రిషబ్ ప్లాన్ ఏంటి.. కాంతారలో తారక్ ?

ఒక హీరో కెరీర్ మలుపు తిరగడానికి ఒక్కోసారి ఒక్క సినిమా చాలనిపిస్తుంది. అలా రిషబ్ శెట్టికి కాంతారా సినిమా కెరీర్ టర్నింగ్ పాయింట్ గా నిలిచింది. రిషబ్ శెట్టి అంటే ముందుగా అందరికి గుర్తొచ్చేది కాంతారా సినిమానే. ఈ సినిమాతో ఒక్క రాత్రిలో స్టార్ నటుడుగా మారిపోయాడు రిషబ్ శెట్టి. ఎలాంటి అంచనాలు లేకుండా వచ్చిన ఈ సినిమా ఇండియన్ మూవీ బాక్స్ ఆఫీస్ దగ్గర కాసుల వర్షం కురిపించింది. ఇక ప్రస్తుతం కాంతారాకు ప్రిక్వెల్ అనౌన్స్ చేసిన సంగతి తెలిసిందే. దాదాపు ఈ సినిమా షూటింగ్ కంప్లీట్ అయినట్టే.. ఈ అక్టోబర్ 2 కు సినిమాను రిలీజ్ చేసే ప్రయత్నాల్లో ఉన్నారు మేకర్స్. అయితే ఇప్పుడు ఈ మూవీకి సంబంధించిన విషయాల్లో ఎన్టీఆర్ పేరు వినిపిస్తుంది.

ఈ కాంతారా ప్రిక్వెల్ తర్వాత.. కాంతారా 3 ని కూడా తీయబోతున్నట్లు.. అందులో ఎన్టీఆర్ మెయిన్ లీడ్ గా నటించబోతున్నట్లు.. దానికోసం తారక్ తో చర్చలు కూడా జరిపినట్లు టాక్ వినిపిస్తుంది. ఒకవేళ ఇదే కనుక నిజమైతే ఈ ఫ్రాంచైజ్ రేంజ్ ఏ మారిపోవడం ఖాయం. పైగా తారక్ కన్నడ భాష చాలా అనర్గళంగా మాట్లాడేస్తూ ఉంటాడు. ఇక గతంలో ఓసారి తారక్ తన కుటుంబ సభ్యులతో సహా రిషబ్ ని కలిసిన సంగతి కూడా తెలిసిందే . ఇలా ఏ రకంగా చూసిన కాంతారా 3 లో తారక్ పెర్ఫెక్ట్ గా ఇమిడిపోతాడు. అయితే దీనిలో ఎంతవరకు నిజం ఉందో తెలియదు. రిషబ్ ఏమి ప్లాన్ చేస్తున్నాడో కూడా తెలీదు.

ఎందుకంటే ఇప్పటికే రిషబ్ చేతిలో ఓ మూడు నాలుగు భారీ ప్రాజెక్ట్స్ ఉన్నాయి. ఛత్రపతి శివాజీ బయోపిక్, ‘జై హనుమాన్’ చిత్రాలతో పాటు సితార ఎంటర్‌టైన్‌మెంట్స్ బ్యానర్లో రీసెంట్ గా ఓ సినిమాను అనౌన్స్ చేసాడు. అటు తారక్ కూడా బిజీ బిజీగానే ఉన్నాడు. కన్నడ స్టార్ డైరెక్టర్ ప్రశాంత్ నీల్‌తో సినిమాకు సైతం గ్రీన్ సిగ్నల్ ఇచ్చిన సంగతి తెలిసిందే. అలాగే ఆ తర్వాత దేవర 2 ఉండనే ఉంది. ఇలా ఏ విధంగా చూసిన కాంతారా 3 ఛాయలు ఇప్పట్లో ఎక్కడ కనిపించడం లేదు. కానీ ఎన్టీఆర్ నటించనున్నాడు అనే టాక్ మాత్రం బయట చెక్కర్లు కొడుతోంది. ఇక రిషబ్ ఈ విషయంలో ఎలాంటి నిర్ణయం తీసుకుంటాడో చూడాలి. మరి ఈ అప్డేట్ పై మీ అభిప్రాయాలను కామెంట్స్ రూపంలో తెలియజేయండి.