విక్రమ్ సక్సెస్ తో డైరెక్టర్‌కు ఖరీదైన కారు కొనిచ్చిన కమల్ హాసన్

కమల్ హాసన్, విజయ్ సేతుపతి, ఫహద్ ఫాజిల్ ముఖ్య పాత్రల్లో సూర్య గెస్ట్ రోల్ లో తెరకెక్కిన భారీ మల్టీస్టారర్ సినిమా విక్రమ్. లోకేష్ కనగరాజ్ దర్శకత్వంలో ఈ సినిమా తెరకెక్కగా కమల్ హాసన్ తన సొంత బ్యానర్ రాజ్ కమల్ ఇంటర్నేషనల్ ఫిలిమ్స్ లో దీనిని నిర్మించారు. రిలీజ్ అయిన మొదటి రోజు నుంచే ఈ సినిమా భారీ విజయాన్ని అందుకుంది. ఈ సినిమాలోని ట్విస్ట్ లు ఎవరూ ఊహించలేదు. దీంతో ఈ సినిమా భారీ హిట్ అయింది.

ఇప్పటికే ఈ సినిమా 150 కోట్ల గ్రాస్ కలెక్షన్లని కలెక్ట్ చేసింది. 200 కోట్లకు దూసుకెళ్తుంది. దీంతో కమల్ కి లోకేష్ భారీ హిట్ ఇచ్చాడు. ఇక ఈ సినిమాపై అభిమానులు, ప్రేక్షకులే కాక చాలా మంది ప్రముఖులు కూడా ప్రశంసల వర్షం కురిపిస్తున్నారు. ఈ సినిమా ఇంతటి భారీ విజయం సాధించినందుకు హీరో, నిర్మాత కమల్‌ హాసన్‌ డైరెక్టర్‌కు సర్‌ప్రైజింగ్‌ గిఫ్ట్‌ ఇచ్చాడు.

ఓ ఖరీదైన లెక్సాస్‌ లగ్జరీ కారును డైరెక్టర్‌ లోకేశ్‌ కనకరాజ్‌కు కమల్‌ బహుమతిగా ఇచ్చారు. కమల్‌ హాసన్‌ కారు కీని డైరెక్టర్‌కు అందిస్తున్న ఫొటో, కారుతో వీరిద్దరూ దిగిన ఫోటోలు సోషల్ మీడియాలో వైరల్‌గా మారాయి. ఈ కారు ధర దాదాపు కోటి రూపాయల వరకు ఉంటుందని సమాచారం.