క్రికెట్లో స్లెడ్జింగ్ అనేది కామనే. కానీ దానికి ఎలా రియాక్ట్ అవుతారనేది ఆసక్తికరమైన విషయంగా చెప్పొచ్చు. టీమిండియా నయా ఫినిషర్ రింకూ సింగ్ను ఓ ఆఫ్ఘానిస్థాన్ బౌలర్ స్లెడ్జ్ చేశాడు.
క్రికెట్లో స్లెడ్జింగ్ అనేది కామనే. కానీ దానికి ఎలా రియాక్ట్ అవుతారనేది ఆసక్తికరమైన విషయంగా చెప్పొచ్చు. టీమిండియా నయా ఫినిషర్ రింకూ సింగ్ను ఓ ఆఫ్ఘానిస్థాన్ బౌలర్ స్లెడ్జ్ చేశాడు.
టీమిండియా వరుస విక్టరీలతో దూసుకెళ్తోంది. ఇటీవల సౌతాఫ్రికా టూర్ను సక్సెస్ఫుల్గా ముగించుకొని వచ్చిన భారత జట్టు.. ఆఫ్ఘానిస్థాన్తో టీ20 సిరీస్ను కూడా కైవసం చేసుకుంది. మరో మ్యాచ్ మిగిలి ఉండగానే సిరీస్ను సొంతం చేసుకుంది. ఇండోర్ ఆతిథ్యం ఇచ్చిన రెండో టీ20లో టాస్ నెగ్గిన కెప్టెన్ రోహిత్ శర్మ తొలుత బౌలింగ్ ఎంచుకున్నాడు. దీంతో బ్యాటింగ్ స్టార్ట్ చేసిన ఆఫ్ఘానిస్థాన్ నిర్ణీత 20 ఓవర్లలో 172 పరుగులు చేసింది. గుల్బదీన్ నయీబ్ (57) ఆకట్టుకున్నాడు. బ్యాటింగ్కు సహకరిస్తున్న పిచ్ మీద ఆఫ్ఘాన్ నిర్దేశించిన టార్గెట్ను భారత్ 15.4 ఓవర్లలోనే ఊదిపారేసింది. ఓపెనర్ యశస్వి జైస్వాల్ (68), శివమ్ దూబె (63 నాటౌట్) బ్యాట్లతో చెలరేగి టీమ్కు సిరీస్ విక్టరీని అందించారు. అయితే ఈ మ్యాచ్లో భారత ఫినిషర్ రింకూ సింగ్ను ఓ ప్రత్యర్థి బౌలర్ స్లెడ్జింగ్ చేయడం చర్చనీయాంశంగా మారింది.
టీమిండియా ఇన్నింగ్స్ 16వ ఓవర్లో రింకూ సింగ్ (9 నాటౌట్) నాన్ స్ట్రయికింగ్ ఎండ్లో ఉన్నాడు. అప్పటికే తొలి మ్యాచ్లో ఓడిన ఆఫ్ఘాన్.. రెండో టీ20లోనూ ఓటమి అంచున ఉంది. దీంతో ఆ జట్టు పేసర్ ఫజల్హక్ ఫారుకీ ఫ్రస్టేషన్కు లోనయ్యాడు. రన్ కోసం ప్రయత్నించిన రింకూను తన లెఫ్ట్ హ్యాండ్ షోల్డర్తో అడ్డుకున్నాడు. భారత స్టార్ బ్యాటర్ను నెట్టేస్తూ ఏవో కామెంట్స్ చేశాడు. దీంతో అంపైర్ వచ్చి బౌలర్ను పక్కకు తీసుకెళ్లాడు. అయితే రింకూ మాత్రం నవ్వుకొని సైలెంట్గా ఉండిపోయాడు. ఫారుకీ వైపు చూస్తూ తన గ్లవ్స్ సరిచేసుకున్నాడు. రింకూను ఆఫ్ఘాన్ పేసర్ స్లెడ్జ్ చేసిన వీడియో ఇప్పుడు నెట్టింట వైరల్ అవుతోంది. ఇది చూసిన అభిమానులు అనవసరంగా రింకూతో పెట్టుకున్నాడని.. అతడి బౌలింగ్లో భారీగా రన్స్ చేసి కెరీర్ క్లోజ్ చేస్తాడని వార్నింగ్ ఇస్తున్నారు. నోటితో కాదు బ్యాట్తోనే రింకూ ఆన్సర్ ఇస్తాడని మరికొందరు నెటిజన్స్ కామెంట్స్ చేస్తున్నారు. భారత బ్యాటర్లతో పెట్టుకుంటే కెరీర్ అయిపోయినట్లేనని హెచ్చరిస్తున్నారు.
ఫారుకీ గెలికాడని రింకూ కూడా రెచ్చిపోయి ఉంటే సీన్ వేరేలా ఉండేదని.. అతడు సంయమనం పాటించడం సూపర్బ్ అని ఫ్యాన్స్ మెచ్చుకుంటున్నారు. ఫామ్లో ఉన్న ప్లేయర్లు తమ కంటే తోపు ఎవరూ లేరని రెచ్చిపోతారని.. కానీ రింకూ మాత్రం కూల్, కామ్గా ఉండటం అతడి మెచ్యూరిటీ ఏంటో చూపిస్తోందని చెబుతున్నారు. అయితే ఫారుకీని మాత్రం రింకూ వదలడని.. ఆఫ్ఘాన్తో ఎప్పుడు మ్యాచ్ ఉన్నా అతడికి దబిడిదిబిడేనని అంటున్నారు. ఇక, రెండో టీ20లో 9 పరుగులు చేసి నాటౌట్గా నిలిచాడు రింకూ. మ్యాచ్లు ఫినిష్ చేయడంలో అతడు ఆరితేరుతున్నాడు. సిచ్యువేషన్ను బట్టి గేర్లు మారుస్తూ భారీగా పరుగులు చేస్తున్నాడు. జట్టు విజయాల్లో కీలక పాత్ర పోషిస్తున్న రింకూ ఇదే ఫామ్ను కంటిన్యూ చేస్తే టీ20 ప్రపంచ కప్-2024లో టీమిండియాకు తిరుగుండదు. మరి.. స్లెడ్జింగ్కు రింకూ ఇచ్చిన రియాక్షన్పై మీరేం అనుకుంటున్నారో కామెంట్ చేయండి.
ఇదీ చదవండి: Virat Kohli: నెం.2గా ఉండటమే ఇష్టం.. నెం.1 అతనే! కోహ్లీ షాకింగ్ కామెంట్స్
