Mushfiqur Rahim: క్రికెట్​లో మరో కాంట్రవర్షియల్ ఔట్.. ముష్ఫికర్ చేతులారా..!

క్రికెట్ హిస్టరీలో అప్పుడప్పుడూ అరుదైన ఘటనలు జరుగుతూ ఉంటాయి. అలాంటి ఒక ఘటనే ఇటీవల వరల్డ్ కప్​లో చోటుచేసుకుంది. శ్రీలంక ఆల్​రౌండర్ ఏంజెలో మాథ్యూస్ అనూహ్య రీతిలో టైమ్డ్ ఔట్​గా వెనుదిరిగిన సంగతి తెలిసిందే. హెల్మెట్​ ప్రాబ్లమ్ వల్ల నిర్ణీత టైమ్​లోగా మాథ్యూస్ క్రీజులోకి వచ్చి బ్యాటింగ్ స్టార్ట్ చేయలేకపోయాడు. దీంతో అపోజిషన్ బంగ్లాదేశ్ టీమ్ అతడ్ని ఔట్​గా ఇవ్వాలంటూ అప్పీల్ చేసింది. అసలేం జరుగుతుందో అర్థం కాని మాథ్యూస్ అంపైర్ దగ్గరకు వెళ్లి మాట్లాడాడు. తాను కావాలని ఇలా చేయలేదని హెల్మెట్​ స్ట్రిప్ ఊడటంతో ఆలస్యమైందని వివరణ ఇచ్చాడు. బంగ్లా కెప్టెన్ షకీబల్ హసన్​కు కూడా ఈ విషయాన్ని చెప్పాడు మాథ్యూస్. కానీ షకీబ్ తన అప్పీల్​ను వెనక్కి తీసుకోకపోవడంతో అతడ్ని టైమ్డ్ ఔట్​గా ప్రకటించారు అంపైర్లు.

అప్పటివరకు క్రికెట్​లో క్లీన్ బౌల్డ్, ఎల్బీడబ్ల్యూ, క్యాచ్ ఔట్, రనౌట్, స్టంపౌట్ రూపంలో బ్యాట్స్​మెన్ పెవిలియన్​కు చేరడం చూసిన ఫ్యాన్స్.. ఇలా టైమ్డ్ ఔట్ చూసేసరికి షాకయ్యారు. బ్యాటర్​ను ఇలా కూడా ఔట్ చేయొచ్చా అని ఆశ్చర్యపోయారు. ఈ వివాదం ఇక్కడితో ముగిసిపోలేదు. ఈ కాంట్రవర్సీ కారణంగా మ్యాచ్ తర్వాత బంగ్లాదేశ్​-శ్రీలంక ఆటగాళ్లు ఒకర్నొకరు విష్ చేసుకోకుండానే గ్రౌండ్​లో నుంచి వెళ్లిపోయారు. మ్యాచ్ అనంతరం మాథ్యూస్ మాట్లాడుతూ షకీబ్​ను, బంగ్లా టీమ్​ను విమర్శించడం చర్చనీయాంశంగా మారింది. ఇలాంటి టీమ్​ను తానెప్పుడూ చూడలేదని.. ఇలాగేనా వ్యవహరించేది? అంటూ లంక ఆల్​రౌండర్ సీరియస్ అయ్యాడు.

టైమ్డ్ ఔట్ వివాదం ముగిసిందో లేదో క్రికెట్​లో మరో కాంట్రర్షియల్ ఔట్ చోటుచేసుకుంది. బంగ్లాదేశ్-న్యూజిలాండ్ మధ్య జరుగుతున్న రెండో టెస్టులో ముష్ఫికర్ రహీం (35) అబ్​స్ట్రక్టింగ్ ది ఫీల్డ్​గా పెవిలియన్​కు చేరుకున్నాడు. జెమీసన్ వేసిన బాల్​ను డిఫెన్స్ చేశాడు ముష్ఫికర్. ఆ బాల్ కింద పడి వికెట్లకు కాస్త దూరంలో పోతోంది. అయితే అది ఎక్కడ వికెట్ల మీదకు వస్తుందోనని దాన్ని చేతితో అడ్డుకున్నాడు ముష్ఫికర్. దీంతో కివీస్ టీమ్ అతడు ఔట్ అంటూ అప్పీల్ చేసింది. దీనిపై అంపైర్లు థర్డ్ అంపైర్​ను రివ్యూ కోరారు. ముష్ఫికర్ ఉద్దేశపూర్వకంగానే బంతిని ఆపినట్లు కనిపించడంతో థర్డ్ అంపైర్ ఔట్​గా ప్రకటించాడు. బంగ్లాదేశ్ చరిత్రలో ఒక బ్యాటర్ ఇలా అబ్​స్ట్రక్టింగ్ ది ఫీల్డ్​గా ఔట్ అవ్వడం ఇదే ఫస్ట్ టైమ్ కావడం గమనార్హం. అయితే ముష్ఫికర్ ఔట్​పై భిన్నాభిప్రాయాలు వినిపిస్తున్నాయి. అతడు కావాలనే ఇలా ఔట్ అయ్యాడని కొందరు నెటిజన్స్ అంటున్నారు. బాల్ ఎక్కడో బయటకు పోతుంటే దాన్ని చేతితో ఆపాల్సిన పనేంటనే కామెంట్స్ వినిపిస్తున్నాయి. మరి.. ముష్ఫికర్ ఔట్​పై మీరేం అనుకుంటున్నారో కామెంట్ల రూపంలో తెలియజేయండి.

ఇదీ చదవండి: ప్రపంచంలో ఏ బ్యాటర్​కూ భయపడలేదు! అతనొక్కడికే భయపడ్డా: డేల్ స్టెయిన్!

Oops! Don’t do that… 😲

Mushfiqur Rahim became the first Bangladesh batter to be dismissed handling the ball. #BANvNZ pic.twitter.com/Jlj9gxiZiK

— Cricket.com (@weRcricket) December 6, 2023