టాలీవుడ్ లో నెక్స్ట్ అంతా ఫ్రాంచైజీల‌దే హవానా !

తెలుగు సినిమా విషయానికొస్తే అంతా బాహుబలికి ముందు.. బాహుబలికి తర్వాత అని చెప్పుకోవడం స్టార్ట్ చేశారు. ఎందుకంటే ఒక సినిమాను రెండు భాగాలుగా చూపించడం అక్కడే మొదలైంది. మొదట్లో రాజమౌళి దీని గురించి అనౌన్స్ చేసినప్పుడు అదేంటి అసలు ఇదెలా సాధ్యపడుతుంది ? అని చాలానే కామెంట్స్ వినిపించాయి. కట్ చేస్తే రాజమౌళి పార్ట్ 2 తో హిట్ కొట్టి ఆ ప్రశ్నలన్నిటికీ సమాధానం ఇచ్చాడు. ఇక అంతే అది మొదలు ఆ తర్వాత చాలా సినిమాలు ఇలా ప్రిక్వెల్స్ సిక్వెల్స్ ను అనౌన్స్ చేయడం మొదలుపెట్టాయి.

మొదట్లో ఒకటి రెండు సినిమాల వరకు ఇది బాగానే ఉంది. కానీ తర్వాత తర్వాత ఈ పార్ట్ 2 అనౌన్స్మెంట్స్ ఏమి అంత ఆసక్తి కలిగించడం లేదు. పైగా ఇప్పటివరకు వచ్చిన సిక్వెల్స్ బాహుబలి పార్ట్ 2 రేంజ్ లో పేలిందే లేదు. కమర్షియల్ గా కొన్ని వర్క్ అవుట్ అయినా కథ పరంగా కొన్ని వర్క్ అవుట్ అయినట్టు లేదు. ఓ రకంగా చూస్తే ఫ్యూచర్ అంతా కూడా ఫ్రాంచైజీల‌ హావనే నడుస్తున్నట్లు కనిపిస్తుంది. అఖండ 2 డిసెంబర్ లో రిలీజ్ కానుంది. అది కాకుండా ఒక్క తేజ సజ్జా నుంచే మిరాయ్ 2, హ‌నుమాన్ 2, జాంబిరెడ్డి 2 లాంటి సినిమాలు రానున్నాయి.

అలాగే ఇప్పుడు థియేటర్స్ లో కాంతారా 2 సక్సెస్ఫుల్ గా రన్ అవుతుంది. ఆ తర్వాత ఈ ఫ్రాంచైజ్ నుంచి ఇంకో సినిమాను కూడా అనౌన్స్ చేశాడు. అలాగే దృశ్యం, దృశ్యం 2, దృశ్యం 3 ఇవి కూడా ఇలానే కంటిన్యూ అయ్యేలా ఉన్నాయి. ఇక సుజీత్ కూడా ఓజి2 తో తన ఫ్రాంఛైజ్ ని అనౌన్స్ చేశాడు. రాజసాబ్ ఇంకా రిలీజ్ కాలేదు కానీ పార్ట్ 2 ఉండే అవకాశం ఉంది. ఇవి కాకుండా కార్తికేయ 3, బింబిసార 2, పుష్ప 3, ఆర్‌.ఆర్‌.ఆర్ 2, ఆర్య 3 టాక్స్ లో ఉన్నాయి. ఇక ముందు ముందు ఏమి జరుగుతుందో చూడాలి. మరీ ఈ అప్డేట్ పై మీ అభిప్రాయాలను కామెంట్స్ రూపంలో తెలియజేయండి.