మాస్ మహారాజా రవితేజ, మాస్ డైరెక్టర్ హరీష్ శంకర్ కాంబినేషన్ లో వచ్చిన చిత్రం మిస్టర్ బచ్చన్. స్వాతంత్ర్య దినోత్సవం కానుకగా ప్రేక్షకుల ముందుకు వచ్చిన ఈ చిత్రం తొలిరోజు ఎంత రాబట్టిందో ఇప్పుడు చూద్దాం.
మాస్ మహారాజా రవితేజ, మాస్ డైరెక్టర్ హరీష్ శంకర్ కాంబినేషన్ లో వచ్చిన చిత్రం మిస్టర్ బచ్చన్. స్వాతంత్ర్య దినోత్సవం కానుకగా ప్రేక్షకుల ముందుకు వచ్చిన ఈ చిత్రం తొలిరోజు ఎంత రాబట్టిందో ఇప్పుడు చూద్దాం.
మాస్ మహారాజా రవితేజ-హరీష్ శంకర్ కాంబినేషన్ లో వచ్చిన చిత్రం ‘మిస్టర్ బచ్చన్’. స్వాతంత్ర్య దినోత్సవం కానుకగా ప్రేక్షకుల ముందుకు వచ్చిన ఈ మూవీ డివైడ్ టాక్ ను సొంతం చేసుకుంది. అడ్వాన్స్ బుకింగ్స్ లో అదరగొట్టినప్పటికీ.. భారీ ఓపెనింగ్స్ ను కొల్లగొట్టడంలో మాత్రం మాస్ మహారాజా కాస్త తడబడ్డాడనే చెప్పాలి. పైగా మరోవైపు రామ్ డబుల్ ఇస్మార్ట్, విక్రమ్ తంగలాన్ మూవీస్ రిలీజ్ అవ్వడంతో ఓపెనింగ్స్ పై ప్రభావం చూపింది. మరి ఇంతకీ మాస్ మహారాజా తొలిరోజు ఎంత రాబట్టాడో ఇప్పుడు చూద్దాం.
థియేటర్లలోకి రవితేజ మూవీ వస్తుందంటే ఫ్యాన్స్ తో పాటుగా సగటు సినీ ప్రేక్షకులు ఎంతో ఆత్రుతగా ఎదురుచూస్తుంటారు. ఇక అభిమానుల ఎదురుచూపులకు తగ్గట్లుగానే మాస్ మహారాజా సైతం ఏడాదికి రెండు, మూడు సినిమాలతో ప్రేక్షకులను పలకరిస్తూ ఉంటాడు. తాజాగా ‘మిస్టర్ బచ్చన్’ ఆగస్ట్ 15న థియేటర్లలోకి వచ్చాడు. సినిమాలో కంటెంట్, మాస్ ఎలివేషన్స్, డైలాగ్స్ బాగున్నప్పటికీ.. ప్రేక్షకులను విపరీతంగా ఆకట్టుకోలేకపోయింది. దాంతో మార్నింగ్ షో నుంచే సినిమాకు డివైడ్ టాక్ వచ్చింది. అడ్వాన్స్ బుకింగ్స్ లో దుమ్మురేపిన రవితేజ.. భారీ ఓపెనింగ్స్ ను మాత్రం రాబట్టుకోలేకపోయాడు.
ట్రేడ్ వర్గాల లెక్కల ప్రకారం ఇప్పటి వరకు జరిగిన అడ్వాన్స్ బుకింగ్స్, తెగిన టికెట్లు కలిపితే తొలిరోజు మిస్టర్ బచ్చన్ రూ. 3 కోట్ల నుంచి 3.5 కోట్ల వరకు షేర్ ను రాబట్టినట్లు తెలుస్తోంది. అయితే ఆఫ్ లైన్ సేల్ టికెట్లను బట్టి కలెక్షన్స్ కొంచెం అటు ఇటుగా మారే అవకాశం ఉంది. ఇక ప్రీమియర్స్, డే వన్ కలెక్షన్లను కలుపుకొని రూ. 4.8 నుంచి 5 కోట్ల వరకు షేర్ ను కొల్లగొట్టే ఛాన్స్ లు ఉన్నాయని ట్రేడ్ పండితులు పేర్కొంటున్నారు. అయితే రవితేజ రేంజ్ కు ఇవి తక్కువ ఓపెనింగ్స్ అనే చెప్పాలి. కానీ ఇదే రోజు రామ్, విక్రమ్ ల మూవీలు కూడా రిలీజ్ అవ్వడంతో.. థియేటర్లు పంచుకోవాల్సి వచ్చింది. అయితే ముందు వీకెండ్ ఉండటంతో.. వసూళ్లు పెరిగే అవకాశాలు కనిపిస్తున్నాయి. మరి మిస్టర్ బచ్చన్ ఓపెనింగ్స్ పై మీ అభిప్రాయాలను కామెంట్స్ రూపంలో తెలియజేయండి.
