? అనేది ఇంట్రెస్టింగ్గా మారింది. అయితే ఫ్యాన్స్ మాత్రం జడ్డూను ఆడించాలని.. అతడు టీమ్కు అన్ని విధాలుగా యూజ్ అవుతాడని నెట్టింట కామెంట్స్ చేస్తున్నారు. వీళ్లిద్దరితో పాటు టీమ్లో ముకేశ్ కుమార్కు చోటు ఇవ్వాలనే డిమాండ్ కూడా వినిపిస్తోంది. సౌతాఫ్రికాతో జరిగిన టీ20, వన్డే సిరీస్లో అతడు ఆకట్టుకున్నాడు. అంతకుముందు ఆస్ట్రేలియాతో జరిగిన టీ20 సిరీస్లోనూ రాణించాడు. కాబట్టి ఈ యంగ్ పేసర్కు ఛాన్స్ ఇవ్వాలని అభిమానులు కోరుకుతున్నారు. మరి.. రెండో టెస్ట్లో జడ్డూ, అవేశ్ల్లో ఎవర్ని ఆడిస్తే బాగుంటుందని మీరు భావిస్తున్నారో కామెంట్ చేయండి.
ఇదీ చదవండి: IND vs SA: ఫస్ట్ టెస్ట్లో టీమిండియా ఓటమి.. అతడ్ని ఎందుకు పక్కన పెట్టారన్న భజ్జీ!
Ravindra Jadeja was seen bowling in the nets ahead of the second Test match 🙌#SAvIND #RavindraJadeja #TeamIndia pic.twitter.com/HPtCBd3piY
— OneCricket (@OneCricketApp) December 30, 2023
