పాన్ ఇండియా స్టార్ ప్రభాస్ ‘కల్కి 2898 ఏడీ’తో బ్లాక్బస్టర్ హిట్ కొట్టారు. ‘బాహుబలి’ సిరీస్ తర్వాత మళ్లీ ఆ స్థాయి విజయాన్ని అందుకున్నారు.
పాన్ ఇండియా స్టార్ ప్రభాస్ ‘కల్కి 2898 ఏడీ’తో బ్లాక్బస్టర్ హిట్ కొట్టారు. ‘బాహుబలి’ సిరీస్ తర్వాత మళ్లీ ఆ స్థాయి విజయాన్ని అందుకున్నారు.
పాన్ ఇండియా స్టార్ ప్రభాస్ ఇప్పుడు ఫుల్ జోష్లో ఉన్నారు. ‘కల్కి 2898 ఏడీ’తో బ్లాక్బస్టర్ హిట్ కొట్టారాయన. ‘బాహుబలి’ సిరీస్ తర్వాత మళ్లీ ఆ స్థాయి విజయాన్ని అందుకున్నారు. గత నెలలో విడుదలైన ‘కల్కి’ ఏకంగా రూ.1,000 కోట్ల మార్క్ను అందుకొని సంచలనం సృష్టించింది. పెద్దగా ప్రమోషన్స్ లేకుండా బాక్సాఫీస్ దగ్గరకు వచ్చిన ప్రభాస్ చిత్రం ఊహించని విజయాన్ని అందుకుంది. మార్నింగ్ షో నుంచి పాజిటివ్ టాక్ తెచ్చుకున్న ‘కల్కి’.. రిలీజైన దగ్గర నుంచి ఇప్పటిదాకా అదే రేంజ్లో హవా నడిపిస్తోంది. దీంతో ఫుల్ హ్యాపీగా ఉన్న ప్రభాస్ ఇదే జోష్లో పైప్లైన్లో ఉన్న మిగతా మూవీస్ను కంప్లీట్ చేయాలని చూస్తున్నారు.
మారుతీ డైరెక్షన్లో తెరకెక్కుతున్న ‘రాజాసాబ్’తో పాటు ప్రశాంత్ నీల్తో ‘సలార్ 2’, సందీప్ రెడ్డి వంగాతో ‘స్పిరిట్’ సినిమాలను ప్రభాస్ చేయాల్సి ఉంది. అలాగే మరో డైరెక్టర్ హను రాఘవపూడితో ఓ ఫిల్మ్కు ఆయన కమిట్ అయ్యారు. దీంతో ఆయా చిత్రాల్లో రెబల్ స్టార్ క్యారెక్టర్స్పై రోజుకో కొత్త విషయం వినిపిస్తోంది. ముఖ్యంగా హను రాఘవపూడి ప్రాజెక్ట్పై ఓ ఇంట్రెస్టింగ్ గాసిప్ చక్కర్లు కొడుతోంది. ఇందులో నెవర్ బిఫోర్ అవతార్లో ప్రభాస్ కనిపించనున్నారని తెలుస్తోంది. సైనికుడిగా ఆయన నటించనున్నారని ఫిలిం నగర్ టాక్. ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తున్న ఈ సినిమాకు ‘ఫౌజీ’ అనే టైటిల్ను అనుకుంటున్నారని సమాచారం.
లవ్ స్టోరీస్ బేస్డ్ మూవీస్ తీయడంలో హను రాఘవపూడిది అందెవేసిన చేయి అనేది తెలిసిందే. ‘అందాల రాక్షసి’ నుంచి ‘సీతారామం’ వరకు హృద్యమైన ప్రేమ కథలతోనే ఆయన సినిమాలు తీసుకుంటూ వచ్చారు. మరోసారి అదే జోనర్లో ఫిల్మ్ చేయబోతున్నట్లు క్లారిటీ కూడా ఇచ్చారు. ఈ సినిమాలో బార్డర్లో సోల్జర్గా కనిపించనున్నారట ప్రభాస్. దీనికి ‘ఫౌజీ’ అనే టైటిల్ను దాదాపుగా ఖాయం చేశారని సమాచారం. సైనికుడ్ని హిందీలో ఫౌజీ అంటారు. అందుకే కొత్తగా ఉంటుందని ఈ పేరుతో వెళ్తున్నట్లు తెలుస్తోంది. హను రాఘవపూడి గత చిత్రం ‘సీతారామం’లో హీరో దుల్కర్ సల్మాన్ కూడా సైనికుడిగానే కనిపించారు. ఇప్పుడు ప్రభాస్ కూడా అలాంటి రోల్లో నటించనున్నారట. ఇప్పటిదాకా ఎన్నో డిఫరెంట్ క్యారెక్టర్స్లో యాక్ట్ చేసిన రెబల్ స్టార్.. ఎప్పుడూ సైనికుడిగా కనిపించలేదు. మరి.. ప్రభాస్ను సోల్జర్గా చూడాలని మీరు అనుకుంటే కామెంట్ చేయండి.
