IND vs ENG: వీడియో: స్టన్నింగ్ డెలివరీతో స్టోక్స్​కు షాకిచ్చిన అశ్విన్.. ఇది 12వ సారి!

టీమిండియాను సొంతగడ్డ మీద ఓడించడం ఎంత కష్టమో అందరికీ తెలుసు. బంతి గింగిరాలు తిరిగే ఇక్కడి టర్నింగ్ ట్రాక్స్​ మీద పరుగులు చేయడం అంత ఈజీ కాదు. దిగ్గజ బ్యాటర్లే మన బౌలర్ల చేతుల్లో ఔట్ అయి తోకముడిచారు. భారత్​ను ఓడిస్తామంటూ ప్రగల్భాలు పలికిన టాప్ టీమ్స్ దారుణ పరాజయాలను ఫేస్ చేయక తప్పలేదు. ఎంత పకడ్బందీగా ప్లాన్ చేసి వచ్చినా ఇక్కడ ఓటములు తప్పవు. అది ఇంగ్లండ్​కు ఇప్పుడు అర్థమవుతోంది. బజ్​బాల్​ క్రికెట్​తో రోహిత్ సేనను ఓడిస్తామంటూ బడాయికి పోయిన ఇంగ్లీష్ టీమ్​కు తొలి టెస్ట్​లో చుక్కలు కనిపిస్తున్నాయి. మన బౌలర్ల దెబ్బకు ఆ జట్టు బ్యాటర్లకు మైండ్ బ్లాంక్ అయింది. ఇంగ్లండ్ కెప్టెన్​ బెన్ స్టోక్స్ కూడా ఎలా బ్యాటింగ్ చేయాలో తెలియక బిత్తరపోయాడు. స్టార్ స్పిన్నర్ అశ్విన్ అతడికి దిమ్మతిరిగేలా షాక్ ఇచ్చాడు.

టాప్ స్పిన్నర్ రవిచంద్రన్ అశ్విన్ వలలో పడి విలవిల్లాడాడు స్టోక్స్. సెకండ్ ఇన్నింగ్స్​లో 140 పరుగులకు 4 వికెట్లు కోల్పోయి ఇంగ్లండ్ కష్టాల్లో ఉన్న సమయంలో క్రీజులోకి అడుగుపెట్టాడు స్టోక్స్ (6). ఒకవైపు ఓలీ పోప్ (77 నాటౌట్) క్రీజులో పాతుకుపోయడు. కానీ ఆ టీమ్ కెప్టెన్​కు మాత్రం ఈ పిచ్ మీద ఎలా బ్యాటింగ్ చేయాలో అర్థం కాలేదు. బాల్ బాగా రివర్స్ స్వింగ్ అవుతుండటం, మంచి బౌన్స్​తో పాటు స్పిన్​కు అనుకూలిస్తుండటంతో బ్యాటింగ్ చేయడం కష్టంగా మారింది. భారత బౌలర్లు రెచ్చిపోయి బౌలింగ్ చేస్తుండటంతో స్టోక్స్ పూర్తిగా డిఫెన్స్​కే పరిమితం అయ్యాడు. 33 బంతులు ఎదుర్కొన్న అతడు కేవలం 6 పరుగులే చేసి అశ్విన్ వేసిన ఓ ఆఫ్ స్పిన్ డెలివరీకి క్లీన్ బౌల్డ్ అయ్యాడు.

మిడిల్ స్టంప్​ లైన్​లో అశ్విన్ వేసిన బాల్ టర్న్ అయి ఆఫ్ స్టంప్​ను గిరాటేసింది. బాల్​ను డిఫెన్స్ చేసేందుకు స్టోక్స్ ప్రయత్నించాడు. కానీ టర్న్ అయిన బాల్ అతడి బ్యాట్​ను బీట్ చేసి వెళ్లి ఆఫ్ స్టంప్​ను ముద్దాడింది. బంతిని బ్లాక్ చేసేందుకు ప్రయత్నించినా మూమెంట్ కాస్త స్లోగా ఉండటంతో పడిన వెంటనే టర్న్ అయిన బాల్ అతడి బ్యాట్​ను దాటి స్టంప్స్​కు తాకింది. దీంతో బిత్తరపోయిన స్టోక్స్​ అశ్విన్ వైపు చూస్తూ ఇదేం బాల్ అనుకుంటూ క్రీజును వీడాడు. అయితే స్టార్ స్పిన్నర్ బౌలింగ్​లో ఇంగ్లండ్ కెప్టెన్ ఔట్ అవడం ఇదే తొలిసారి కాదు. మొత్తంగా టెస్ట్ క్రికెట్​లో 12 సార్లు స్టోక్స్​ను ఔట్ చేశాడు అశ్విన్. అతడి పాలిట విలన్​లా తయారయ్యాడు. ఈ రికార్డు గురించి తెలియడం, స్టోక్స్ లెఫ్టాండర్ బ్యాటర్ కావడంతో అతడు బ్యాటింగ్​కు రాగానే అశ్విన్​ను దింపాడు రోహిత్. అది బాగా పనిచేసి బ్రేక్ త్రూ లభించింది. ప్రస్తుతం ఇంగ్లండ్ 5 వికెట్లకు 196 రన్స్​తో ఉంది. ఆ జట్టు 7 రన్స్ లీడ్​తో ఉంది. పోప్ (82 నాటౌట్), బెన్ ఫోక్స్ (11 నాటౌట్) క్రీజులో ఉన్నారు. మరి.. స్టోక్స్ పాలిట అశ్విన్ విలన్​గా మారడంపై మీ అభిప్రాయాలను కామెంట్ల రూపంలో తెలియజేయండి.

Ravi Ashwin for the 12th time in Test cricket history has Ben Stokes. 🐐pic.twitter.com/Snj4LCkrjd

— Mufaddal Vohra (@mufaddal_vohra) January 27, 2024