IND vs AFG: ఆఫ్ఘాన్​తో టీమిండియా టీ20 సిరీస్.. ఎందులో చూడాలంటే..?

సౌతాఫ్రికా టూర్​ను సక్సెస్​ఫుల్​గా ముగించిన భారత్.. సొంతగడ్డ మీద మరో సిరీస్​కు సన్నద్ధమవుతోంది. సఫారీ టూర్​లో ఊహించిన దాని కంటే అద్భుతంగా ఆడటంతో ఫుల్ జోష్​లో ఉంది. దాదాపు నెల రోజుల పాటు సాగిన సౌతాఫ్రికా పర్యటనలో టీ20 సిరీస్​ను సమం చేసిన టీమిండియా.. వన్డే సిరీస్​ను కైవసం చేసుకుంది. ఆ తర్వాత జరిగిన టెస్ట్ సిరీస్​ను డ్రా చేసుకొని స్వదేశానికి తిరిగొచ్చింది. ఓటమనేదే లేకుండా టూర్​ను షినిష్ చేయడంతో ఫుల్ జోష్​లో ఉన్నారు భారత క్రికెటర్లు. తదుపరి ఆడే సిరీస్​ల్లోనూ ఇదే ఉత్సాహాన్ని కంటిన్యూ చేస్తూ విజయాలు సాధించాలని అనుకుంటున్నారు. ప్రస్తుతం ఆఫ్ఘానిస్థాన్​తో మూడు టీ20ల సిరీస్ కోసం రెడీ అవుతున్నారు మన ప్లేయర్లు. ఈ సిరీస్ జనవరి 11వ తేదీన మొదలుకానుంది. జూన్​లో జరగనున్న టీ20 వరల్డ్ కప్​-2024కు ముందు రోహిత్ సేన ఆడనున్న ఆఖరి పొట్టి ఫార్మాట్ సిరీస్ ఇదే కానుంది. ఈ నేపథ్యంలో ఆసక్తిని రేకెత్తిస్తున్న ఈ సిరీస్​ మ్యాచుల్ని ఎందులో చూడాలో ఇప్పుడు తెలుసుకుందాం..

భారత్-ఆఫ్ఘాన్ టీ20 సిరీస్ బ్రాడ్​కాస్టింగ్ రైట్స్ వయాకామ్ సంస్థకు చెందిన స్పోర్ట్స్ 18 ఛానెల్​కు ఉన్నాయి. ఈ సిరీస్ మ్యాచుల్ని స్పోర్ట్స్ 18 ఛానెల్​లో చూడొచ్చు. మొబైల్​లో లైవ్ టెలికాస్ట్ చేయాలంటే జియో సినిమా ఓటీటీ ప్లాట్​ఫామ్ వేదికగా చూడొచ్చు. అగ్రరాజ్యం అమెరికా వేదికగా ఈ ఏడాది జూన్​లో టీ20 ప్రపంచ కప్ స్టార్ట్ కానున్న నేపథ్యంలో భారత్​కు ఆఫ్ఘాన్ సిరీస్ ఎంతో కీలకంగా మారింది. ఈ సిరీస్ తర్వాత టీమిండియా ప్లేయర్లు నేరుగా ఇండియన్ ప్రీమియర్​ లీగ్​లో ఆడతారు. అనంతరం వరల్డ్ కప్​ బరిలో దిగుతారు. కాబట్టి టీమ్ కాంబినేషన్​ను సెట్ చేసుకోవాలన్నా, ప్రయోగాలు చేయాలన్నా భారత్​కు ఇదే లాస్ట్ ఛాన్స్. ఏయే ఆటగాళ్లను ఎక్కడెక్కడ ఆడించాలి? ఫైనల్ ఎలెవన్​లో ఎవరు ఉండాలనే దాని మీద అవగాహనకు వచ్చేయాలి. కాబట్టి ఆఫ్ఘాన్ సిరీస్​ను పూర్తి స్థాయిలో సద్వినియోగం చేసుకోవాలని భారత్ భావిస్తోంది.

కెప్టెన్ రోహిత్ శర్మతో పాటు స్టార్ బ్యాటర్ విరాట్ కోహ్లీ చాన్నాళ్ల తర్వాత మళ్లీ టీ20ల్లోకి కమ్​బ్యాక్ ఇచ్చారు. 14 నెలల పాటు పొట్టి ఫార్మాట్​కు దూరంగా ఉన్న ఈ ఇద్దరు స్టార్లు.. మొత్తానికి ఆఫ్ఘాన్​తో జరిగే టీ20 సిరీస్​తో రీఎంట్రీ ఇవ్వనున్నారు. టీ20 వరల్డ్ కప్-2024 ప్రణాళికల్లో రోహిత్-కోహ్లీ ఉన్నారని సెలక్షన్ ద్వారా బీసీసీఐ స్పష్టం చేసింది. అయితే వన్డేలు, టెస్టుల్లో అదరగొడుతున్న కేఎల్ రాహుల్​, టీ20ల్లో కన్​సిస్టెంట్​గా పెర్ఫార్మ్ చేస్తున్న ఇషాన్ కిషన్​ను సిరీస్​కు దూరం పెట్టడం చర్చనీయాంశంగా మారింది. ఇక, టీమిండియా-ఆఫ్ఘానిస్థాన్​ టీ20 సిరీస్​లోని మూడు మ్యాచులు రాత్రి 7 గంటలకు స్టార్ట్ కానున్నాయి. జనవరి 11వ తేదీన మొహాలీ వేదికగా ఫస్ట్ టీ20 జరగనుండగా.. 14న ఇండోర్​లో రెండో టీ20, 17న బెంగళూరులో ఆఖరి టీ20 జరగనుంది. మరి.. భారత్-ఆఫ్ఘాన్ సిరీస్ చూసేందుకు మీరెంత ఆసక్తిగా ఉన్నారో కామెంట్ల రూపంలో తెలియజేయండి.

ఇదీ చదవండి: పట్టరాని సంతోషంలో మహ్మద్ షమి.. తన కల నెరవేరిందంటూ..!

Jio Cinema’s poster for India vs Afghanistan T20I series.

– Captain Rohit Sharma & Co are ready…!!!! 🇮🇳 pic.twitter.com/gSswajozEC

— CricketMAN2 (@ImTanujSingh) January 8, 2024