సలార్ కోసం భారీ యాక్షన్ సీక్వెన్స్! హాలీవుడ్ కూడా ఆశ్చర్యపోయేలా?

దసరా, దీపావళికి ఓ లెక్క, ఈ క్రిస్ మస్‌కు మరో లెక్క.. ఈ సారి వస్తుందీ సింహాలు, పులులు కాదూ డైనోసార్. బాక్సాఫీస్ బద్దలు కొట్టేందుకు సిద్ధమైతోంది సలార్-1 సీజ్ ఫైర్. మాస్ జాతరను పూసుకుని వస్తున్నాడు డార్లింగ్ ప్రభాస్. షారూఖ్ ఖాన్ మూవీ డంకీ‌కు ధమ్కీ ఇచ్చేందుకు సిద్దమౌతున్నాడు కేజీఎఫ్ డైరెక్టర్ ప్రశాంత్ నీల్. పాన్ ఇండియా మూవీగా తెరకెక్కుతున్న ఈ సినిమాలో శృతిహాసన్ హీరోయిన్‌గా నటిస్తోంది. మలయాళ నటుడు పృథ్వీ రాజ్ సుకుమారన్ విలన్ పాత్ర పోషిస్తున్నాడు. జగపతి బాబు మరో ముఖ్య పాత్రలో కనిపించబోతున్నాడు. ఇప్పటికే ఈ సినిమా టీజర్.. మూవీపై హైప్ క్రియేట్ చేసిన సంగతి విదితమే.

ప్రభాస్ పుట్టిన రోజున పురస్కరించుకుని ట్రైలర్ విడుదల చేస్తారని భావించారంత. జస్ట్ ఓ పోస్టర్‍తో సరిపెట్టారు మూవీ మేకర్స్ హుంబలే ఫిల్మ్స్. అయితే ప్రభాస్ సలార్ మూవీ పై అభిమానులు పెట్టుకున్న నమ్మకాన్ని ఒమ్ము చేయకూడదని ప్రశాంత్ నీల్ పక్కా స్కెచ్ సిద్ధం చేశాడు. ఈ మూవీలో యాక్షన్ సన్నివేశాలన్నీ భారీ స్థాయిలో తెరకెక్కించినట్లు సమాచారం. యాక్షన్ సీక్వెన్స్ కోసం సుమారు 750 వాహనాలు వినియోగించారట డైరెక్టర్. అందులో ట్యాంకులు, జీపుల, ట్రక్కులతో సహా భారీ వాహనాలు ఉన్నట్లు తెలుస్తోంది. బాలీవుడ్ కాదూ హాలీవుడ్‪ను కూడా మించిపోయే మాస్ యాక్షన్ స్వీకెన్స్ ఉన్నట్లు ఇండస్ట్రీలో గట్టిగా టాక్ వినిపిస్తుంది.

డిసెంబర్ 22న దేశ వ్యాప్తంగా విడుదల కాబోతున్న ఈ చిత్రంపై డార్లింగ్ డై హార్ట్ ఫ్యాన్స్ హోప్స్ పీక్స్‌లో పెట్టుకున్నారు. టీజర్లతోనూ, కటౌట్లతోనూ, పోస్టర్లతోనూ సరిపెట్టేసుకుంటున్నారు. ఇప్పటికే ఈ సినిమా పలు మార్లు వాయిదా పడగా.. ఓపికగా ఎదురు చూస్తున్న అభిమానులకు.. ఫుల్ మీల్స్ పెట్టేందుకు సిద్ధమైంది సినిమా యూనిట్. ఇక సినిమా ట్రైలర్ త్వరలో విడుదల చేయబోతున్నట్లు తెలుస్తోంది. వెంటనే సినిమా ఆడియో ఫంక్షన్, ప్రచారాలను మొదలు పెట్టనున్నారని సమాచారం.