Uppula Naresh
Uppula Naresh
ఉపాధి హామీ కూలీలకు కేంద్ర ప్రభుత్వం మరో గుడ్ న్యూస్ చెప్పింది. ఆధార్ అధారిత వేతనాల చెల్లింపుల గడువు నేటితో ముగియనున్న విషయం తెలిసిందే. అయితే ఈ క్రమంలోనే దేశ వ్యాప్తంగా ఎంతో మంది ఉపాధి హామీ కూలీల ఇబ్బందులను దృష్టిలో పెట్టుకుని ఆ గడువును డిసెంబర్ 31 వరకు పొడిగిస్తూ తాజాగా నిర్ణయం తీసుకుంది. గడువు పెంచకపోతే కోట్లాది మంది ఉన్న ఉపాధీ కూలీలు నష్టపోతారని ఇటీవల విమర్శలు వచ్చిన సంగతి తెలిసిందే.
ఈ క్రమంలో కేంద్ర ప్రభుత్వం వెనకడుగు వేసి ఈ నిర్ణయం తీసుకుంది. గతంలో.. ఉపాధీ హామీ కూలీలు తమ బ్యాంక్ అకౌంట్లకు ఆధార్ తప్పనిసరిగా లింక్ చేయాలని, అలా అయితేనే వేతనాలు చెల్లిస్తామని కేంద్ర ప్రభుత్వం చెప్పింది. ఒకవేళ ఇలా లింక్ చేయకపోతే అనేక సమస్యలు వస్తాయని కూడా ముందే వివరించింది. ఈ నేపథ్యంలోనే ఇదంతా పూర్తయ్యే వరకు కూలీలకు పాత పద్దతిలోనే కూలీ డబ్బులు చెల్లిస్తామని తెలిపింది. ఇక గడువు పెంచడంతో ఉపాధీ హామీ కూలీలు సంతోషం వ్యక్తం చేస్తున్నారు.
