Musheer Khan: అండర్‌ 19 వరల్డ్‌ కప్‌లో అదరగొడుతున్న జూనియర్‌ ధోని! త్వరలోనే టీమిండియాలోకి..

క్రికెట్​లో ఇద్దరు అన్నాదమ్ములు కలసి ఆడితే చూడాలని చాలా మంది ఫ్యాన్స్ కోరుకుంటారు. అలా ఆడిన స్టార్లు కూడా ఉన్నారు. టీమిండియాలోనే ఇర్ఫాన్ పఠాన్, యూసఫ్ పఠాన్ కలసి ఆడి అభిమానులను థ్రిల్​కు గురిచేశారు. ఈ మధ్య కాలంలో హార్దిక్ పాండ్యా, కృనాల్ పాండ్యా ద్వయం కూడా భారత జట్టుకు కలసి ఆడారు. ఇప్పుడు మరో ద్వయం టీమిండియాకు ఆడాలని ఉవ్విళ్లూరుతోంది. అందులో ఒకరు సర్ఫరాజ్ ఖాన్ అయితే మరొకరు అతడి తమ్ముడు ముషీర్ ఖాన్. డొమెస్టిక్ క్రికెట్​లో పరుగుల వరద పారించిన సర్ఫరాజ్​కు ఎట్టకేలకు సెలక్టర్ల నుంచి పిలుపు వచ్చింది. అయితే అతడి తమ్ముడు కూడా త్వరలో నేషనల్ టీమ్​లో ఎంట్రీ ఇచ్చేలాగే ఉన్నాడు. అండర్​ 19 వరల్డ్ కప్​లో దుమ్మురేపుతూ జూనియర్ ధోనీగా పేరు తెచ్చుకున్నాడు ముషీర్. తాజాగా అతడు మరో సెంచరీతో అదరగొట్టాడు.

సర్ఫరాజ్ సోదరుడు ముషీర్ ఖాన్ ప్రస్తుతం టీమిండియా అండర్-19 జట్టులో సభ్యుడిగా ఉన్నాడు. ఈ టోర్నీలో భాగంగా ఇటీవలే ఐర్లాండ్​పై సెంచరీతో ఒక్కసారిగా అందరి అటెన్షన్​ను తన వైపునకు తిప్పుకున్నాడీ బ్యాటర్. ఇప్పుడు మరో సెంచరీతో హాట్ టాపిక్​గా మారాడు. ఇవాళ న్యూజిలాండ్​తో జరిగిన మ్యాచ్​లో 126 బంతుల్లో 131 పరుగులు చేశాడు ముషీర్. టీమిండియా లెజెండ్ ఎంఎస్ ధోనీలా హెలికాప్టర్ షాట్లు కొడుతూ ఆకట్టుకున్నాడు. పవర్ హిట్టింగ్​తో కివీస్ బౌలర్లపై అటాక్​కు దిగాడు. ఈ మ్యాచ్​లో భారత ఇన్నింగ్స్​లో ముషీర్ బ్యాటింగే హైలైట్ అని చెప్పాలి. అతడు ఇన్నింగ్స్​ను బిల్డ్ చేసిన విధానం ఆకట్టుకుంది. ఈ సెంచరీ ద్వారా అతడు అరుదైన ఘనతను అందుకున్నాడు. అండర్ 19 వరల్డ్ కప్ హిస్టరీలో రెండు సెంచరీలు కొట్టిన రెండో భారత క్రికెటర్​గా నిలిచాడు. కప్ చరిత్రలో శిఖర్ ధవన్ మాత్రమే రెండు శతకాలు కొట్టాడు.

ఇక, ముషీర్​తో పాటు అతడి అన్నయ్య సర్ఫరాజ్ ఇటీవల ఒకే రోజు సెంచరీలతో చెలరేగారు. ఇంగ్లండ్​ లయన్స్​తో జరిగిన టెస్ట్​లో 161 పరుగులతో ఆకట్టుకున్నాడు సర్ఫరాజ్. అదే రోజు ఐర్లాండ్​పై ముషీర్ శతకం బాదాడు. సూపర్బ్ ఫామ్​లో ఉన్న సర్ఫరాజ్​ను సెలక్టర్లు కరుణించారు. ఇంగ్లండ్​తో జరగనున్న రెండో టెస్టుకు అతడ్ని సెలక్ట్ చేశారు. స్టార్ ప్లేయర్లు జడేజా, రాహుల్ గాయం కారణంగా దూరమవడంతో అతడికి గోల్డెన్ ఛాన్స్ ఇచ్చారు. ఈ తరుణంలో మరో సెంచరీతో అతడి సోదరుడు ముషీర్ మళ్లీ అందరి చూపులను తన వైపునకు తిప్పుకున్నాడు. అతడు ఇదే జోరును కొనసాగించి అటు డొమెస్టిక్ క్రికెట్​తో పాటు ఇటు ఐపీఎల్ లాంటి లీగ్స్​లో కూడా బాగా ఆడితే త్వరలో టీమిండియాలో చోటు దక్కించుకునే అవకాశాలు ఉన్నాయి. మరి.. సర్ఫరాజ్​తో కలసి ముషీర్ కూడా భారత్​కు ప్రాతినిధ్యం వహిస్తాడని మీరు భావిస్తే కామెంట్ చేయండి.

Musheer Khan recreated MS Dhoni’s iconic helicopter shot during the U19 World Cup match against New Zealand!🤩🔥 pic.twitter.com/tqR0HXmMwV

— CricketGully (@thecricketgully) January 30, 2024