Nidhan
‘హనుమాన్’ మూవీతో పాన్ ఇండియా లెవల్లో పాపులారిటీ దక్కించుకున్నారు యంగ్ హీరో తేజ సజ్జ. ప్రస్తుతం ఆయన ‘మిరాయ్’ అనే చిత్రంలో నటిస్తున్నారు.
‘హనుమాన్’ మూవీతో పాన్ ఇండియా లెవల్లో పాపులారిటీ దక్కించుకున్నారు యంగ్ హీరో తేజ సజ్జ. ప్రస్తుతం ఆయన ‘మిరాయ్’ అనే చిత్రంలో నటిస్తున్నారు.
Nidhan
‘హనుమాన్’ మూవీతో పాన్ ఇండియా లెవల్లో పాపులారిటీ దక్కించుకున్నారు యంగ్ హీరో తేజ సజ్జ. అంతకుముందు ‘జాంబీ రెడ్డి’తో ఆయన మంచి హిట్ అందుకున్నారు. ‘అద్భుతం’, ‘ఓ బేబీ’ లాంటి చిత్రాలతో యూత్ ఆడియెన్స్లో క్రేజ్ తెచ్చుకున్నారు. అయితే ప్రశాంత్ వర్మ రూపొందించిన ‘హనుమాన్’తో తేజ నెక్స్ట్ రేంజ్కు చేరుకున్నారు. టాలీవుడ్తో పాటు శాండల్వుడ్, బాలీవుడ్లో ఈ ఫిల్మ్ సంచలన వసూళ్లు సాధించి పాన్ ఇండియా హిట్గా నిలిచింది. దీంతో తేజ నటించే తదుపరి సినిమాలపై అందరి దృష్టి నెలకొంది. అయితే చాలా ఆఫర్లు తలుపు తట్టినా సెలెక్టివ్గా వ్యవహరించిన యంగ్ హీరో ‘మిరాయ్’కు ఓకే చెప్పారు. ఇప్పుడీ చిత్రం షూటింగ్ దశలో ఉంది.
‘మిరాయ్’తో మరో బ్లాక్బస్టర్ కొట్టి కెరీర్లో ఇంకో మెట్టుకు చేరుకోవాలని తేజ సజ్జ భావిస్తున్నారు. ఈ మూవీ కోసం తన హండ్రెడ్ పర్సెంట్ ఎఫర్ట్ పెడుతున్నారు. ‘ఈగల్’ ఫేమ్ కార్తీక్ ఘట్టమననేని దర్శకత్వంలో తెరకెక్కుతున్న ఈ మూవీ రిలీజ్ డేట్ను ఇప్పటికే ప్రకటించారు. వచ్చే ఏడాది సమ్మర్ స్పెషల్గా ఏప్రిల్ 18న ‘మిరాయ్’ను విడుదల చేస్తామని ప్రకటించారు. మూడ్నెళ్ల కింద హీరో బర్త్ డే నాడు రిలీజ్ డేట్ను అనౌన్స్ చేశారు మేకర్స్‌. ఇక్కడే ఓ చిక్కు వచ్చి పడింది. పాన్ ఇండియా స్టార్ ప్రభాస్ నటిస్తున్న ‘రాజా సాబ్’ నుంచి రీసెంట్గా టీజర్ బయటకు వచ్చింది. ఇందులో విడుదల తేదీని కూడా ప్రకటించారు. 2025, ఏప్రిల్ 10వ తేదీన ప్రభాస్ ఫిల్మ్ బిగ్స్క్రీన్స్లో కనువిందు చేయనుంది.
వారం రోజుల గ్యాప్లో ప్రభాస్, తేజ సజ్జ చిత్రాలు విడుదల కానున్నాయి. తొలుత రెబల్ స్టార్ ‘రాజా సాబ్’ రానుంది. ఆ తర్వాత ‘మిరాయ్ రిలీజ్ అవుతుంది. దీంతో తేజ రిస్క్లో పడ్డట్లు అయింది. వారం రోజుల తేడాలో ప్రభాస్ లాంటి బిగ్ స్టార్తో బాక్సాఫీస్ వద్ద పోటీపడాల్సి రావడం తేజ కెరీర్కు మంచిది కాదనే అభిప్రాయాలు వ్యక్తం అవుతున్నాయి. ‘రాజా సాబ్’ ఊపులో ఉంటే ‘మిరాయ్’ ఓపెనింగ్స్ మీద తీవ్ర ప్రభావం పడుతుందని అంటున్నారు.
‘హనుమాన్’తో వచ్చిన స్టార్డమ్, క్రేజ్ను మరింత బలోపేతం చేసుకోవాలని భావిస్తున్న యంగ్ హీరోకు ఇది నెగెటివ్గా మారే ప్రమాదం ఉంది. అయితే ప్రభాస్ తలచుకుంటే ఈ ప్రాబ్లమ్ సాల్వ్ అయిపోతుందని ఎక్స్పర్ట్స్ చెబుతున్నారు. ఈ రెండు సినిమాలను నిర్మిస్తోంది పీపుల్స్ మీడియా ఫ్యాక్టరీనే. కాబట్టి ప్రభాస్ను ఒప్పించి ‘రాజా సాబ్’ను ఇంకాస్త వెనక్కి లేదా ముందుకు జరిగేలా చూస్తే తేజ ఈ సమస్య నుంచి బయటపడతాడని చెబుతున్నారు. ప్రభాస్ ఫిల్మ్ ఎప్పుడు వచ్చినా థియేటర్ల దగ్గర పండగే. కాబట్టి తేజకు ఉన్న రిస్క్ను దృష్టిలో పెట్టుకొని ఆయన పాజిటివ్ డెసిషన్ తీసుకునే ఛాన్స్ ఉందని కామెంట్స్ చేస్తున్నారు.
