చరిత్ర సృష్టించిన అండర్సన్.. ఏ బౌలర్​కూ సాధ్యం కాని అరుదైన రికార్డు!

ఇంగ్లండ్ వెటరన్ పేసర్ జేమ్స్ అండర్సన్ చరిత్ర సృష్టించాడు. ఇప్పటిదాకా వరల్డ్ క్రికెట్​లో ఏ బౌలర్ కూడా సాధించని ఓ రేర్ ఫీట్​ను అతడు అందుకున్నాడు. టెస్టుల్లో 700 వికెట్లు తీసిన తొలి పేస్ బౌలర్​గా అండర్సన్ నిలిచాడు. మొత్తం 187 టెస్టుల్లో అతడు ఈ ఫీట్​ను సాధించాడు. ధర్మశాల వేదికగా జరుగుతున్న ఐదో టెస్టులో భారత ఫస్ట్ ఇన్నింగ్స్​లో కుల్దీప్ యాదవ్​ను ఔట్ చేయడంతో అరుదైన మైలురాయిని చేరుకున్నాడు అండర్సన్. ఓవరాల్​గా 700 వికెట్ల క్లబ్​లో చేరిన మూడో బౌలర్​గా అతడు రికార్డు క్రియేట్ చేశాడు. ఈ లిస్టులో అండర్సన్ కంటే మరో ఇద్దరు లెజెండ్స్ ముందున్నారు.

టెస్టుల్లో అత్యధిక వికెట్లు తీసిన వారి జాబితాలో శ్రీలంక స్పిన్ దిగ్గజం ముత్తయ్య మురళీధరన్ (800 వికెట్లు), ఆస్ట్రేలియా గ్రేట్ షేన్ వార్న్ (708 వికెట్లు) మొదటి రెండు స్థానాల్లో ఉన్నారు. ఇందులో మురళీధరన్​ను అందుకోవడం కష్టమే. కానీ మరో 9 వికెట్లు తీస్తే ఆసీస్ లెజెండ్ వార్న్​ను అండర్సన్ అధిగమిస్తాడు. ఇప్పుడు ఉన్న ఫిట్​నెస్​తో మరో మూడ్నాలుగేళ్లు ఆడితే మురళీధరన్​ రికార్డును బ్రేక్ చేసి మోస్ట్ వికెట్ టేకర్​గా అవతరించే ఛాన్సులు ఉన్నాయి. ఇక, ఐదో టెస్టు తొలి ఇన్నింగ్స్​లో టీమిండియా 477 పరుగులకు ఆలౌట్ అయింది. ఇంగ్లండ్ బౌలర్లలో అండర్సన్​, టామ్ హార్ట్​లీకి చెరో 2 వికెట్లు దక్కగా.. స్పిన్నర్ బషీర్ 5 వికెట్లు తీశాడు. మరి.. అండర్సన్ అరుదైన రికార్డుపై మీ ఒపీనియన్​ను కామెంట్ల రూపంలో తెలియజేయండి.

ఇదీ చదవండి: కుల్దీప్ పై కాసుల వర్షం.. ఒక్కో వికెట్ కు రూ. లక్ష! ఎందుకంటే?

JAMES ANDERSON COMPLETED 700 WICKETS IN TEST…!!!! 🫡

– One of the greatest moment in cricket history. pic.twitter.com/7mOu9LzMjo

— Johns. (@CricCrazyJohns) March 9, 2024