Nidhan
టీమిండియా సీనియర్ పేసర్ భువనేశ్వర్ కుమార్ టాలెంట్ గురించి స్పెషల్గా చెప్పనక్కర్లేదు. బాల్ను రెండు వైపులా స్వింగ్ చేయడంలో ఈ వెటరన్ స్పీడ్స్టర్ దిట్ట. అయితే తనకు తరచూ మొండిచెయ్యి చూపుతున్న సెలక్టర్లకు దిమ్మతిరిగే కౌంటర్ ఇచ్చాడు భువీ.
టీమిండియా సీనియర్ పేసర్ భువనేశ్వర్ కుమార్ టాలెంట్ గురించి స్పెషల్గా చెప్పనక్కర్లేదు. బాల్ను రెండు వైపులా స్వింగ్ చేయడంలో ఈ వెటరన్ స్పీడ్స్టర్ దిట్ట. అయితే తనకు తరచూ మొండిచెయ్యి చూపుతున్న సెలక్టర్లకు దిమ్మతిరిగే కౌంటర్ ఇచ్చాడు భువీ.
Nidhan
క్రికెట్లో ఎప్పటికప్పుడు కొత్త ప్లేయర్లు పుట్టుకొస్తుంటారు. తమ పెర్ఫార్మెన్స్లతో దుమ్మురేపి సెలక్టర్ల దృష్టిని ఆకర్షిస్తారు. కంటిన్యూస్గా పెర్ఫార్మ్ చేస్తే నేషనల్ టీమ్లోనూ చోటు దక్కించుకుంటారు. అయితే అలా వచ్చి ఇలా వెళ్లే క్రికెటర్లు చాలా మంది ఉంటారు. కానీ టీమ్లో ప్లేస్ ఫిక్స్ చేసుకొని.. స్టార్లుగా మారేవారి సంఖ్య మాత్రం తక్కువే. అందులోనూ కెరీర్ను సుదీర్ఘ కాలం మలచుకునే ఫాస్ట్ బౌలర్లు చాలా అరుదు. అలాంటి రేర్ పేసర్స్లో ఒకడు భువనేశ్వర్ కుమార్. గత పదేళ్లుగా టీమిండియా తరఫున ఆడుతూ ఎన్నో మ్యాజికల్ స్పెల్స్తో కోట్లాది మంది అభిమానాన్ని చూరగొన్నాడీ బౌలర్. బాల్ను ఇరువైపులా స్వింగ్ చేస్తూ బ్యాటర్లకు పీడకలగా మారాడు భువీ. అలాంటోడ్ని చాన్నాళ్లుగా టీమ్కు దూరంగా ఉంచుతున్నారు. అయితే తన పెర్ఫార్మెన్స్తో సెలక్టర్లకు దిమ్మతిరిగే కౌంటర్ ఇచ్చాడు భువీ. రంజీ ట్రోఫీ-2024లో సంచలన ప్రదర్శనతో షాక్కు గురిచేశాడు.
రంజీ ట్రోఫీ-2024లో భాగంగా బెంగాల్తో జరుగుతున్న మ్యాచ్లో భువనేశ్వర్ చెలరేగిపోయాడు. ఉత్తర్ప్రదేశ్ తరఫున ఆడుతున్న భువీ ఏకంగా 8 వికెట్లు తీశాడు. బెంగాల్ బ్యాటర్లను వణికించాడు. ఈ ఇన్నింగ్స్లో ఇద్దరు బ్యాటర్లను క్లీన్ బౌల్డ్ చేసిన భువీ.. మరో ముగ్గుర్ని వికెట్ల ముందు ఎల్బీడబ్ల్యూగా దొరకబుచ్చుకున్నాడు. అతడి దెబ్బకు బాల్ను టచ్ చేసేందుకు కూడా అపోజిషన్ టీమ్ బ్యాట్స్మన్ భయపడ్డారు. మొత్తంగా 22 ఓవర్లు వేసిన భువనేశ్వర్ 41 పరుగులు ఇచ్చి 8 వికెట్లు తీశాడు. అందులో 5 మెయిడిన్లు ఉన్నాయి. దీంతో అతడ్ని వెంటనే భారత జట్టులోకి తీసుకోవాలని సోషల్ మీడియాలో నెటిజన్స్ డిమాండ్ చేస్తున్నారు. ముకేష్ కుమార్, అర్ష్దీప్ సింగ్, అవేశ్ ఖాన్ అంటూ యంగ్స్టర్స్ వెంట పడుతున్నారని భువీ ముందు వాళ్లు ఏమాత్రం పనికిరారని కామెంట్స్ చేస్తున్నారు. ఎక్స్పీరియెన్స్తో పాటు ఫామ్లో ఉన్న వెటరన్ పేసర్ను టీమ్లోకి తీసుకోవాలని కోరుతున్నారు.
ఒక్క మ్యాచ్తో సెలక్టర్లకు భువీ దిమ్మతిరిగే కౌంటర్ ఇచ్చాడని నెటిజన్స్ చెబుతున్నారు. ఇకనైనా సెలక్టర్లు కళ్లు తెరవాలని సీరియస్ అవుతున్నారు. ఇక, గాయం కారణంగా కొన్నాళ్లు జట్టుకు దూరమయ్యాడు భువీ. ఆ తర్వాత కమ్బ్యాక్ ఇచ్చినా సరిగ్గా రాణించకపోవడంతో టీమ్కు దూరమయ్యాడు. మళ్లీ బాగా పెర్ఫార్మ్ చేస్తున్నా సెలక్టర్లు కరుణించడం లేదు. తాజాగా 8 వికెట్లు తీయడంతో అభిమానులు భువీ ఈజ్ బ్యాక్ అని అంటున్నారు. అతడ్ని టీ20 వరల్డ్ కప్-2024లో ఆడించాలని డిమాండ్ చేస్తున్నారు. ప్రస్తుతం టీమ్లో ఉన్న అర్ష్దీప్, ముకేష్ కలసి ఏకంగా 22 నో బాల్స్ వేశారని గుర్తుచేస్తున్నారు నెటిజన్స్. అదే భువీ మాత్రం తన టీ20 కెరీర్లో ఇప్పటిదాకా ఒక్క నో బాల్ కూడా వేయలేదని చెబుతున్నారు. ఇప్పుడు చెప్పండి వాట్ టు డూ అని ప్రశ్నిస్తున్నారు. ఈ నేపథ్యంలో సెలక్టర్లు ఈ సీనియర్ బౌలర్ను పరిగణనలోకి తీసుకుంటారా? లేదా యంగ్స్టర్స్ వైపే మొగ్గుచూపుతారా? అనేది ఆసక్తికరంగా మారింది. మరి.. ఒకే ఒక్క పెర్ఫార్మెన్స్తో సెలక్టర్లకు భువీ స్ట్రాంగ్ కౌంటర్ ఇవ్వడంపై మీరేం అనుకుంటున్నారో కామెంట్ చేయండి.
ఇదీ చదవండి: సౌతాఫ్రికా టీ20 లీగ్లో విధ్వంసం సృష్టిస్తున్న ముంబై ఇండియన్స్!
Bhuvneshwar Kumar is back and how🔥 Figures of 8/41 against Bengal in the Ranji Trophy 2024🙌#RanjiTrophy2024 | #CricketTwitter pic.twitter.com/Q1c1kLVjsB
— Cricket.com (@weRcricket) January 14, 2024