Nidhan
Brett Lee: టీమిండియా ఫ్యూచర్కు ఢోకా లేదని అంటున్నాడు ఆస్ట్రేలియా లెజెండ్ బ్రెట్లీ. రోహిత్ శర్మ, విరాట్ కోహ్లీ లేకున్నా అంతా అతడే చూసుకుంటాడని చెప్పాడు.
Brett Lee: టీమిండియా ఫ్యూచర్కు ఢోకా లేదని అంటున్నాడు ఆస్ట్రేలియా లెజెండ్ బ్రెట్లీ. రోహిత్ శర్మ, విరాట్ కోహ్లీ లేకున్నా అంతా అతడే చూసుకుంటాడని చెప్పాడు.
Nidhan
భారత క్రికెట్లో కొన్ని వారాల్లోనే చాలా మార్పులు చోటుచేసుకున్నాయి. టీ20 వరల్డ్ కప్-2024తో కెప్టెన్ రోహిత్ శర్మ పొట్టి ఫార్మాట్కు గుడ్బై చెప్పేశాడు. అతడితో పాటు టాప్ బ్యాటర్ విరాట్ కోహ్లీ, స్టార్ ఆల్రౌండర్ రవీంద్ర జడేజా కూడా టీ20 క్రికెట్ నుంచి తప్పుకున్నారు. ఇక మీదట వీళ్లు వన్డేలు, టెస్టులకు పరిమితం కానున్నారు. పొట్టి కప్పుతో టీమ్ మేనేజ్మెంట్లోనూ ఛేంజెస్ జరిగాయి. హెడ్ కోచ్ పోస్ట్ నుంచి రాహుల్ ద్రవిడ్ తప్పుకున్నాడు. విక్రమ్ రాథోడ్ బ్యాటింగ్ కోచ్ పోస్ట్, పరాస్ మాంబ్రే బౌలింగ్ కోచ్ పదవికి బైబై చెప్పేశారు. కొత్త హెడ్ కోచ్గా నియమితుడైన గౌతం గంభీర్.. సపోర్ట్ స్టాఫ్ను ఎంచుకునే పనుల్లో బిజీబిజీగా ఉన్నాడు. గతంలో ఐపీఎల్ టైమ్లో తనతో కలసి పనిచేసిన వారిని టీమిండియాలోకి తీసుకొచ్చేందుకు అతడు ప్రయత్నిస్తున్నాడు.
ఒకవైపు కెప్టెన్ రోహిత్, స్టార్ బ్యాటర్ కోహ్లీ టీ20ల నుంచి తప్పుకోవడం.. మరోవైపు కోచ్ బాధ్యతలను ద్రవిడ్ వదిలేయడంతో భారత క్రికెట్ ఎలా ముందుకెళ్తుందనేది ఆసక్తికరంగా మారింది. యువకులు, సీనియర్లను కొత్త కోచ్ గంభీర్ ఎలా ముందుండి నడిపిస్తాడనేది ఆసక్తిని రేకెత్తిస్తోంది. అయితే ఈ విషయంలో ఎలాంటి ఆందోళన అక్కర్లేదని అంటున్నాడు ఆస్ట్రేలియా లెజెండ్ బ్రెట్లీ. గంభీర్ ఉన్నంత వరకు టీమిండియా ఫ్యూచర్కు ఢోకా ఉండదని చెప్పాడు. రోహిత్, కోహ్లీ లేకపోయినా అంతా తానై గౌతీ చూసుకుంటాడని నమ్మకంగా చెప్పాడు. గంభీర్ దూకుడు భారత జట్టుకు మంచి చేస్తుందని.. అతడి అప్రోచ్ టీమ్కు చాలా అవసరమని తెలిపాడు బ్రెట్లీ. ఇక, భారత్ను ఆపలేమన్నాడు.
‘ఎప్పుడు తనకు అవకాశం వచ్చినా గంభీర్ అద్భుతంగా పని చేస్తూ వచ్చాడు. ఐపీఎల్లో కోల్కతా నైట్ రైడర్స్ను ఛాంపియన్స్గా నిలపడమే బెస్ట్ ఎగ్జాంపుల్ అని చెప్పొచ్చు. ఆటగాళ్ల కోసం గౌతీ ఎప్పుడూ నిలబడతాడు. జట్టులోని ప్లేయర్లు అందర్నీ ఒకతాటి పైకి తీసుకురావడం ఎలాగో అతడికి బాగా తెలుసు. టీమ్ను సాలిడ్గా డెవలప్ చేస్తాడు. ఆటగాడిగా గంభీర్ ఏంటో కొత్తగా చెప్పాల్సిన పనిలేదు. అతడి అగ్రెషన్, విన్నింగ్ యాటిట్యూడ్ కచ్చితంగా భారత్కు ఉపయోగపడతాయి. గంభీర్ చేతుల్లో టీమిండియా ఫ్యూచర్ సేఫ్గా ఉంటుంది. కోచ్గా తన కెరీర్ను వరల్డ్ కప్ గెలిచి ముగించిన రాహుల్ ద్రవిడ్కు కంగ్రాట్స్’ అని బ్రెట్లీ చెప్పుకొచ్చాడు. మరి.. గంభీర్ ఉన్నంత వరకు భారత్ను ఆపలేమంటూ ఆసీస్ దిగ్గజం చేసిన వ్యాఖ్యలపై మీ ఒపీనియన్ను కామెంట్ చేయండి.
View this post on Instagram
