ఈ విషయాన్నీ ఇప్పటికే మందిర ప్రధాన కార్యదర్శి చంపత్ రాయ్ తెలిపారు. మరో వైపు అయోధ్య రామ మందిర ప్రారంభోత్సవం సందర్భంగా.. ఉత్తరప్రదేశ్ లోని ప్రధాన ఆలయాల్లో అఖండ రామాయణం, హనుమాన్ చాలీసా పారాయణాలు నిర్వహించనున్నట్లు నిర్వాహకులు తెలిపారు.
ఈ విషయాన్నీ ఇప్పటికే మందిర ప్రధాన కార్యదర్శి చంపత్ రాయ్ తెలిపారు. మరో వైపు అయోధ్య రామ మందిర ప్రారంభోత్సవం సందర్భంగా.. ఉత్తరప్రదేశ్ లోని ప్రధాన ఆలయాల్లో అఖండ రామాయణం, హనుమాన్ చాలీసా పారాయణాలు నిర్వహించనున్నట్లు నిర్వాహకులు తెలిపారు.
కోట్లాది మంది భారతీయులు ఎంతో ఆసక్తిగా ఎదురుచూస్తున్న తరుణం అతి చేరువులో ఉంది. ఉత్తరప్రదేశ్లోని అయోధ్య రామ మందిర ప్రారంభోత్సవ పనులు వేగంగా సాగుతున్నాయి. 2024 జనవరి 22న రాముల వారి ప్రాణ ప్రతిష్ఠ మహోత్సవం జరగనుంది. ఈ క్రమంలో మందిర ప్రధాన కార్యదర్శి చంపత్ రాయ్ ప్రారంభోత్సవ వేడుకుల కోసం ఆహ్వాన పత్రికలను సిద్ధం చేశారు. దాదాపు ఆరు వేల మందికి ఈ ఆహ్వాన పత్రికలు పోస్ట్ ద్వారా అందనున్నాయి. అయితే ఆ ఆహ్వాన పత్రికలో ఎన్ని రోజులు స్వామివారి సన్నిధిలో ఉండాలి అనేది కూడా వారు అభ్యర్ధించారు. ఆ వివరాల్లోకి వెళ్తే..
సీతాసమేత శ్రీరామ చంద్రుల వారు.. ఆ మహాత్ముని జన్మభూమి అయిన అయోధ్యలో కొలువు తీరే సమయం ఆసన్నం అయింది. యావత్‌ భారతదేశం వేయి కళ్ళతో ఎదురు చూస్తున్న అయోధ్య రామ మందిరం.. వేడుకలకు సర్వం సిద్ధమౌతోంది. రాబోయే జనవరి 22న ప్రాణ ప్రతిష్ట కార్యక్రమం జరగనుంది. ఈ మహత్తర సన్నివేశాలను తిలకించడానికి దేశ వ్యాప్తంగా భక్తులు తరలిరానున్నారు. స్వామి వారి సేవా కార్యక్రమాలలో పాల్గొనేందుకు ఎంతో భక్తితో వేచి చూస్తున్నారు.
ఈ ప్రాణ ప్రతిష్ట వేడుకకు ప్రధాని నరేంద్ర మోడీ ముఖ్య అతిధిగా విచ్చేయనున్నారు. వారితో పాటు దేశంలోని ప్రముఖులు కూడా ఈ కార్యక్రమంలో పాలుపంచుకోనున్నారు. ఈ క్రమంలో రామ మందిర నిర్వాహకులు ఆరు వేల మందికి ఆహ్వాన పత్రికలు అందిస్తున్నారు. దేశమంతటా నివసిస్తున్న సాధువులను, ఆశ్రమ వాసులను సాదరంగా ఆహ్వానిస్తున్నారు. కాగా, భక్తుల సౌకర్యార్థం ఈ మహోత్సవంలో పాల్గొన దలిచిన వారు ఒక రోజు ముందుగా ఆ పవిత్ర స్థలానికి చేరుకోవాలని.
అనంతరం జనవరి 23న తిరిగి వెళ్లిపోయేలా ప్రణాళిక సిద్ధం చేసుకోవాలని. ఆలయ నిర్వాహకులు ఆహ్వాన పత్రిక ద్వారా తమ అభ్యర్ధనను తెలియజేశారు. దాదాపు పది రోజుల పాటు ఈ ప్రతిష్ట వేడుకలు జరగనున్నాయి. ఆలయ గర్భ గుడిలో శ్రీ రామ చంద్రుల వారి విగ్రహాన్ని 2024 జనవరి 22 మధ్యాహ్నం 12.45-1.00 గంటల మద్యన ప్రతిష్టించనున్నారు. ఇక రామ మందిర నిర్మాణ పనులు కూడా శరవేగంగా కొనసాగుతున్నాయి. మందిర ప్రారంభోత్సవ సమయానికి అంతా సిద్ధం చేయనున్నట్లు సమాచారం. ఆ అయోధ్య రామయ్య సేవా భాగ్యాన్ని నోచుకునేందుకు భక్తి పారవశ్యంతో కోట్లాది మంది ప్రజలు వేచి ఉన్నారు. మరి సీతా సమేత శ్రీ రామ చంద్రుల వారు రామ జన్మ భూమిలో కొలువు తీరే.. ఈ విశేష అంశం మీద మీ అభిప్రాయాలను కామెంట్స్ రూపంలో తెలియజేయండి.
