OTTలోకి అఖిల్ ఏజెంట్.. రిలీజ్ పై క్లారిటీ ఇచ్చిన ప్రొడ్యూసర్

అఖిల్ అక్కినేని ఈ హీరో తీసినవి కొన్ని సినిమాలే అయినా కూడా.. ఆడియన్స్ లో మాత్రం ఈ హీరో సినిమాకు మంచి నేమ్ ఏ ఉంది. అయితే, అఖిల్ ఆఖరిగా తెరపైన కనిపించిన సినిమా ఏజెంట్. ఈ సినిమా థియేటర్ లో రిలీజ్ అయ్యి దాదాపు ఏడాది కావొస్తుంది. అయినా కూడా ఈ సినిమా ఓటీటీలోకి రాలేదు. ఈ మధ్య కాలంలో రిలీజ్ అయినా ఎన్నో బ్లాక్ బస్టర్ హిట్ చిత్రాలు కూడా ఓటీటీలోకి ఎంట్రీ ఇచ్చేస్తున్న తరుణంలో.. ఏజెంట్ సినిమా ఓటీటీలోకి రాకపోవడం అందరికి ప్రస్నార్ధకంగా మారింది. గతంలో కూడా ఈ సినిమా ఓటీటీ ఎంట్రీ గురించి ఎన్నో చర్చలు జరిగాయి . కానీ, సినిమా మాత్రం ఓటీటీ లోకి రాలేదు. దీనితో థియేటర్ లో ఈ సినిమాను మిస్ అయిన ప్రేక్షకులు కనీసం ఓటీటీలో అయినా చూద్దాం అనుకోవడం ఆశగానే మిగిలిపోయింది. అయితే ఇప్పుడు తాజాగా ఏజెంట్ సినిమా ఓటీటీపై టాక్ నడుస్తోంది. చూడబోతుంటే త్వరలోనే ఈ సినిమా ఓటీటీలోకి ఎంట్రీ ఇచ్చేలా ఉంది.

ఏజెంట్ మూవీకి సురేంద‌ర్‌రెడ్డి ద‌ర్శ‌క‌త్వం వ‌హించారు. ఈ సినిమాను స్పై యాక్ష‌న్ కథాంశంతో రూపొందించారు. కాగా, ఈ సినిమా గత ఏడాది ఏప్రిల్ 28న థియేటర్ లో రిలీజ్ అయ్యి.. కేవలం ఎనిమిది కోట్ల క‌లెక్ష‌న్స్ తో సరిపెట్టుకుని.. బాక్స్ ఆఫీస్ వద్ద డిసాస్టర్ గా నిలిచింది. ఈ సినిమా తెలుగుతో పాటు అటు మలయాళంలోనూ రిలీజ్ చేశారు మేకర్స్. కానీ రెండు భాషలలో కూడా ఈ సినిమా ప్రేక్షకులను ఆకట్టుకోలేకపోయింది. ఈ సినిమాలో అఖిల్ తో పాటు. మ‌ల‌యాళ అగ్ర హీరో మ‌మ్ముట్టి, డినో మారియా ప్రధాన పాత్రలలో పోషించారు. ఇక అఖిల్ కు జోడిగా ఈ సినిమాలో సాక్షి వైద్య హీరోయిన్ గా టాలీవుడ్ లో ఎంట్రీ ఇచ్చింది. అయితే, ఏజెంట్ సినిమాను సోనీలివ్ కొనుగోలు చేసింది. అయితే అప్పటినుంచి కూడా ఈ సినిమాను స్ట్రీమింగ్ చేద్దామనే ప్లాన్ లో ఉన్నారు కానీ.. నిర్మాతలకు, డిస్ట్రిబ్యూటర్స్ కు మధ్య ఉన్న గొడవల కారణంగా ఈ సినిమా ఓటీటీ స్ట్రీమింగ్ వాయిదా పడుతూ వస్తుంది.

కానీ, రీసెంట్ గా ఏజెంట్ సినిమా ప్రొడ్యూసర్ అనిల్ సుంకరను ట్యాగ్ చేస్తూ వచ్చిన కామెంట్స్ తో ఈ సినిమా ఓటీటీ ఎంట్రీపై ఆశలు పెరిగాయి. అనిల్ సుంకరతో హీరో అఖిల్ అక్కినేనిని ట్యాగ్ చేస్తూ.. ఏజెంట్ సినిమాను ఓటీటీలో రిలీజ్ చేయండి అంటూ ఒక నెటిజన్ కామెంట్ చేశాడు. దీనితో ఆ కామెంట్ కు అనిల్ స్పందించి.. ఏజెంట్ ఓటీటీ స్ట్రీమింగ్ హ‌క్కుల‌ను సోనీ లివ్‌కు అమ్మామని.. ఈ సినిమాను స్ట్రీమింగ్ చేయమని ఇప్పటికే చాలా సార్లు చెప్పమని.. త్వ‌ర‌లోనే ఏజెంట్ మూవీ సోనీ లివ్‌లో స్ట్రీమింగ్ అయ్యే అవ‌కాశం ఉంద‌ని తెలిపాడు. దీనితో అఖిల్ అభిమానులకు ఆశలు చిగురించాయి. ఇక ఏజెంట్ సినిమా కథ విషయానికొస్తే.. ఈ సినిమాలో రిక్కీ అలియాస్ రామ‌కృష్ణ అనే ఏజెంట్ పాత్ర‌లో అఖిల్ అలరించాడు. చైనాతో కలిసి ఇండియాను నాశనం చేసేందుకు.. ఒక వ్యక్తి చేస్తున్న కుట్రలను హీరో ఎలా చెప్పాడు అనేదే ఈ సినిమా కథ. మరి, ఈ సినిమా ఓటీటీ ఎంట్రీపై మీ అభిప్రాయాలను కామెంట్స్ రూపంలో తెలియజేయండి.