కాంతార ఛాప్టర్ 1 ఫస్ట్ లుక్ రిలీజ్.. ఈసారి అంతకు మించి..

ఎలాంటి అంచనాలు లేకుండా రిలీజ్ అయ్యి పాన్ ఇండియా స్థాయిలో కాసుల వర్షం కురింపించిన చిత్రం కాంతార. రిషబ్ శెట్టి డైరెక్టర్, హీరోగా తెరకెక్కిన ఈ మూవీ ఎన్నో రికార్డులను బద్దలు కొట్టింది. కన్నడ ఇండస్ట్రీ నుంచి ఈ మూవీకి దేశవ్యాప్తంగా ఆడియన్స్ బ్రహ్మరథం పట్టారు. కేవలం రూ.16 కోట్లతో తెరకెక్కిస్తే.. వరల్డ్ వైడ్ గా రూ.400 కోట్ల నుంచి రూ.450 కోట్ల వరకు కలెక్ట్ చేసింది. నిజానికి కాంతారా సినిమా ఆ స్థాయి రెస్పాన్స్ వస్తుందని మేకర్స్, డైరెక్టర్ కూడా ఊహించలేదు. ఆ స్పందన చూసిన తర్వాత ఈ సినిమా ఛాప్టర్ 1ని భారీగా ప్లాన్ చేశారు. కాంతార సినిమాకి ముందు ఏం జరిగింది అంటూ ఒక ప్రీక్వెల్ ని తెరకెక్కిస్తున్నారు.

ఆ ప్రీక్వెల్ కూడా ఎవరూ ఊహించని రీతిలో భారీ బడ్జెట్ తో తీసుకొస్తున్నారు. ఈసారి సినిమా బడ్జెట్ కూడా అమాంతం పెరిగిపోయింది. అయితే అందుకు తగిన అవుట్ పుట్ ఉంటుందని డైరెక్టర్ హామీ ఇస్తున్నారు. తాజాగా ఈ మూవీ నుంచి ఫస్ట్ లుక్ రిలీజ్ చేశారు. కాంతార సినిమాలో హీరోకి ఒక లైట్ కనిపిస్తూ ఉంటుంది. కొన్నిసార్లు అడవిలో వేటకు వెళ్లినప్పుడు ఎంతో భయపడుతూ ఉంటాడు. వరాహ మూర్తి రూపం తనను వెంబడిస్తున్నట్లు ఫీలవుతాడు. అలాంటి ఒక సీన్ నే ఈ ఫస్ట్ లుక్ లో చూపించారు. అందుకు వాయిస్ లో “వెలుగులో అంతా కనిపిస్తుంది, కానీ, అది కేవలం వెలుగు మాత్రమే కాదు దర్శనం. ఆ వెలుగులో గతంలో జరిగింది. భవిష్యత్తులో జరగబోయేది అంతా కనిపిస్తుంది” అంటూ చెప్పించారు. ఆ తర్వాత శివుడి ఆకారంలో ఉన్న రిషబ్ శెట్టిని చూపించారు. కండలు తిరిగిన దేహం, చేతిలో గొడ్డలి, పక్కన త్రిశూలం ఉన్నాయి. కళ్లల్లో అగ్ని జ్వాలలు కనిపిస్తున్నాయి.

Step into the land of the divine 🔥

Presenting #KantaraChapter1 First Look & #Kantara1Teaser in 7 languages❤️‍🔥

▶️ https://t.co/GFZnkCg4BZ#Kantara1FirstLook #Kantara @shetty_rishab @VKiragandur @hombalefilms @HombaleGroup @AJANEESHB @Banglan16034849 @KantaraFilm pic.twitter.com/2GmVyrdLFK

— Hombale Films (@hombalefilms) November 27, 2023

పోస్టర్ చూస్తే ఎవరో కొందరు దాడి చేసేందుకు వస్తున్నట్లు చూపించారు. అయితే ఈ పోస్టర్, ఫస్ట్ లుక్ ఆధారంగా చూస్తే కాంతారా ప్రీక్వెల్ కచ్చితంగా భారీగా ఉండబోతోంది. కథలో కూడా రిషబ్ శెట్టి చాలానే మార్పులు చేసినట్లు తెలుస్తోంది. అయితే గతంలో తమ కుటుంబం, తమ ఊరి ప్రజల విషయంలో జరిగిన అన్యాయాలు, దాడులు, హీరో తండ్రి భూతకోలా ఆడే ఒక స్వామిగా ఎలా మారారు? వారికి ఇలాంటి పరిస్థితులు ఎందుకు వచ్చాయి? అసలు వారు కొలిచే వారాహ మూర్తి కథ ఏంటి? వంటి ఎన్నో ప్రశ్నలకు ఈ ప్రీక్వెల్ లో సమాధానం చెప్పబోతున్నట్లు తెలుస్తోంది. అలాగే యాక్షన్ సీక్వెన్స్ కూడా కచ్చితంగా భారీగానే ఉండబోతోంది. ఇంక నిర్మాణ విలువల విషయంలో విజయ్ కిరగందూర్ ఎక్కడా రాజీ పడినట్లు కనిపించడం లేదు. కాబట్టి ఈ కాంతార ఛాప్టర్ 1 కచ్చితంగా మరో బ్లాక్ బస్టర్ అవుతుంది అనడంలో ఎలాంటి సందేహం లేదు. మరి.. ఈ కాంతారా ఛాప్టర్ 1 పోస్టర్, ఫస్ట్ లుక్ మీకెలా అనిపించాయి? మీ అభిప్రాయాలను కామెంట్స్ రూపంలో తెలియజేయండి.