Jr NTR-Prashanth Neel Film Budget: యంగ్ టైగర్ జూనియర్ ఎన్టీఆర్తో స్టార్ డైరెక్టర్ ప్రశాంత్ నీల్ కొత్త సినిమాను మొదలుపెట్టిన సంగతి తెలిసిందే. ఈ ఫిల్మ్ బడ్జెట్ గురించి ఇప్పుడు నెట్టింట ఆసక్తికర చర్చ నడుస్తోంది.
Jr NTR-Prashanth Neel Film Budget: యంగ్ టైగర్ జూనియర్ ఎన్టీఆర్తో స్టార్ డైరెక్టర్ ప్రశాంత్ నీల్ కొత్త సినిమాను మొదలుపెట్టిన సంగతి తెలిసిందే. ఈ ఫిల్మ్ బడ్జెట్ గురించి ఇప్పుడు నెట్టింట ఆసక్తికర చర్చ నడుస్తోంది.
ఇండస్ట్రీలో కొన్ని కాంబోలకు చాలా క్రేజ్ ఉంటుంది. వాళ్ల కలయికలో సినిమా వస్తోందంటే నెక్స్ట్ లెవల్లో బజ్ క్రియేట్ అవుతుంది. అలాంటి కాంబోనే జూనియర్ ఎన్టీఆర్-ప్రశాంత్ నీల్. వీళ్లిద్దరూ కలసి ఓ ప్రాజెక్ట్ చేస్తున్నారు అనగానే పక్కా ఫుల్ మీల్స్ అని అభిమానులు సిద్ధమైపోయారు. మూవీ లవర్స్ కూడా ఈ చిత్రంపై ఫుల్ ఇంట్రెస్ట్ చూపిస్తున్నారు. మాస్ పల్స్ తెలిసిన దర్శకుడు, సరైన స్టోరీ, క్యారెక్టర్ తగిలితే బాక్సాఫీస్ రికార్డులను ఊచకోత కోసే హీరో కలసి రానుండటంతో ఈసారి చరిత్ర సృష్టించడం ఖాయమని అంటున్నారు. తారక్-నీల్ కాంబో మూవీ కథ ఎలా ఉంటుంది? అందులో ఎన్టీఆర్ రోల్ ఎలా ఉండబోతోంది? అనే విషయాలతో పాటు మూవీ బడ్జెట్ గురించి కూడా ఆసక్తి నెలకొంది. ఈ సినిమా బడ్జెట్ గురించి ఇప్పుడో వార్త నెట్టింట చక్కర్లు కొడుతోంది.
ఎన్టీఆర్-నీల్ ప్రాజెక్ట్కు ఏకంగా రూ.350 కోట్ల బడ్జెట్ పెడుతున్నారని సమాచారం. సినిమా పూర్తయ్యేసరికి ఇది రూ.400 కోట్ల మార్క్ను కూడా టచ్ చేయొచ్చని ఫిల్మ్ నగర్ టాక్. ఒకవేళ ఇదే నిజమైతే అటు తారక్, ఇటు డైరెక్టర్ నీల్ ఇద్దరి కెరీర్లో ఇదే హయ్యెస్ట్ బడ్జెట్ ఫిల్మ్ అవుతుందని అంటున్నారు. ప్రశాంత్ నీల్ గత చిత్రం ‘సలార్’. పాన్ ఇండియా స్టార్ ప్రభాస్ హీరోగా వచ్చిన ఈ మూవీ బడ్జెట్ రూ.270 కోట్లు అని తెలుస్తోంది. ఆ లెక్కన చూసుకుంటే తారక్తో తీసే సినిమా ఇంకా బిగ్ ప్రాజెక్ట్ అనే చెప్పాలి. ఇది నీల్ డ్రీమ్ ఫిల్మ్ అని.. భారీ బడ్జెట్ అవుతుందనే ఉద్దేశంతోనే ఈ స్టోరీని ఇన్నాళ్లూ తెర మీదకు తీసుకురాకుండా పక్కనబెట్టారని గతంలో రూమర్స్ వచ్చాయి.
కథ, కథనంతో పాటు హీరో క్యారెక్టరైజేషన్ నచ్చడంతో అటు ఎన్టీఆర్, ఇటు మైత్రీ మూవీ మేకర్స్ ప్రాజెక్ట్ను లాక్‌ చేశారని సమాచారం. స్టోరీతో పాటు నీల్ డైరెక్షన్, తారక్ క్రేజ్ మీద నమ్మకంతో భారీ బడ్జెట్ పెట్టేందుకు నిర్మాతలు ధైర్యం చేస్తున్నారని వినికిడి. ఈ వార్త తెలిసిన నెటిజన్స్.. ఊహకందని రేంజ్లో బడ్జెట్ ఉందని, ఈ కాంబో కోసం ఎంత ఖర్చు పెట్టినా డబుల్ రిటర్న్స్ వచ్చేస్తాయని అంటున్నారు. డ్రీమ్ ప్రాజెక్ట్ కాబట్టి నీల్ మరింత పకడ్బందీగా చిత్రాన్ని తెరకెక్కిస్తారని.. ‘కేజీఎఫ్’, ‘సలార్’ను మించిన రేంజ్లో ఉంటుందని చెబుతున్నారు. ఇక, నీల్ మూవీతో పాటు మరికొన్ని ప్రాజెక్టులతో బిజీబిజీగా ఉన్నారు ఎన్టీఆర్. ‘వార్ 2’లో యాక్ట్ చేస్తున్నారు. ‘దేవర 2’ కూడా పైప్లైన్లో ఉంది. మరి.. తారక్-నీల్ కాంబో మూవీ ఎలా ఉండబోతుందని మీరు ఎక్స్పెక్ట్ చేస్తున్నారో కామెంట్ చేయండి.
