ఇంగ్లండ్తో జరిగిన రెండో టెస్టులో టీమిండియా ఘనవిజయం సాధించింది. ఈ విక్టరీలో మిగతా ప్లేయర్ల కాంట్రిబ్యూషన్ కూడా ఉన్నా అందరికంటే పేసుగుర్రం జస్ప్రీత్ బుమ్రా కీలకపాత్ర పోషించాడని చెప్పొచ్చు.
ఇంగ్లండ్తో జరిగిన రెండో టెస్టులో టీమిండియా ఘనవిజయం సాధించింది. ఈ విక్టరీలో మిగతా ప్లేయర్ల కాంట్రిబ్యూషన్ కూడా ఉన్నా అందరికంటే పేసుగుర్రం జస్ప్రీత్ బుమ్రా కీలకపాత్ర పోషించాడని చెప్పొచ్చు.
ఇంగ్లండ్తో రెండో టెస్టులో విజయం సాధించిన టీమిండియా రివేంజ్ తీర్చుకుంది. మొదటి టెస్టులో ఎదురైన అనూహ్య ఓటమికి తన స్టైల్లో బదులు తీర్చుకుంది. బజ్బాల్ క్రికెట్ బెండు తీస్తూ ఇంగ్లీష్ టీమ్ను 106 పరుగుల భారీ తేడాతో ఓడించింది. భారత్ గెలుపులో బ్యాటర్ల కంటే బౌలర్ల పాత్రే ఎక్కువ. అందులోనూ పేసుగుర్రం జస్ప్రీత్ బుమ్రా రాణించిన తీరును అస్సలు మెచ్చుకోకుండా ఉండలేం. ఈ మ్యాచ్లో రెండు ఇన్నింగ్స్ల్లో కలిపి 9 వికెట్లు తీసిన బుమ్రా.. ఇంగ్లండ్ పతనాన్ని శాసించాడు. అద్భుతమైన బౌలింగ్తో విధ్వంసం సృష్టించినందుకు అతడికి ప్లేయర్ ఆఫ్ ది మ్యాచ్ అవార్డు దక్కింది. ఈ పురస్కారం అందుకున్న తర్వాత బుమ్రా ఎమోషనల్ అయ్యాడు. చిన్నప్పటి నుంచి తాను ముగ్గురు లెజెండరీ పేసర్లను చూసి పెరిగానన్నాడు.
‘చిన్నప్పుడు నేను మొదట నేర్చుకున్న బాల్ యార్కర్. దాన్ని బాగా సాధన చేశా. వకార్ యూనిస్, వసీం అక్రమ్, జహీర్ ఖాన్ను చూస్తూ పెరిగా. ఈ పేస్ దిగ్గజాలను చూసే యార్కర్ ఎలా వేయాలో నేర్చుకున్నా. నాకు ఏ బౌలర్తోనూ కాంపిటీషన్ లేదు. ఎందుకంటే నేను అందరు ఫాస్ట్ బౌలర్స్ బౌలింగ్ను ఓ పిల్లాడిలా చూస్తూ ఎంజాయ్ చేస్తా. ఇది నాకు ఎంతో సంతోషాన్ని ఇస్తుంది. పేస్ బౌలర్లు బాగా బౌలింగ్ చేస్తే వాళ్లను అభినందిస్తా. నేను రికార్డుల గురించి అస్సలు పట్టించుకోను’ అని బుమ్రా స్పష్టం చేశాడు. నంబర్స్, మైల్స్టోన్స్ను పట్టించుకోనని.. వాటిని పట్టించుకుంటే అనవసర ఒత్తిడి కలుగుతుందని తెలిపాడు. ప్రెజర్ పెరిగితే గేమ్ను ఎంజాయ్ చేయలేమని పేర్కొన్నాడు. కుర్రాడిగా ఉన్నప్పుడు రికార్డులు తనకు చాలా ఉత్సాహాన్ని ఇచ్చేవని.. కానీ ఇప్పుడు అవి ఎక్స్ట్రా బ్యాగేజ్గా అనిపిస్తున్నాయని బుమ్రా చెప్పుకొచ్చాడు.
యంగ్ ఏజ్లో తాను యార్కర్స్ బాగా ప్రాక్టీస్ చేశానని.. అవి ఇప్పుడు పనికొస్తున్నాయని బుమ్రా అన్నాడు. వకార్, వసీం, జహీర్ ఎలా బౌలింగ్ చేసేవారో నిశితంగా పరిశీలించి ఆ డెలివరీస్ ప్రాక్టీస్ చేసేవాడ్ననని చెబుతూ ఎమోషనల్ అయ్యాడు. ‘టీమ్లో నేను బౌలింగ్ కెప్టెన్ కాదు. కానీ ఒక సీనియర్ పేసర్గా యంగ్స్టర్స్కు అండగా ఉండాల్సిన బాధ్యత నా మీద ఉంది. అలాగే పిచ్ కండీషన్స్కు తగ్గట్లు ఎలా బౌలింగ్ చేయాలి, ఎలాంటి బంతుల్ని సంధించాలో చెప్పే రెస్పాన్సిబిలిటీ నాదే. ఇవే విషయాలను గ్రౌండ్లో కుర్రాళ్లతో చర్చిస్తా. కెప్టెన్ రోహిత్ శర్మతో డిస్కషన్స్ కూడా మ్యాచ్కు సంబంధించినవే ఉంటాయి. మేం ఇద్దరమూ కలసి సుదీర్ఘ కాలంగా ఆడుతున్నాం. మా ఇరువురి మధ్య ఎలాంటి వాగ్వాదాలకు చోటు లేదు’ అని బుమ్రా వ్యాఖ్యానించాడు. మరి.. చిన్నతనంలో వకార్, వసీం, జహీర్లను చూసి బౌలింగ్ నేర్చుకున్నానంటూ బుమ్రా చేసిన వ్యాఖ్యల మీద మీరేం అనుకుంటున్నారో కామెంట్ చేయండి.
Bumrah said “As a youngster, the first delivery I learned was Yorker – had seen the legends of the game like Waqar, Wasim and Zaheer Khan”. pic.twitter.com/qj1giTe6FD
— Johns. (@CricCrazyJohns) February 5, 2024
