Venkateswarlu
లేడీ సూపర్‌ స్టార్‌ నయన తారకు ఉన్న క్రేజ్‌ గురించి ప్రత్యేకంగా చెప్పనక్కర్లేదు. స్టార్‌ హీరోలతో పోటీ పడి మరీ రెమ్యూనరేషన్‌ తీసుకుంటున్నారంటేనే అర్థం అవుతుంది ఆమె రేంజ్‌ ఏంటో...
లేడీ సూపర్‌ స్టార్‌ నయన తారకు ఉన్న క్రేజ్‌ గురించి ప్రత్యేకంగా చెప్పనక్కర్లేదు. స్టార్‌ హీరోలతో పోటీ పడి మరీ రెమ్యూనరేషన్‌ తీసుకుంటున్నారంటేనే అర్థం అవుతుంది ఆమె రేంజ్‌ ఏంటో...
Venkateswarlu
జీవితం ఎప్పుడూ మనం అనుకున్నట్లు ఉండదు. ఎప్పుడూ.. ఏదో ఒక విషయంలో మనలో మనమే మదనపడే పరిస్థితి వస్తుంది. ముఖ్యంగా ప్రేమ వ్యవహారాల్లో మనం ఒకటి అనుకుంటే దేవుడు ఒకటి చేస్తాడు. ప్రాణం అనుకున్నవాళ్లనుంచి మనల్ని దూరం చేస్తూ ఉంటాడు. మన జీవితంలో ఏదీ.. ఎవ్వరూ శాశ్వతం కాదు.. అన్నట్లే.. బాధ కూడా ఎక్కువ కాలం ఉండదు. ఒకరి కారణంగా కోల్పోయిన ప్రశాంతత.. ఇంకో రూపంలో.. ఇంకోరి ద్వారా మన జీవితంలోకి వస్తుంది. ఇదే సౌత్ ఇండియా లేడీ అమితాబ్‌ నయనతార జీవితంలోనూ జరిగింది.
వరుస బ్రేకప్‌ల కారణంగా ఎంతో నలిగిపోయిన ఆమె జీవితం కొన్నేళ్ల పాటు నరకప్రాయంగా మారింది. ఒకానొక సమయంలో ప్రేమ కారణంగా ఆమె సినిమాల్లోనుంచే తప్పుకోవాలని అనుకున్నారు. కానీ, ప్రేమ కారణంగా పడ్డ బాధలకు సినిమానే దిక్కయింది. అలాంటి ఆమె జీవితంలోకి ‘విగ్నేష్‌ శివన్‌’ వచ్చాడు. ఇప్పుడు ఇద్దరు పిల్లల తల్లిగా.. ఓ వైపు కుటుంబాన్ని.. లేడీ అమితాబ్‌లా నటనా రంగాన్ని బ్యాలెన్స్‌ చేస్తూ ముందుకు వెళుతున్నారు. అయితే, ఓ పదేళ్ల క్రితం వరకు ఆమె జీవితం వివాదాల చుట్టూ తిరుగుతూ.. తరచుగా మీడియాకు పని చెబుతూ ఉండేది.
2006లో వచ్చిన ‘వల్లవన్‌’ సినిమా టైంలో శింబు-నయనతార ప్రేమలో పడ్డారు. ప్రేమ వ్యవహారం ముదిరి పెళ్లి వరకు వెళ్లింది. వీరి ప్రేమ వ్యవహారం గురించి పబ్లిక్‌కు తెలియని సమయంలో.. పుకార్లుగానే వార్తలు వచ్చాయి. ఆ తర్వాత వీరిద్దరూ కలిసి ఉన్న ఫొటోలు కొన్ని సోషల్‌ మీడియాలో వైరల్ అయ్యాయి. ఫొటోలు అప్పట్లో పెను సంచలనాన్ని సృష్టించాయి. ఆ కొద్ది రోజులకే ఇద్దరూ విడిపోయారు. వీరు విడిపోవటానికి సరైన కారణాలు ఏవో ఎవ్వరికీ తెలియదు. వీరిద్దరూ కూడా బ్రేకప్‌ గురించి నేరుగా ఎవ్వరికీ చెప్పలేదు.
బ్రేకప్‌ అయిన కొన్నేళ్ల తర్వాత శింబుతో ప్రేమ గురించి నయనతార మాట్లాడుతూ.. ‘‘ ప్రేమలో ఓ లెవల్‌ వరకు మాత్రమే అపార్థాలు.. మనస్పర్థలను భరించొచ్చు. అవి భరించలేనంతగా ఉంటే జీవితం నరకం అవుతుంది. ప్రేమలో ఉన్నపుడు నాకు అలాంటి అనుభవాలే ఎదురయ్యాయి. అందుకే విడిపోయా.. ఓ టైంలో ప్రేమ కోసం సినిమాలు వదిలేద్దామని అనుకున్నాను. కానీ, ప్రేమలో ఇబ్బందుల కారణంగా సినిమాలే నాకు దిక్కయ్యాయి. నా జీవితం నేను అనుకున్నట్లుగా ఎప్పుడూ లేదు’’ అంటూ ఆవేదన వ్యక్తం చేశారు.
