P Krishna
RC16 Shooting Date Fix: మెగా ఫ్యామిలీ నుంచి వచ్చిన సక్సెస్ బాటలో సాగుతున్న హీరో రామ్ చరణ్. ఇండస్ట్రీలో తండ్రికి తగ్గ తనయుడిగా పేరు తెచ్చుకున్నాడు. ఆర్ఆర్ఆర్ మూవీతో గ్లోబల్ స్టార్ గా మారాడు.
RC16 Shooting Date Fix: మెగా ఫ్యామిలీ నుంచి వచ్చిన సక్సెస్ బాటలో సాగుతున్న హీరో రామ్ చరణ్. ఇండస్ట్రీలో తండ్రికి తగ్గ తనయుడిగా పేరు తెచ్చుకున్నాడు. ఆర్ఆర్ఆర్ మూవీతో గ్లోబల్ స్టార్ గా మారాడు.
P Krishna
మెగాస్టార్ చిరంజీవి వారసుడిగా ‘చిరుత’ మూవీతో హీరోగా ఎంట్రీ ఇచ్చాడు రామ్ చరణ్. తర్వాత రాజమౌళి దర్శకత్వంలో ‘మగధీర’ మూవీతో బాక్సాఫీస్ హిట్ కొట్టాడు. ఇప్పటి వరకు రామ్చరణ్ నటించిన సినిమాలు చాలా తక్కువే అయినా అన్నీ బ్లాక్ బస్టర్ విజయం అందుకున్నాయి. ప్రస్తుతం టాలీవుడ్ లో హీరోలకు పాన్ ఇండియా లెవెల్ లో గుర్తింపు లభిస్తుంది. రామ్ చరణ్ మాత్రం గ్లోబల్ స్టార్ గా పేరు తెచ్చుకున్నారు. రామ్ చరణ్, ఎన్టీఆర్ నటించిన ‘ఆర్ఆర్ఆర్’ మూవీ ప్రపంచ వ్యాప్తంగా సెన్సేషన్ సృష్టించిన విషయం తెలిసిందే. జపాన్ లో ఇంకా ఈ మూవీ క్రేజ్ తగ్గలేదు. వరుస హిట్స్ కొడుతూ వస్తున్న రామ్ చరణ్ ఫ్యాన్స్ కి అదిరిపోయే గుడ్ న్యూస్ చెప్పారు. వివరాల్లోకి వెళితే..
రాజమౌళి దర్శకత్వంలో వచ్చిన ఆర్ఆర్ఆర్ మూవీ తర్వాత రామ్ చరణ్ చాలా గ్యాప్ తీసుకొని స్టార్ డైరెక్టర్ శంకర్ తో ‘గేమ్ చేంజర్’ మూవీలో నటిస్తున్నాడు. ఈ చిత్రం ప్రారంభం నుంచే భారీ అంచనాలు పెరుగుతూ వస్తున్నాయి. అందుకు తగ్గట్టుగానే ఈ చిత్రాన్ని ఎంతో ప్రతిష్టాత్మకంగా తెరకెక్కిస్తున్నారు. ఈ మూవీ పూర్తి కాకుండానే రామ్ చరణ్ తన 16 వ మూవీ ‘ఉప్పెన’ ఫేమ్ డైరెక్టర్ బుచ్చిబాబు సన తో చేస్తున్నట్లు ప్రకటించిన విషయం తెలిసిందే. ఈ చిత్రం పూర్తిగా స్పోర్ట్స్ బ్యాగ్ డ్రాప్ లో తెరకెక్కబోతున్నట్లు సమాచారం. ఇందులో హీరో కబడ్డీ ప్లేయర్ గా నటిస్తున్నట్లు ప్రచారం జరుగుతుంది. ప్రస్తుతం ఈ మూవీ ప్రీ ప్రొడక్షన్ వర్క్ జరుగుతుంది. గేమ్ చేంజర్ పూర్తి కాగా పట్టాలేక్కబోతున్నట్లు తెలుస్తుంది. తాజాగా రామ్ చరణ్ 16 వ మూవీ గురించి ఓ క్రేజీ అప్ డేట్ బయటకు వచ్చింది. మార్చి 27న రామ్ చరణ్ పుట్టిన రోజు.. అదే రోజు ఈ మూవీ షూటింగ్ ముహూర్తం మొదలు పెడతారని ఇప్పటి వరకు ప్రచారం జరుగుతుంది.
ఈ చిత్రం షూటింగ్ మార్చి 20నే ప్రారంభించబోతున్నట్లు ఇండస్ట్రీలో కొత్త టాక్ వినిపిస్తుంది. ఆ రోజు హైదరాబాద్ లో పూజా కార్యక్రమాలు జరిపి ప్రెస్ మీట్ కూడా నిర్వహించబోతున్నట్లు టాక్ వినిపిస్తుంది. కాకపోతే దీనిపై అఫిషియల్ అనౌన్స్ మెంట్ లేదు. రామ్ చరణ్- బుచ్చిబాబు కలయికలో ఈ మూవీ పాన్ ఇండియా రేంజ్ లో తెరకెక్కబోతున్నట్టు వార్తలు వినిపిస్తున్నాయి. ఈ మూవీ వృద్ది సినిమాస్ బ్యానర్ పై వెంకటేష్ సతీష్ కిలారు నిర్మిస్తున్నారు. మైత్రై మూవీ మేకర్స్ తో పాటు సుకుమార్ రైటింగ్స్ సంస్థలు నిర్మాణ భాగస్వాములుగా వ్యవహరిస్తున్నట్లు తెలుస్తుంది. ఈ చిత్రానికి ఏఆర్ రెహ్మాన్ మ్యూజిక్ అందించబోతున్నట్లు సమాచారం.
