Nidhan
టీమిండియా స్టార్ పేసర్ జస్ప్రీత్ బుమ్రా ఎప్పుడూ కూల్గా ఉంటాడనేది తెలిసిందే. కానీ ఇంగ్లండ్తో జరుగుతున్న తొలి టెస్ట్లో బుమ్రా సీరియస్ అయ్యాడు. కీపర్ కేఎస్ భరత్పై కోపాన్ని ప్రత్యర్థి జట్టు బ్యాటర్ మీద చూపించాడు.
టీమిండియా స్టార్ పేసర్ జస్ప్రీత్ బుమ్రా ఎప్పుడూ కూల్గా ఉంటాడనేది తెలిసిందే. కానీ ఇంగ్లండ్తో జరుగుతున్న తొలి టెస్ట్లో బుమ్రా సీరియస్ అయ్యాడు. కీపర్ కేఎస్ భరత్పై కోపాన్ని ప్రత్యర్థి జట్టు బ్యాటర్ మీద చూపించాడు.
Nidhan
టీమిండియా స్టార్ పేసర్ జస్ప్రీత్ బుమ్రా ఎప్పుడూ కూల్గా ఉంటాడు. గ్రౌండ్లోనే కాదు బయట కూడా అలాగే అదే యాటిట్యూడ్ను మెయింటెయిన్ చేస్తాడు. తోటి ప్లేయర్లు అందరితో కలసిపోయి జోవియల్గా ఉండే బుమ్రా ఫస్ట్ టైమ్ సీరియస్గా కనిపించాడు. ఇంగ్లండ్తో ఉప్పల్ వేదికగా జరుగుతున్న తొలి టెస్ట్లో వికెట్ కీపర్ కేఎస్ భరత్ చేసిన ఓ పనితో పేసుగుర్రం సీరియస్ అయ్యాడు. అయితే ఆ కోపంతో రెచ్చిపోయిన బుమ్రా.. ఇంగ్లండ్ బ్యాట్స్మన్కు చుక్కలు చూపించాడు. బుమ్రా కోపానికి బెన్ డకెట్ (47) బలయ్యాడు. దెబ్బకు క్రీజును వీడాడు ఇంగ్లీష్ బ్యాటర్. ఇది ఇంగ్లండ్ సెకండ్ ఇన్నింగ్స్ పదో ఓవర్లో జరిగింది. ఆ ఓవర్లో బెన్ డకెట్ను పర్ఫెక్ట్గా సెట్ చేశాడు బుమ్రా. అప్పటికే వరుస బౌండరీలతో భారత్ను భయపెట్టిన డకెట్ను ఓ అద్భుతమైన ఇన్స్వింగర్తో వికెట్ల ముందు దొరకబుచ్చుకున్నాడు. కానీ అంపైర్ ఔట్ ఇవ్వలేదు.
డకెట్ ప్లంబ్ అయినా అంపైర్ ఔట్ ఇవ్వలేదు. దీంతో రివ్యూకు వెళ్దామని బుమ్రా అనుకున్నాడు. కానీ కెప్టెన్ రోహిత్ శర్మ కీపర్ కేఎస్ భరత్ వైపు చూశాడు. ఎల్బీడబ్ల్యూనా? కాదా? రివ్యూకు వెళ్దామా అని అతడ్ని అడిగాడు. అయితే డీఆర్ఎస్ వద్దని భరత్ చెప్పడంతో హిట్మ్యాన్ ఆగిపోయాడు. కానీ రీప్లేలో డకెట్ ఎల్బీడబ్ల్యూ అయినట్లు తేలింది. దీంతో బుమ్రా కోపాన్ని ఆపుకోలేకపోయాడు. కానీ తన అగ్రెషన్ను భరత్ మీద కాకుండా డకెట్ మీద చూపించాడు. ఆ ఓవర్లో మరింత రెచ్చిపోయి బౌలింగ్ చేసిన పేసుగుర్రం ఈసారి ఇంగ్లండ్ బ్యాటర్ను క్లీన్ బౌల్డ్ చేశాడు. ఫోర్త్ స్టంప్ మీద పడిన బంతి ఇన్ స్వింగ్ అయి డకెట్ ఆఫ్ వికెట్ను గిరాటేసింది. బుమ్రా వేసిన స్పీడ్కు వికెట్ ఎగిరి చాలా దూరంగా పడింది. దీంతో డకెట్ షాకయ్యాడు. ఇదేం బాల్.. ఇంత స్వింగ్ ఎలా అయిందని ఆశ్చర్యపోయాడు. ఆ వికెట్ను సెలబ్రేట్ చేసుకుంటూ తన కోపాన్ని చూపించిన బుమ్రా అక్కడితో ఆగలేదు.
డకెట్ను ఔట్ చేశానన్న కాన్ఫిడెన్స్తో నెక్స్ట్ ఓవర్లో మరింత అగ్రెసివ్గా బౌలింగ్ చేశాడు బుమ్రా. దీనికి ఫలితం కూడా వచ్చింది. పర్ఫెక్ట్ సెటప్తో ఇంగ్లండ్ టాప్ బ్యాటర్ జో రూట్ను ఔట్ చేశాడు. అతడ్ని వికెట్ల ముందు దొరకబుచ్చుకున్నాడు. ఈసారి కూడా ఇన్స్వింగ్ అస్త్రంతోనే వికెట్ పడగొట్టాడు బుమ్రా. మూడో రోజు లంచ్ నుంచి బాల్ రివర్స్ స్వింగ్ అవడం స్టార్ట్ అయింది. దీంతో బుమ్రాతో పాటు మరో పేసర్ మహ్మద్ సిరాజ్ను కూడా బౌలింగ్కు దింపాడు రోహిత్ శర్మ. ఒక ఎండ్లో సిరాజ్ పరుగులు ఆపుతుంటే మరో ఎండ్లో బుమ్రా వికెట్లు తీస్తున్నాడు. దీంతో ఇంగ్లండ్ బ్యాట్స్మెన్కు ఎలా ఆడాలో తెలియడం లేదు. బాల్ రివర్స్ స్వింగ్ అవుతుండటంతో ఇంగ్లండ్ ఈ రోజే ఆలౌట్ అయినా ఆశ్చర్యపోనవసరం లేదు. ప్రస్తుతం ఆ జట్టు 24.4 ఓవర్లకు 3 వికెట్ల నష్టానికి 124 పరుగులతో ఉంది. జానీ బెయిర్స్టో (4 నాటౌట్), ఓలీ పోప్ (36 నాటౌట్) క్రీజులో ఉన్నారు. ఆ జట్టు భారత్ ఫస్ట్ ఇన్నింగ్స్ స్కోరుకు ఇంకా 66 పరుగుల దూరంలో ఉంది. మరి.. బుమ్రా బౌలింగ్ మీకెలా అనిపించిందో కామెంట్ల రూపంలో తెలియజేయండి.
Never in doubt!@Jaspritbumrah93 gets his man and the off-stump is out of the ground 🔥🔥
Ben Duckett departs for 47.
Follow the match ▶️ https://t.co/HGTxXf8b1E#TeamIndia | #INDvENG | @IDFCFIRSTBank pic.twitter.com/zlPk2nVgdb
— BCCI (@BCCI) January 27, 2024
Jasprit Bumrah’s Reaction when Ball was hitting the Stumps.
📷 Jio Cinema pic.twitter.com/owvtYaUGwV
— CricketGully (@thecricketgully) January 27, 2024
