IND vs BAN, Kanpur Test: టీమిండియా-బంగ్లాదేశ్ మధ్య రెండో టెస్ట్ మొదలైపోయింది. కాన్పూర్ వేదికగా జరుగుతున్న ఈ మ్యాచ్కు భారీ సంఖ్యలో అభిమానులు తరలివచ్చారు. అయితే గ్రౌండ్లో ఫైట్ జరగడం డిస్కషన్స్కు దారితీసింది.
IND vs BAN, Kanpur Test: టీమిండియా-బంగ్లాదేశ్ మధ్య రెండో టెస్ట్ మొదలైపోయింది. కాన్పూర్ వేదికగా జరుగుతున్న ఈ మ్యాచ్కు భారీ సంఖ్యలో అభిమానులు తరలివచ్చారు. అయితే గ్రౌండ్లో ఫైట్ జరగడం డిస్కషన్స్కు దారితీసింది.
భారత్-బంగ్లాదేశ్ మధ్య రెండో టెస్ట్ ప్రారంభమైంది. కాన్పూర్ వేదికగా జరుగుతున్న ఈ మ్యాచ్లో టాస్ నెగ్గిన టీమిండియా కెప్టెన్ రోహిత్ శర్మ తొలుత బౌలింగ్ ఎంచుకున్నాడు. గురువారం రాత్రి వర్షం పడటంతో పిచ్ బౌలింగ్కు అనుకూలిస్తుందనే ఉద్దేశంతో అతడు ఈ నిర్ణయం తీసుకున్నాడు. అలాగే టీమ్లో ఏ ఛేంజెస్ చేయలేదు. చెన్నై టెస్ట్లో ఆడిన జట్టునే రిపీట్ చేశాడు. అయితే మ్యాచ్ సంగతి కాస్త అటుంచితే.. స్టేడియంలో ఫైట్ జరగడం ఇప్పుడు హాట్ టాపిక్గా మారింది. రోహిత్ సేన ఆట చూద్దామని భారీగా అభిమానులు తరలివచ్చారు. బంగ్లాదేశ్ సపోర్టర్స్ కూడా మంచి సంఖ్యలోనే అటెండ్ అయ్యారు. అయితే ఇరు జట్ల మధ్య గొడవ జరగడం ఇప్పుడు డిస్కషన్స్కు దారితీసింది. అసలు ఏం జరిగిందో డీటెయిల్డ్గా తెలుసుకుందాం..
ఇండియా-బంగ్లాదేశ్ మ్యాచ్కు ఆతిథ్యం ఇస్తున్న కాన్పూర్లోని గ్రీన్ పార్క్ స్టేడియంలో అభిమానుల మధ్య ఫైట్ జరిగిందని తెలుస్తోంది. ఇరు టీమ్స్ ఫ్యాన్స్ కొట్టుకున్నారని వినిపిస్తోంది. ఈ గొడవలో గాయపడ్డ ఓ బంగ్లా అభిమానిని హాస్పిటల్కు తరలిస్తున్న ఫొటోలు, వీడియోలు సోషల్ మీడియాలో వైరల్ అవుతున్నాయి. ఆ బంగ్లా ఫ్యాన్ పేరు టైగర్ రాబీ అని తెలుస్తోంది. స్టేడియంలోని సీ-బ్లాక్ దగ్గర అతడ్ని గుర్తించామని, శ్వాస తీసుకోవడంలో ఇబ్బంది పడుతున్నాడని స్థానిక పోలీసులు తెలిపారు. దీంతో వెంటనే ఆస్పత్రికి తీసుకెళ్లామని అన్నారు. దీనిపై రాబీ మాట్లాడుతూ.. కొందరు వ్యక్తులు తనను బాగా కొట్టారని, వెనుక నుంచి దాడి చేశారని చెప్పాడు. సరిగ్గా ఊపిరి తీసుకోలేకపోతున్నానని వాపోయాడు.
బంగ్లా ఫ్యాన్ రాబీపై భారత అభిమానులు దాడి చేశారనే ఆరోపణలను పోలీసులు ఖండించారు. డీహైడ్రేషన్ వల్ల అతడు ఊపిరి తీసుకోవడంలో ఇబ్బంది పడ్డాడని.. ఎలాంటి గొడవ జరగడానికి ఆస్కారం లేదన్నారు. అయితే అతడి కండీషన్పై డాక్టర్లు ఏం చెబుతారో వెయిట్ చేస్తున్నామని పేర్కొన్నారు. ఇక, సెకండ్ టెస్ట్ విషయానికొస్తే.. ఈ మ్యాచ్లో ఫస్ట్ బ్యాటింగ్కు దిగిన బంగ్లా ప్రస్తుతం 3 వికెట్లకు 107 పరుగులతో ఉంది. మోమినుల్ హక్ (40 నాటౌట్), ముష్ఫికర్ రహీం (6 నాటౌట్) క్రీజులో ఉన్నారు. ఓపెనర్లు జాకీర్ హుస్సేన్ (0), షాద్మన్ ఇస్లాం (24)ను పేసర్ ఆకాశ్దీప్ ఔట్ చేశాడు. బంగ్లా కెప్టెన్ నజ్ముల్ హసన్ షంటో (31)ను వెటరన్ స్పిన్నర్ రవిచంద్రన్ అశ్విన్ పెవిలియన్కు పంపించాడు. వర్షం కారణంగా మ్యాచ్ను నిలిపివేశారు అంపైర్లు. మరి.. గ్రౌండ్లో ఫైట్ జరగడంపై మీ ఒపీనియన్ను కామెంట్ చేయండి.
Bangladeshi fan Tiger Roby was beaten by some people.
– The Kanpur police took him to the hospital. pic.twitter.com/F3ZwKqvarM
— Mufaddal Vohra (@mufaddal_vohra) September 27, 2024
