Gulbadin Naib: చివరి T20లో భారత బౌలర్లను భయపెట్టాడు.. ఎవరీ గుల్బదీన్ నయీబ్?

చివరి మ్యాచ్​లోనూ నెగ్గి మూడు టీ20ల సిరీస్​లో ఆఫ్ఘానిస్థాన్​ను 3-0తో వైట్​వాష్ చేసింది టీమిండియా. టీ20 వరల్డ్ కప్​కు ముందు టీమ్ కాంబినేషన్ విషయంలో పలు ప్రయోగాలు చేసి సక్సెస్ అయింది. అయితే ఆఖరి టీ20లో ఆఫ్ఘానిస్థాన్ పోరాడిన తీరును అంత ఈజీగా ఎవరూ మర్చిపోలేరు. చివరి వరకు హోరాహోరీగా సాగిన మ్యాచ్​లో విజయం భారత్​ను వరించింది. అయితే ఆఫ్ఘాన్ల పోరాటం అందరి మనసులు గెలుచుకుంది. టీమిండియా లాంటి టాప్ టీమ్ మీద ఆ జట్టు ఆడిన తీరును మెచ్చుకోకుండా ఉండలేం. అందులోనూ ఆ జట్టు సీనియర్ బ్యాటర్ గుల్బదీన్ నయీబ్ బ్యాటింగ్ చేసిన తీరును ప్రశంసించాల్సిందే. ఎదురుగా ఉన్నది 212 పరుగుల భారీ టార్గెట్. వరుసగా వికెట్లు పడుతున్నాయి. అయినా ఆఖరి వరకు క్రీజులో ఉండి మ్యాచ్​ను డ్రా చేశాడు గుల్బదీన్. దీంతో అతడి గురించి తెలుసుకోవడానికి ఫ్యాన్స్ ఆసక్తి చూపిస్తున్నారు.

గుల్బదీన్ నయీబ్.. పసికూనగా ఉన్న ఆఫ్ఘానిస్థాన్​ జట్టుకు పోరాడటం నేర్పిన వారిలో ఒకడు. గత 13 ఏళ్లుగా ఆఫ్ఘాన్ బ్యాటింగ్ భారాన్ని మోస్తున్న సీనియర్ బ్యాటర్లలో ఒకడు. ఇప్పటిదాకా 79 వన్డేలు ఆడిన గుల్బదీన్ 1,207 పరుగులు చేశాడు. 63 టీ20 మ్యాచుల్లో 787 పరుగులు చేశాడు. బ్యాట్​తోనే గాక బంతితోనూ మ్యాజిక్ చేసే ఈ 32 ఏళ్ల ఆటగాడు 50 ఓవర్ల ఫార్మాట్​లో 72 వికెట్లు తీశాడు. టీ20ల్లో 26 వికెట్లు పడగొట్టాడు. భారీగా పరుగులు చేయకపోయినా డేంజరస్ బ్యాటర్​గా, ఫైటర్​గా గుర్తింపు తెచ్చుకున్నాడతను. ఎన్నో మ్యాచుల్లో ఓడిపోయే స్థితిలో ఉన్న ఆఫ్ఘాన్​ను ఆదుకొని సింగిల్ హ్యాండ్​తో విజయాలు అందించాడు. ముఖ్యంగా పొట్టి ఫార్మాట్ క్రికెట్​లో 126 స్ట్రయిక్ రేట్​తో పరుగులు చేస్తూ వస్తున్నాడు. సింగిల్స్, డబుల్స్​ తీస్తూనే భారీ షాట్లతో స్కోరు బోర్డును పరిగెత్తించడంలో గుల్బదీన్ ఆరితేరాడు. వచ్చే టీ20 వరల్డ్ కప్-2024లో ఆఫ్ఘాన్​ నుంచి గమనించదగ్గ ప్లేయర్లలో అతను ఒకడిగా ఉన్నాడు.

ఆఫ్ఘాన్​ విజయాల్లో కీలకపాత్ర పోషిస్తున్న గుల్బదీన్ భారత్​తో జరిగిన టీ20 సిరీస్​లోనూ సత్తా చాటాడు. చివరి టీ20లో 23 బంతుల్లోనే 55 పరుగులు చేశాడు. 4 బౌండరీలతో పాటు 4 భారీ సిక్సులతో రెచ్చిపోయాడు. 239 స్ట్రయిక్ రేట్​తో రన్స్ చేస్తూ భారత బౌలర్లను భయపెట్టాడు. ఒకదశలో టీమిండియా ఈజీగా గెలుస్తుందని అనిపించింది. కానీ మహ్మద్ నబీ (34) అండతో గుల్బదీన్ విజృంభించి ఆడటంతో మ్యాచ్ ఆఫ్ఘాన్ వైపు తిరిగింది. ఈ మ్యాచ్ డ్రా అయ్యిందంటే అది అతడి వల్లే. అతడే పోరాడకపోయి ఉంటే భారత్ అలవోకగా గెలిచేది. గుల్బదీన్ తన ఫైటింగ్ స్పిరిట్​తో అందరి ప్రశంసలు అందుకుంటున్నాడు. అతడు ఇలాగే కన్​సిస్టెంట్​గా రాణిస్తే ఆఫ్ఘాన్ మరిన్ని సంచలనాలు నెలకొల్పడం ఖాయమని చెబుతున్నారు. మరి.. మూడో టీ20లో గుల్బదీన్ బ్యాటింగ్ చేసిన తీరు ​పై మీ అభిప్రాయాలను కామెంట్ల రూపంలో తెలియజేయండి.

ఇదీ చదవండి: IND vs AFG: రోహిత్‌ తర్వాత.. మెచ్చుకోవాల్సింది ఈ ఇద్దర్నే! వారి వల్లే గెలిచాం

Always knew Gulbadin Naib is a dangerous player since the day he made this statement. #INDvAFG pic.twitter.com/2jpszAgDNC

— Johns (@JohnyBravo183) January 17, 2024

Its time for the super over 😲

Gulbadin Naib the hero for Afghanistan 🔥#INDvsAFG | #CricketTwitter pic.twitter.com/CIki4Yo2bs

— CricWatcher (@CricWatcher11) January 17, 2024