Virat Kohli: ఓ సూపర్‌ స్టార్‌తో కొన్నేళ్లగా కోహ్లీ చాటింగ్‌! తాజాగా బయటపెట్టాడు

ఆఫ్ఘానిస్థాన్​తో రెండో టీ20 మ్యాచ్ ఆడేందుకు భారత క్రికెట్ టీమ్ రెడీ అవుతోంది. ఈ మ్యాచ్​లో గెలిస్తే సిరీస్ సొంతమవుతుంది. కాబట్టి దీన్ని లైట్​గా తీసుకోవద్దని అనుకుంటోంది. తొలి టీ20 నుంచి తప్పుకున్న స్టార్ బ్యాట్స్​మన్ విరాట్ కోహ్లీ రెండో మ్యాచ్​కు అందుబాటులోకి వచ్చాడు. టీమ్​తో జాయిన్ అయిన విరాట్.. జోరుగా ప్రాక్టీస్ చేస్తూ కనిపించాడు. మధ్యప్రదేశ్​లోని ఇండోర్​లో జరగనున్న ఈ టీ20లో తన బ్యాట్ పవర్ చూపించేందుకు కింగ్ సిద్ధమవుతున్నాడు. 14 నెలల గ్యాప్ తర్వాత కమ్​బ్యాక్ ఇస్తున్న విరాట్.. టీ20 వరల్డ్ కప్ ప్రిపరేషన్స్​ను స్టార్ట్ చేసేందుకు ఉవ్విళ్లూరుతున్నాడు. సూపర్ ఫామ్​లో ఉన్న అతడు ఇదే జోరును కంటిన్యూ చేయాలని చూస్తున్నాడు. అయితే రెండో టీ20కి ముందు కోహ్లీ ఓ ఆసక్తికర విషయాన్ని అందరితో పంచుకున్నాడు. ఓ సూపర్ స్టార్​తో తాను చాన్నాళ్లుగా చాట్ చేస్తున్నానని తెలిపాడు. అసలు కోహ్లీ ఎవరితో చాట్ చేశాడో ఇప్పుడు తెలుసుకుందాం..

టెన్నిస్ సూపర్​స్టార్ నొవాక్ జొకోవిచ్​తో చాన్నాళ్లుగా టచ్​లో ఉన్నానని విరాట్ కోహ్లీ తెలిపాడు. అయితే ఇన్నేళ్లలో ఒక్కసారి కూడా తాము నేరుగా కలవలేదన్నాడు. తన గురించి జొకోవిచ్ చేసిన వ్యాఖ్యలు ఎంతో గర్వకారణమని చెప్పాడు. అతడి కెరీర్, సాధించిన ఘనతలు అపూర్వమని మెచ్చుకున్నాడు. ‘నొవాక్​తో అనుకోకుండా టచ్​లోకి వచ్చా. ఇన్​స్టాగ్రామ్​లో ప్రొఫైల్ చూస్తూ మెసేజ్ బటన్ నొక్కా. హలో అని టెక్స్ట్ చేద్దామనుకున్నా. అయితే అప్పటికే అతడి నుంచి నాకో మెసేజ్ వచ్చి ఉంది. దీంతో అది ఫేక్ అకౌంట్ అనుకొని చెక్ చేశా. అది అఫీషియల్ అకౌంట్ అని తెలిశాక మేం ఇద్దరమూ మాట్లాడుకోవడం స్టార్ట్ చేశాం. మేం తరచూ మెసేజ్​లు చేసుకుంటాం. ఒకరికొకరు కంగ్రాట్స్ చెప్పుకుంటాం. నేను 50 సెంచరీల రికార్డు సృష్టించినప్పుడు జొకోవిచ్ తన ఇన్​స్టాలో నాపై స్టోరీ పెట్టాడు. మా ఇద్దరికీ ఒకరి మీద ఒకరికి పరస్పర గౌరవం ఉంది. క్రీడా ప్రపంచంపై తమదైన ముద్ర వేస్తున్న నొవాక్ లాంటి గ్లోబల్ అథ్లెట్స్​తో కనెక్ట్ అవడం గొప్ప విషయం’ అని కోహ్లీ చెప్పుకొచ్చాడు.

గ్లోబల్ అథ్లెట్ల మధ్య గుడ్ రిలేషన్స్ ఉండటం అనేది భవిష్యత్ తరాలకు మంచి సందేశాన్ని పంపుతుందన్నాడు కోహ్లీ. జొకోవిచ్ తన కెరీర్​లో సాధించిన విజయాలు, అతడు పడిన కష్టం, ఫిట్​నెస్ లెవల్స్ తనకు ఇష్టమని పేర్కొన్నాడు. త్వరలో తామిద్దరం కలుస్తామని తెలిపాడు. జొకోవిచ్ ఇండియాకు వచ్చినా లేదా అతడు ఆడే దేశానికి తాను వెళ్లినా తప్పక కలుస్తామని టీమిండియా స్టార్ స్పష్టం చేశాడు. అతడితో కప్పు కాఫీ తాగాలని ఉందన్నాడు. ఇటీవల ఆస్ట్రేలియన్ ఓపెన్​లో కంగారూ స్టార్ ప్లేయర్ స్టీవ్ స్మిత్​తో కాసేపు క్రికెట్ ఆడాడు జొకోవిచ్. వీళ్లిద్దరూ టెన్నిస్ కూడా ఆడారు. దీని మీద కోహ్లీ రియాక్ట్ అయ్యాడు.

‘జొకోవిచ్-స్మిత్ కలసి టెన్నిస్ ఆడిన వీడియో చూశా. మేం టెన్నిస్ రాకెట్ స్వింగ్ చేసే దాని కంటే అతడు (జొకోవిచ్) క్రికెట్ బ్యాట్​ను బెటర్​గా స్వింగ్​ చేశాడు. స్మిత్ కూడా అతడి సర్వ్​ను భలేగా తిప్పికొట్టాడు. నాకూ జొకోవిచ్​తో కలసి టెన్నిస్ ఆడాలని ఉంది. అయితే టెన్నిస్​లో సర్వ్స్​ ఎంత వేగంగా నాకు తెలుసు. జొకోవిచ్​కు నేను ఒక్కటి మాత్రం నేర్పగలను. క్రికెట్ బ్యాట్​ను ఎలా పట్టుకోవాలో చెప్పగలను. జొకోవిచ్​కు ఆల్​ ది బెస్ట్. అతడు ఆస్ట్రేలియా ఓపెన్ గెలుస్తాడని అనుకుంటున్నా’ అని కోహ్లీ వ్యాఖ్యానించాడు. మరి.. జొకోవిచ్​-కోహ్లీ ఫ్రెండ్​షిఫ్​పై మీ అభిప్రాయాలను కామెంట్ చేయండి.

ఇదీ చదవండి: బ్రేకింగ్‌: అంతర్జాతీయ క్రికెట్‌కు వీడ్కోలు పలికిన IPL సూపర్‌ స్టార్‌!

𝗦𝗽𝗲𝗰𝗶𝗮𝗹 𝗙𝗲𝗮𝘁𝘂𝗿𝗲

Virat Kohli 🤝 Novak Djokovic

Two 🐐 🐐, one special bond 💙

Virat Kohli shares the story about his newest “text buddy” 👌👌 – By @ameyatilak#TeamIndia | @imVkohli | @DjokerNole | @AustralianOpen

𝙋.𝙎. – “Hey Novak 👋 – Good luck at AO” pic.twitter.com/PEPQnydwJB

— BCCI (@BCCI) January 14, 2024