వీడియో: KL రాహుల్ సెన్సాఫ్​ హ్యూమర్​కు నవ్వాపుకోలేరు.. కీపింగ్ చేస్తూ..!

యంగ్ ఇండియా అదరగొట్టింది. స్టార్లతో నిండిన బ్యాటింగ్ లైనప్​తో పాటు మంచి బౌలింగ్ యూనిట్ కలిగిన సౌతాఫ్రికాను వాళ్ల సొంత గడ్డే మీదే ఓడించి వన్డే సిరీస్​ను 2-1 తేడాతో కైవసం చేసుకుంది. కీలకమైన ఆఖరి మ్యాచ్​లో 78 రన్స్ తేడాతో ఆతిథ్య జట్టును చిత్తు చేసింది భారత్. బౌలింగ్, బ్యాటింగ్​లో ఒకరిద్దరు మినహా పెద్దగా ఎక్స్​పీరియెన్స్​ కలిగిన ప్లేయర్లు లేకపోయినా.. యంగ్​స్టర్స్​ అద్భుతంగా పెర్ఫార్మ్ చేయడంతో సిరీస్​ను సొంతం చేసుకుంది. సఫారీ గడ్డ మీద టీమిండియా వన్డే సిరీస్​ గెలుచుకోవడం ఇది రెండోసారి మాత్రమే. ఇంతకుముందు విరాట్ కోహ్లీ సారథ్యంలో 2018లో 5-1 తేడాతో సిరీస్​ను కైవసం చేసుకుంది. మళ్లీ ఐదేళ్ల తర్వాత మరోమారు సిరీస్​ నెగ్గింది. ఇక, లాస్ట్ వన్డేలో జరిగిన ఓ ఘటన అందరికీ నవ్వులు తెప్పించింది. భారత కెప్టెన్ కేఎల్ రాహుల్ వికెట్ కీపింగ్ చేస్తూ తన సెన్సాఫ్ హ్యూమర్​తో ఆకట్టుకున్నాడు.

సౌతాఫ్రికా స్పిన్నర్ కేశవ్ మహారాజ్ బ్యాటింగ్​కు వచ్చిన టైమ్​లో రాహుల్ వికెట్ల వెనుక కీపింగ్ చేస్తున్నాడు. అతడు క్రీజులోకి రాగానే స్టేడియంలోని డీజే ఒక సాంగ్ ప్లే చేశాడు. రెబల్ స్టార్ ప్రభాస్ నటించిన ‘ఆదిపురుష్’ మూవీలోని ‘రామ్ సీతా రామ్’ పాటను ప్లే చేశాడు. ఈ సిరీస్​లోని మిగతా మ్యాచుల్లోనూ కేశవ్ బ్యాటింగ్​కు వచ్చినప్పుడల్లా ఈ పాటే పెడుతూ వచ్చారు. దీన్ని గమనించిన రాహుల్.. క్రీజులోకి వచ్చిన మహారాజ్​తో ‘కేశవ్ భాయ్.. నువ్వు బ్యాటింగ్​కు వచ్చినప్పుడుల్లా ఇదే పాటను పెడుతున్నారు’ అని అన్నాడు. దీంతో ఇటు మహారాజ్, అటు రాహుల్ ఇద్దరూ నవ్వుల్లో మునిగిపోయారు. వీళ్ల మాటలు స్టంప్ మైక్ ద్వారా బయటకు వినపడటంతో అది కాస్తా సోషల్ మీడియాలో వైరల్​గా మారింది. రాహుల్ కామెడీ టైమింగ్, సెన్సాఫ్ హ్యూమర్​ను అందరూ మెచ్చుకుంటున్నారు. కాగా, భారత మూలాలు కలిగిన కేశవ్ మహారాజ్​ ఆంజనేయ స్వామిని బాగా నమ్ముతాడు.

ఇక, వన్డే సిరీస్ విజయంలో ప్లేయర్ల ఇండివిడ్యువల్ పెర్ఫార్మెన్స్​లను మినహాయిస్తే కెప్టెన్​ కేఎల్ రాహుల్ రోల్ చాలా కీలకమనే చెప్పాలి. సారథ్యంలో అతడు పూర్తిగా ఇన్​వాల్వ్ అయ్యాడు. యువ ఆటగాళ్లతో కలసిపోయాడు రాహుల్. ప్రొటీస్​తో సిరీస్​లో ఎక్కువగా యంగ్​స్టర్స్​ ఆడటం, అందులోనూ సాయి సుదర్శన్, రజత్ పాటిదార్ వంటి అరంగేట్ర ఆటగాళ్లు ఉన్న జట్టును లీడ్ చేయడం చాలా కష్టమని అంతా అనుకున్నారు. కానీ ఈ ఛాలెంజ్​ను రాహుల్ ధైర్యంగా స్వీకరించాడు. యంగ్​స్టర్స్​కు అండగా ఉంటూ అవసరమైన టైమ్​లో సలహాలు, సూచనలు ఇచ్చాడు. బౌలింగ్ ఛేంజెస్, అటాకింగ్ ఫీల్డ్ సెట్​తో ఆకట్టుకున్నాడు. సిరీస్​ గెలుపులో మూడో మ్యాచ్ కీలకం కావడంతో తానే కీపింగ్ బాధ్యతలు తీసుకున్నాడు. వికెట్ వెనుక నుంచి వ్యూహాలు పన్నాడు. ఇది బాగా వర్కౌట్ అయింది. ఈ క్రమంలోనే కేశవ్ మహారాజ్ బ్యాటింగ్​కు వచ్చిన టైమ్​లో తన సెన్సాఫ్ హ్యూమర్​తో నవ్వించాడు రాహుల్. మరి.. రాహుల్ కెప్టెన్సీ, అతడి సెన్సాఫ్​ హ్యూమర్​పై మీ అభిప్రాయాలను కామెంట్ల రూపంలో తెలియజేయండి.

ఇదీ చదవండి: Sunrisers Hyderabad: సంచలన నిర్ణయం తీసుకున్న సన్ రైజర్స్! ఏంటంటే?

Hahahahha….Rahul- “Keshav bhai, every time you come, they play this song (Ram Siya Ram) 🤍🤍🤍 pic.twitter.com/79NtNEbomk

— tea_addict 🇮🇳 (@on_drive23) December 21, 2023