Team India: టీమిండియాకు ఎన్నో మ్యాచుల్లో ఒంటిచేత్తో విజయాలు అందించిన ప్లేయర్ అతడు. బాల్ చేతబట్టాడా బ్యాటర్లకు నరకం చూపిస్తాడు. అతడు ఎవరో ఈపాటికే తెలిసిపోయి ఉంటుంది.
Team India: టీమిండియాకు ఎన్నో మ్యాచుల్లో ఒంటిచేత్తో విజయాలు అందించిన ప్లేయర్ అతడు. బాల్ చేతబట్టాడా బ్యాటర్లకు నరకం చూపిస్తాడు. అతడు ఎవరో ఈపాటికే తెలిసిపోయి ఉంటుంది.
క్రికెట్లో బౌలర్ల విషయంలో పార్షియాలిటీ ఉంటుందని కొందరు ఎక్స్పర్ట్స్ అంటుంటారు. గ్రౌండ్లో కాదు గానీ పాపులారిటీ విషయంలో మాత్రం ఇది కొట్టొచ్చినట్లు కనిపిస్తుంది. బౌలర్లు మ్యాచ్లు గెలిపించినా ఎవరూ పెద్దగా పట్టించుకోరు. అదే బ్యాటర్ల వల్ల నెగ్గితే అహో ఒహో అంటూ పొగుడుతారు. బ్యాటర్ల కోసం స్పాన్సర్లు క్యూ కడతారు. ధనార్జన, క్రేజ్, పాపులారిటీ.. ఇలా ఎందులో చూసుకున్నా బ్యాటర్లదే హవా నడుస్తుంది. అయితే ఇందులో ఇప్పుడిప్పుడే మార్పు వస్తోంది. కొందరు బౌలర్లు అద్భుతమైన ఆటతీరుతో పేరు, క్రేజ్ తెచ్చుకుంటున్నారు. ఒంటిచేత్తో జట్లకు విజయాలు అందిస్తూ స్టార్డమ్ను సంపాదిస్తున్నారు. అలాంటి వారిలో ఇతనొకడు.
టీమిండియాకు ఎన్నో మ్యాచుల్లో సింగిల్ హ్యాండ్తో విజయాలు అందించిన ప్లేయర్ అతడు. బాల్ చేతబట్టాడా బ్యాటర్లకు నరకం చూపిస్తాడు. పదునైన వేగం, స్వింగింగ్ డెలివరీస్తో ప్రత్యర్థి జట్లకు ఊపిరాడకుండా చేస్తాడు. బుల్లెట్ స్పీడ్తో నిలకడగా బంతులు వేస్తూ బ్యాటర్లకు ప్రశ్నలు సంధిస్తుంటాడు. అతడి ధాటిని తట్టుకోలేక మోడర్న్ గ్రేట్స్ కూడా తోకముడిచారు. అతడెవరో గుర్తుపట్టే ఉంటారు. ఆ ఆటగాడు మరెవరో కాదు.. భారత పేస్ గన్ మహ్మద్ షమి. దశాబ్ద కాలానికి పైగా మెన్ ఇన్ బ్లూకు సేవలు అందిస్తూ వస్తున్నాడతను. షమి పేరు చెబితే ఆస్ట్రేలియా, ఇంగ్లండ్, సౌతాఫ్రికా, న్యూజిలాండ్, పాకిస్థాన్ లాంటి టాప్ టీమ్స్ కూడా షేక్ అవుతాయి. గంటకు 145 కిలోమీటర్లకు తగ్గని వేగం, ఇన్ స్వింగ్, ఔట్ స్వింగ్ చేస్తూ అతడు వేసే డెలివరీస్కు బోల్తా పడని బ్యాటర్లు లేరు.
ప్రస్తుత క్రికెట్లో టాప్ బౌలర్లలో ఒకడిగా పేరు తెచ్చుకున్నాడు షమి. వన్డే వరల్డ్ కప్-2023లో 24 వికెట్లు తీసి భారత్ ఫైనల్కు వెళ్లడంలో కీలక పాత్ర పోషించాడు. అయితే ఆ టోర్నీలో గాయంతో బాధపడుతూనే కంటిన్యూ అయ్యాడు. ఆ తర్వాత సర్జరీ చేయించుకొని క్రికెట్కు దూరమయ్యాడు. ఇప్పుడిప్పుడే కోలుకుంటున్న షమి.. తిరిగి ప్రాక్టీస్ మొదలుపెట్టాడు. స్లో రనప్తో బౌలింగ్ స్టార్ట్ చేసిన స్టార్ పేసర్.. బ్యాట్ కూడా పట్టి సాధన చేస్తున్నాడు. నెట్స్లో షమి షాట్లు బాదుతున్న ఫొటోలు, వీడియోలు ఇప్పుడు సోషల్ మీడియాలో వైరల్ అవుతున్నాయి. దీన్ని చూసిన నెటిజన్స్‌.. కమ్బ్యాక్లో బౌలింగ్లోనే కాదు, బ్యాటింగ్లోనూ ఇరగదీయాలని అంటున్నారు. మరి.. షమి రీఎంట్రీ కోసం మీరెంతగా ఎదురు చూస్తున్నారో కామెంట్ చేయండి.
