Nidhan
డబ్బుల కోసం అమాయకులను బలి చేయొద్దని ఓ స్టార్ హీరో అంటున్నాడు. అలాంటి యాడ్స్లో నటించడమంటే చావును అమ్మడమేనని చెబుతున్నాడు.
డబ్బుల కోసం అమాయకులను బలి చేయొద్దని ఓ స్టార్ హీరో అంటున్నాడు. అలాంటి యాడ్స్లో నటించడమంటే చావును అమ్మడమేనని చెబుతున్నాడు.
Nidhan
సెలబ్రిటీలు యాడ్స్లో నటించడం కామనే. మన దేశంలో క్రికెటర్లతో పాటు ఫిల్మ్ స్టార్స్ ఎక్కువగా అడ్వర్టయిజ్మెంట్స్లో కనిపిస్తుంటారు. వీటిల్లో నటించినందుకు గానూ భారీ మొత్తంలో పారితోషికాలు అందుకుంటారు. అయితే కొన్ని యాడ్స్లో నటించినందుకు నటులపై విమర్శలు వచ్చిన సందర్భాలు చాలానే ఉన్నాయి. ముఖ్యంగా పాన్ మసాలా యాడ్స్ దీనికి బెస్ట్ ఎగ్జాంపుల్ అని చెప్పాలి. ఇలాంటి అడ్వర్టయిజ్మెంట్స్లో కనిపించినందుకు గానూ పలువురు క్రికెటర్లతో పాటు సినీ తారల మీద కూడా భారీగా విమర్శలు వచ్చాయి. తాజాగా ఈ అంశంపై బాలీవుడ్ స్టార్ హీరో జాన్ అబ్రహాం రియాక్ట్ అయ్యారు. ఆ యాడ్స్లో నటించడమంటే చావును అమ్మడమేనని ఆయన అన్నారు.
పాన్ మసాలా అడ్వర్టయిజ్మెంట్లలో నటిస్తూ కొందరు తారలు అమాయకులను బలి చేస్తున్నారని జాన్ అబ్రహాం సీరియస్ అయ్యారు. సెలబ్రిటీలు నిజాయితీతో ఉండాలని, రెండు ముఖాలు ఉండటం కరెక్ట్ కాదన్నారు. పాన్ మసాలా, మౌత్ ఫ్రెష్నర్స్ లాంటి యాడ్స్లో నటించొద్దని తాను డెసిషన్ తీసుకున్నానని.. అలాంటి కంపెనీలతో జతకట్టే ప్రసక్తే లేదని స్పష్టం చేశారు. ‘కొందరు నటులు ఫిట్నెస్ గురించి గొప్పలు చెబుతారు. వాళ్లే పాన్ మసాలా యాడ్స్లోనూ నటిస్తారు. నేను ఏ యాక్టర్నూ అగౌరవపర్చట్లేదు. కానీ ఇది కరెక్ట్ కాదు. నేనైతే చావును ఇలా అమ్మను’ అని జాన్ అబ్రహాం చెప్పుకొచ్చారు.
ప్రతి ఏటా పాన్ మసాలా ఇండస్ట్రీ 45 వేల కోట్ల టర్నోవర్ రాబడుతోందని జాన్ అబ్రహాం తెలిపారు. వాళ్లకు సర్కారు నుంచి కూడా మద్దతు ఉందని.. అందుకే ఆ వ్యాపారం ఇంకా లీగల్గా చలామణి అవుతోందన్నారు. ఇలాంటి యాడ్స్లో నటించడం ద్వారా అమాయకుల జీవితాలను నాశనం చేస్తున్నారని.. పాన్ మసాలా వల్ల ఎంతో మంది ప్రాణాలు కోల్పోతున్నారని పేర్కొన్నారు జాన్ అబ్రహాం. ఇక, ఈ హీరో నటించిన ‘వేదా’ చిత్రం త్వరలో రిలీజ్ కానుంది. ఈ సందర్భంగానే ప్రమోషన్స్లో పాల్గొన్న జాన్ అబ్రహాం పైవ్యాఖ్యలు చేశారు. ‘వేదా’ మూవీని అందరూ తప్పక చూడాలని కోరారు. మన దేశంలో స్త్రీలు, పిల్లలకు రక్షణ లేదని.. అలాంటి పలు విషయాల గురించి ఇందులో తెలియజేశామని వివరించారు.
