టీమిండియాలో కొత్త సెంటిమెంట్.. వాళ్లొస్తే ఇరగదీయడం పక్కా!

ఇంగ్లండ్​తో జరుగుతున్న నాలుగో టెస్టులో భారత జట్టు అదరగొడుతోంది. రాంచీ వేదికగా జరుగుతున్న ఈ మ్యాచ్​లో టాస్ నెగ్గిన ఇంగ్లీష్ టీమ్ కెప్టెన్ బెన్ స్టోక్స్ బ్యాటింగ్ ఎంచుకున్నాడు. ఆ టీమ్​కు మంచి స్టార్ట్ దొరికింది. ఓపెనర్లు జాక్ క్రాలే (42), బెన్ డకెట్ (11)లు ఫస్ట్ వికెట్​కు 47 పరుగులు జోడించారు. మంచి ఆరంభం దొరకడంతో ఇద్దరూ భారీ స్కోర్లు చేయడం ఖాయమని అంతా అనుకున్నారు. కానీ అరంగేట్ర బౌలర్ ఆకాశ్ దీప్ ప్రత్యర్థి జట్టును మడత బెట్టేశాడు. డకెట్​తో పాటు ఓలీ పోప్ (0)ను ఒకే ఓవర్​లో ఔట్ చేశాడు. మరో 10 పరుగుల గ్యాప్​లో క్రాలేను కూడా వెనక్కి పంపాడు. దీంతో ఆ టీమ్ దిక్కుతోచని స్థితిలో పడిపోయింది. ఇంగ్లండ్​ను చావుదెబ్బ తీసిన ఆకాశ్​ను అందరూ మెచ్చుకుంటున్నారు. అయితే సరిగ్గా గమనిస్తే భారత జట్టు పాటిస్తున్న ఓ కొత్త సెంటిమెంట్ ఆకాశ్​ సక్సెస్​కు హెల్ప్ చేసిందని చెప్పొచ్చు.

ఎన్నో ఏళ్లు కష్టపడితే గానీ నేషనల్ టీమ్​కు ఆడే ఛాన్స్ రాదు. అలాంటి అవకాశం వచ్చినప్పుడు తమ కుటుంబాలు కూడా దగ్గరగా ఉంటే బాగుంటుందని ఏ ప్లేయిర్ అయినా కోరుకుంటాడు. అందుకే దీన్ని గమనించిన భారత టీమ్ మేనేజ్​మెంట్ డెబ్యూ మ్యాచ్ ఆడుతున్న ఆటగాళ్ల ఫ్యామిలీలను మ్యాచ్​లకు ఆహ్వానిస్తోంది. ఈ క్రమంలో రాజ్​కోట్​ టెస్టుతో ఎంట్రీ ఇచ్చిన సర్ఫరాజ్​ ఖాన్​కు టెస్ట్ క్యాప్ ఇచ్చారు. క్యాప్ అందుకోగానే అతడు తన తండ్రి, భార్యను కలసి ఎమోషనల్ అయ్యాడు. వాళ్లు మ్యాచ్​ను గ్రౌండ్​లో కూర్చొని వీక్షిస్తుండగా.. రెండు హాఫ్​ సెంచరీలు బాదాడు. నాలుగో టెస్టులో ఎంట్రీ ఇచ్చిన ఆకాశ్ దీప్ తనకు టెస్ట్ క్యాప్ ఇవ్వగానే తల్లితో పాటు కుటుంబ సభ్యులను కలసి సెలబ్రేట్ చేసుకున్నాడు. ఆ తర్వాత బరిలోకి దిగి ఇంగ్లండ్​కు చుక్కలు చూపించాడు.

అరంగేట్ర మ్యాచ్ ఆడుతున్న ఆటగాళ్ల కుటంబాలను గ్రౌండ్​లోకి ఆహ్వానించడం ఇప్పుడు రోహిత్ సేనకు సెంటిమెంట్​గా మారింది. ఇంగ్లండ్​తో టెస్ట్ సిరీస్​లో పలువురు యంగ్​స్టర్స్​ డెబ్యూ ఇచ్చారు. రజత్ పాటిదార్, సర్ఫరాజ్ ఖాన్, ధృవ్ జురెల్​, ఆకాశ్ దీప్ రూపంలో ఒకే సిరీస్​లో నలుగురు కుర్రాళ్లు భారత జట్టుకు ప్రాతినిధ్యం వహించే అవకాశాన్ని దక్కించుకున్నారు. వీరిలో రజత్ వైజాగ్ టెస్ట్​లో అరంగేట్రం చేయగా.. రాజ్​కోట్ టెస్ట్ సర్ఫరాజ్, జురెల్​కు డెబ్యూ మ్యాచ్​గా మారింది. ఇప్పుడు రాంచీ టెస్టులో ఆకాశ్ ఎంట్రీ ఇచ్చాడు. ఈ మధ్య కాలంలో ఇలా ఒకే టెస్టులో ఇంత మంది యంగ్​స్టర్స్​ అరంగేట్రం జరగలేదు. దీనికి సెలక్టర్లతో పాటు కెప్టెన్ రోహిత్ శర్మ, కోచ్ రాహుల్ ద్రవిడ్​ను మెచ్చుకోవాల్సిందే. డొమెస్టిక్ క్రికెట్​లో అదరగొడుతున్న కుర్రాళ్లకు పిలిచి మరీ ఛాన్స్ ఇవ్వడాన్ని ప్రశంసించాల్సిందే.

కాగా, డెబ్యూ మ్యాచ్ ఆడుతున్న ప్లేయర్లు తమ సంతోషాన్ని ఫ్యామిలీతో కలసి సెలబ్రేట్ చేసుకునేలా టీమ్ మేనేజ్​మెంట్ చేయడంపై సోషల్ మీడియాలో నెటిజన్స్ హర్షం వ్యక్తం చేస్తున్నారు. ఇది చాలా మంచి విషయమని.. మిగతా టీమ్స్ కూడా దీన్ని ఫాలో అవ్వాలని కామెంట్స్ చేస్తున్నారు. సర్ఫరాజ్​కు టెస్ట్ క్యాప్ ఇచ్చిన తర్వాత అతడి పేరెంట్స్​ను కెప్టెన్ రోహిత్ శర్మ కలసి ధైర్యం ఇవ్వడాన్ని గుర్తుచేస్తున్నారు. సర్ఫరాజ్​కు తాను ఉన్నానని.. భరోసా ఇవ్వడం సూపర్బ్ అంటున్నారు. రాంచీ టెస్టులోనూ ఆకాశ్​కు మిగిలిన ప్లేయర్లు మద్దతుగా ఉండటం, 3 వికెట్లు తీసిన తర్వాత బ్రేక్ టైమ్​లో టీమ్​ను లీడ్ చేసే ఛాన్స్ అతడికి ఇవ్వడం సూపర్బ్ అని మెచ్చుకుంటున్నారు. ఈ సెంటిమెంట్ వల్లే ప్లేయర్లు మరింత కాన్ఫిడెంట్​గా బరిలోకి దిగి రాణిస్తున్నారని చెబుతున్నారు. మరి.. భారత జట్టు కొత్త సంప్రదాయంపై మీ అభిప్రాయాలను కామెంట్ల రూపంలో తెలియజేయండి.

ఇదీ చదవండి: ఆకాశ్ దీప్ సక్సెస్ వెనుక కోహ్లీ.. అప్పుడు పడిన కష్టం వల్లే..!

Family!❤️ pic.twitter.com/3fm68tJiNd

— CricketGully (@thecricketgully) February 23, 2024

AKASH DEEP ON FIRE. 🔥🤯

– One of the finest debut ever in Tests by an Indian fast bowler…!!!!pic.twitter.com/WeKIUWxlyL

— Johns. (@CricCrazyJohns) February 23, 2024