మహిళా అదృశ్యం.. కొండచిలువ కడుపులో మృతదేహం

సాధారణంగా అటవీ ప్రాంతాలకు దగ్గరగా ఉండే గ్రామాల్లో ఎప్పుడు ఎదో ఒక విషాదం నెలకొంటునే ఉంటుంది. ఎందుకంటే.. ఈ అటవీ ప్రాంతాల్లో ఉండే ప్రజలకు.. మృత్యువు ఎప్పుడు ఎటు నుంచి పొంచి వస్తుందో ఎవరూ ఊహించలేరు. పైగా అప్పటి వరకు కుటంబ సభ్యులతో ఎంతో సరదాగా గడిపిన వారు సైతం మరో క్షణంలో విగతజీవులుగా కనిపిస్తుంటారు. అసలు ఒక రకంగా చెప్పాలంటే.. ఈ అటవీ ప్రాంతాల్లో నివసించే ప్రజలు తమ ప్రాణాలను అరచేతిలో పెట్టుకొని బతకాల్సిందే. ఎందుకంటే.. ఇక్కడ రకరకాల కృర మృగాలు, భారీ సర్పాలు మనుషుల ప్రాణాలను బలి తీసుకుంటాయి. ముఖ్యంగా ఏ క్షణం ఏ జంతువు ఎటాక్ చేస్తుందో తెలియని పరిస్థితి ఏర్పడుతుంది. ఈ క్రమంలోనే తాజాగా అడవిలోకి వెళ్లిన ఓ వివాహిత కనిపించకుండా పోయింది. దీంతో కుటుంబ సభ్యులు, గ్రామస్థులు అటవీ శాఖ సిబ్బందితో వెతకగా అక్కడ ఊహించని షాకింగ్ దృశ్యాలు కనిపించాయి.ఇంతకి ఏం జరిగిందంటే..

తాజాగా ఇండోనేషియాలో ఓ దారుణమైన ఘటన చోటు చేసుకుంది. ఓ వివాహిత అడవిలోకి వెళ్లి అకస్మాత్తుగా కనిపించకుండా పోయింది. దీంతో ఆందోళన చెందిన కుటుంబ సభ్యులు, గ్రామస్థులు అటవీ శాఖ సిబ్బందితో అడవిలోకి వెళ్లి వెతకగా.. అక్కడ ఆ మహిళ కొండచిలువకు ఆహారంగా మారిన ఘటన తాజాగా వెలుగులోకి వచ్చింది. అయితే ఈ భయంకరమైన ఘటన దక్షిణ సులవేసీ ప్రావిన్స్‌లోని కాలేంపాంగ్ గ్రామంలో ఈ దారుణం జరిగింది. అయితే స్థానికుల తెలిపిన వివరాల మేరకు.. ఫరీదా అనే 45 ఏళ్ల వివాహితకు నలుగురు పిల్లలు భర్తతో అటవి ప్రాంతానిక దగ్గర నివసిస్తున్నారు. అయితే ఈ క్రమంలోనే గురువారం ఇంటి నుంచి బయటకు వెళ్లిన ఫరీదా మళ్లీ ఇంటికి తిరిగిరాలేదు. దీంతో, గ్రామస్థులు, పోలీసుల సాయంతో.. మహిళ భర్త పరిసరాల్లో గాలింపు చర్యలు ప్రారంభించారు. ఈ నేపథ్యంలోనే ఆ మహిళకు సంబంధించిన వస్తువులు అడవిలో ఓ చోట కనిపించడంతో వారు చూసి షాక్ అయ్యారు. అనంతరం ఆ ప్రాంతమంతా జల్లెడ పట్టగా ఓ చోట 5 మీటర్ల పొడవున్న భారీ కొండ చిలువ ఉబ్బెత్తుగా మారిన ఉదర భాగంతో కదలలేకుండా కనిపించింది.

దీంతో అనుమానం వచ్చి వారంతా దాని పొట్ట చీల్చి చూడగానే దానిలో ఆ మహిళ తలభాగం బయటపడింది. ఇక మహిళ ఒంటిపై దుస్తులు కూడా యథాతథంగా ఆ ప్రాంతంలో కనిపించాయి. దీంతో కొండచిలువకు తన భార్య ఆహారంగా మారిందని తెలిసి మహిళ భర్త, పిల్లలు కన్నీరుమున్నీరయ్యారు. ఇక ఇలాంటి ఘటనలు ఇండోనేషియాలో తరుచు జరుగుతుంటాయని స్థానికలు చెబుతున్నారు. కాగా, గతేడాది ఓ రైతును ఊపిరాడకుండా చేసి తినేందుకు ప్రయత్నిస్తున్న కొండచిలువను గుర్తించి చంపేశారని, అలాగే 2018లో ఏడు మీటర్ల పొడవున్న కొండచిలువ 54 ఏళ్ల మహిళను చంపి తినేసింది. కొన్ని రోజుల తరువాత ఆమె మృతదేహాన్ని కొండచిలువ కడుపులో గుర్తించారని స్థానికులు చెబుతున్నారు.