క్రికెట్లో కొన్ని పోరాటాలు చూసేందుకు ఫ్యాన్స్ ఎప్పుడూ రెడీగా ఉంటారు. కొన్ని జట్లు తలపడితే చూసేందుకు వేయి కళ్లతో ఎదురు చూస్తుంటారు. అలాంటి పోరాటాలకు ప్రసిద్ధిగా భారత్, పాకిస్థాన్లను చెప్పొచ్చు. ఈ రెండు టీమ్స్ గ్రౌండ్లో తలపడుతున్నాయంటే చాలు.. చూసేందుకు రెండు కళ్లు చాలవంటే నమ్మండి. గెలుపు కోసం ఇరు జట్ల ఆటగాళ్లు కొదమ సింహాల్లా పోరాడటం, ఓటమిని ఒప్పుకోకపోవడం, చివరి ఓవర్ వరకు మ్యాచ్ వెళ్లడం హైలైట్ అనే చెప్పాలి. అందుకే భారత్, పాక్ మ్యాచ్లకు అంత డిమాండ్. అలాంటి ఈ రెండు టీమ్స్ మధ్య ఇవాళ ఒక మ్యాచ్ జరిగింది. అయితే ఇది సీనియర్ జట్ల నడుమ జరిగిన మ్యాచ్ కాదు.
ఏసీసీ మెన్స్ ఎమర్జింగ్ కప్ (వన్డే)లో భాగంగా భారత్-ఏతో పాకిస్థాన్-ఏ టీమ్ తలపడింది. ఈ మ్యాచ్లో టాస్ గెలిచిన పాక్ ఫస్ట్ బ్యాటింగ్ ఎంచుకుంది. అయితే 10 రన్స్ కూడా దాటకుండానే ఆ టీమ్ రెండు వికెట్లను కోల్పోయింది. ఆ తర్వాత కొంచెం కుదురుకున్నట్లు కనిపించింది. కానీ భారత బౌలర్లు వరుస వికెట్లతో ఎక్కడా పాక్ జోరు పెరగకుండా బ్రేకులు వేశారు. దీంతో దాయాది టీమ్ 48 ఓవర్లలో 205 రన్స్ మాత్రమే చేయగలిగింది. పాక్ బ్యాట్స్మెన్లో ఖాసిమ్ అక్రమ్ (48)ది అత్యధిక స్కోరు కావడం గమనార్హం. షాహిబ్జాదా ఫర్హాన్ (35), హషీబుల్లా ఖాన్ (27) రాణించారు.
వీళ్లతో పాటు ముబసిరర్ ఖాన్ (28), మెహ్రన్ ముంతాజ్ (25) కూడా రాణించడంతో పాకిస్థాన్ కనీసం ఆ స్కోరైనా చేయగలిగింది. భారత బౌలర్లలో రాజవర్దన్ హంగర్లేకర్ ఐదు, మానవ్ సుతార్ మూడు వికెట్లతో సత్తా చాటారు. రియాన్ పరాగ్, నిషాంద్ సంధు చెరో వికెట్ పడగొట్టారు. అనంతరం లక్ష్య ఛేదనకు దిగిన భారత్.. సాయి సుదర్శన్ (104) సెంచరీతో అలవోకగా విజయం సాధించింది. సుదర్శన్కు నికిన్ జోస్ (53) మంచి సహకారం అందించాడు. సెంచరీకి ముందు సాయి సుదర్శన్ వరుస సిక్సులతో పాక్ బౌలర్లను ఊచకోత కోశాడు. ఈ విక్టరీతో టోర్నీలో సెమీఫైనల్స్కు భారత్ అర్హత సాధించింది. సెమీస్లో బంగ్లాదేశ్తో తలపడనున్న బారత్.. ఇప్పటివరకు ఓటమి అనేదే లేకుండా దూసుకుపోతోంది.
Sai Sudharsan the champion!
4,0,6,6 to win the match for India and complete his century. What a talent! pic.twitter.com/4qM6py0OVH
— Mufaddal Vohra (@mufaddal_vohra) July 19, 2023
IPL, TNPL, Emerging Asia Cup. Tournaments are temporary, @sais_1509 ‘s form is permanent 📷
.
.#INDvPAK #INDvPAKonFanCode pic.twitter.com/ZZV1mw7acf— FanCode (@FanCode) July 19, 2023
