చరిత్ర సృష్టించిన రోహిత్.. వరల్డ్ క్రికెట్​లో ఒకే ఒక్కడు!

విధ్వంసం, సునామీ, తుఫాను.. ఏ పదమైనా టీమిండియా కెప్టెన్ రోహిత్ ఇన్నింగ్స్​కు న్యాయం చేయలేదనే చెప్పాలి. టీ20 ప్రపంచ కప్​లో భాగంగా ఆస్ట్రేలియాతో జరుగుతున్న సూపర్ పోరులో ఫుల్ ఇంటెంట్​తో బ్యాటింగ్ చేశాడు హిట్​మ్యాన్. తొలి బంతి నుంచే అటాకింగ్ మొదలుపెట్టాడు. ఫోర్లు, సిక్సులు కొడుతూ కంగారూ బౌలర్లను ఠారెత్తించాడు. మిచెల్ స్టార్క్, ప్యాట్ కమిన్స్​ను టార్గెట్ చేసుకొని సిక్సర్ల వర్షం కురిపించాడు. ఈ క్రమంలో అతడు చరిత్ర సృష్టించాడు. ఇంటర్నేషనల్ టీ20 క్రికెట్​లో 200 సిక్సర్లు బాదిన ఏకైక క్రికెటర్​గా నిలిచాడు.

పొట్టి క్రికెట్​లో సిక్సుల విషయంలో రోహిత్​కు దరిదాపుల్లో ఒక్క ప్లేయర్ కూడా లేడు. 173 సిక్సర్లతో మార్టిన్ గప్తిల్ రెండో స్థానంలో ఉన్నాడు. ఆ తర్వాతి స్థానాల్లో జాస్ బట్లర్ (137 సిక్సులు), సూర్యకుమార్ యాదవ్ (129 సిక్సులు) ఉన్నారు. ఇక, ఆసీస్​తో మ్యాచ్​లో 19 బంతుల్లోనే హాఫ్ సెంచరీ మార్క్​ను అందుకున్నాడు రోహిత్. ప్రస్తుతం అతడు 34 బంతుల్లో 85 పరుగులతో ఉన్నాడు. అతడి ఇన్నింగ్స్​లో 6 ఫోర్లు, 8 సిక్సులు ఉన్నాయి. అతడి స్ట్రైక్ రేట్ 244గా ఉండటం విశేషం. మరి.. రోహిత్ సిక్సర్ల రికార్డుపై మీ అభిప్రాయాలను కామెంట్ చేయండి.