Nidhan
Dodda Ganesh: ఒకప్పుడు ఇంటర్నేషనల్ క్రికెట్లో సంచలనం సృష్టించింది కెన్యా జట్టు. కానీ అదే పెర్ఫార్మెన్స్ను కంటిన్యూ చేయడంలో విఫలమైంది. అలాంటి టీమ్ తలరాత మార్చేందుకు ఓ టీమిండియా లెజెండ్ సిద్ధమవుతున్నాడు.
Dodda Ganesh: ఒకప్పుడు ఇంటర్నేషనల్ క్రికెట్లో సంచలనం సృష్టించింది కెన్యా జట్టు. కానీ అదే పెర్ఫార్మెన్స్ను కంటిన్యూ చేయడంలో విఫలమైంది. అలాంటి టీమ్ తలరాత మార్చేందుకు ఓ టీమిండియా లెజెండ్ సిద్ధమవుతున్నాడు.
Nidhan
ఒకప్పుడు ఇంటర్నేషనల్ క్రికెట్లో సంచలనం సృష్టించింది కెన్యా జట్టు. వన్డే వరల్డ్ కప్-2003లో ఏకంగా సెమీస్కు చేరుకుందా టీమ్. పసికూన కదా అని అందరూ లైట్ తీసుకున్నారు. కానీ చెలరేగి ఆడిన ఆ జట్టు కెనడా, బంగ్లాదేశ్, శ్రీలంకను చిత్తు చేసి సెమీఫైనల్ చేరుకుంది. భారత్తో జరిగిన నాకౌట్ ఫైట్లో ఓడిపోయినా పోరాడి అందరి హృదయాలు గెలుచుకుంది. అదే ఆ టీమ్ బెస్ట్ పెర్ఫార్మెన్స్. కానీ అదే ఆటతీరును కంటిన్యూ చేయడంలో విఫలమైంది. ఏటికేడు ఆ టీమ్ పెర్ఫార్మెన్స్ పడిపోతూ వస్తోంది. అలాంటి టీమ్ తలరాత మార్చేందుకు ఓ టీమిండియా లెజెండ్ సిద్ధమవుతున్నాడు. కెన్యా జట్టుకు హెడ్ కోచ్గా ఓ భారత మాజీ ఆటగాడు వస్తున్నాడు. దీంతో ఆ టీమ్ తలరాత మారడం ఖాయమనే అభిప్రాయాలు వ్యక్తం అవుతున్నాయి.
కెన్యా టీమ్ హెడ్ కోచ్గా టీమిండియా మాజీ క్రికెటర్ దొడ్డ గణేశ్ నియమితుడయ్యాడు. ఇందుకు సంబంధించి కెన్యా క్రికెట్ బోర్డు బుధవారం అధికారిక ప్రకటన చేసింది. త్వరలో ఐసీసీ టీ20 వరల్డ్ కప్-2026 క్వాలిఫయర్స్ ఉండటంతో కొత్త కోచ్ను నియమించామని తెలిపింది. కోచ్గా ఎంపికవడంపై దొడ్డ గణేశ్ రియాక్ట్ అయ్యాడు. కెన్యా టీమ్ను వరల్డ్ కప్ పోటీలో నిలపడమే ధ్యేయంగా ముందుకు సాగుతానని అన్నాడు. కెన్యా క్రికెట్లో గతంలో ఏం జరిగిందనే విషయంతో తనకు సంబంధం లేదన్నాడు. ప్రస్తుత టీమ్లో టాలెంటెడ్ ప్లేయర్లకు కొదవ లేదని.. వాళ్లను సానబెట్టాల్సి ఉందన్నాడు దొడ్డ గణేశ్.
కెన్యా టీమ్లో సూపర్బ్ ప్లేయర్స్ ఉన్నారని.. వాళ్లతో కలసి వర్క్ చేయనుండటం సంతోషంగా ఉందన్నాడు దొడ్డ గణేశ్. ఇక, కర్ణాటకకు చెందిన ఈ పేస్ ఆల్రౌండర్.. 1997లో టీమిండియా తరఫున డెబ్యూ మ్యాచ్ ఆడాడు. అయితే అదే ఏడాది ఆయన తన లాస్ట్ ఇంటర్నేషనల్ మ్యాచ్ ఆడటం గమనార్హం. మొత్తంగా భారత జట్టు తరఫున టెస్టుల్లో ఐదు వికెట్లు, వన్డేలో ఒక వికెట్ పడగొట్టాడు. అంతర్జాతీయ క్రికెట్లో అంతంత మాత్రంగానే ఆడిన దొడ్డ గణేశ్.. ఫస్ట్ క్లాస్ క్రికెట్లో మాత్రం దిగ్గజంగా పేరు తెచ్చుకున్నాడు. 193 ఫస్ట్ క్లాస్ మ్యాచుల్లో కలిపి ఏకంగా 493 వికెట్లు తీశాడు. అలాగే 2,548 రన్స్ చేశాడు. బ్యాటింగ్, బౌలింగ్పై పట్టు, సుదీర్ఘ క్రికెట్ ఆడిన అనుభవం ఉన్న దొడ్డ గణేశ్ తలచుకుంటే కెన్యా పొట్టి ప్రపంచ కప్కు అర్హత సాధిస్తుందని నెటిజన్స్ అంటున్నారు. ఆయన పట్టుదలతో టీమ్ను నడిపిస్తే పూర్వ వైభవం వస్తుందని చెబుతున్నారు.
Former Indian Cricketer Dodda Ganesh appointed as the new Head Coach of the Kenya Cricket team. ⚡ pic.twitter.com/gFDjpWPlfz
— Johns. (@CricCrazyJohns) August 14, 2024
