కింగ్ ఖాన్ షారుక్ నటించిన ‘డంకీ’ చిత్రం గురువారం ప్రేక్షకుల ముందుకు వచ్చింది. ఈ సినిమా ఫస్ట్ డే కలెక్షన్స్ ఎలా ఉన్నాయో ఇప్పుడు తెలుసుకుందాం..
కింగ్ ఖాన్ షారుక్ నటించిన ‘డంకీ’ చిత్రం గురువారం ప్రేక్షకుల ముందుకు వచ్చింది. ఈ సినిమా ఫస్ట్ డే కలెక్షన్స్ ఎలా ఉన్నాయో ఇప్పుడు తెలుసుకుందాం..
బాలీవుడ్ బాద్షా షారుక్ ఖాన్ ఈ ఏడాది సూపర్ ఫామ్లో ఉన్నారు. గత కొన్నేళ్లుగా సరైన హిట్స్ లేక రేసులో వెనుబడిపోయిన కింగ్ ఖాన్.. ఈ సంవత్సరం స్ట్రాంగ్గా కమ్బ్యాక్ ఇచ్చారు. బ్యాక్ టు బ్యాక్ హిట్స్తో తన సత్తా ఏమాత్రం తగ్గలేదని ప్రూవ్ చేసుకున్నారు. ఏడాది మొదట్లో ‘పఠాన్’తో భారీ విజయాన్ని అందుకున్నారు. ఈ ఫిల్మ్ రూ.1,000 కోట్లకు పైగా వసూళ్లతో బిగ్ బ్లాక్బస్టర్గా నిలిచింది. ఆ తర్వాత ‘జవాన్’తో మరోమారు వెయ్య కోట్ల మార్క్ను టచ్ చేశారు షారుక్. రెండు వరుస విజయాలతో ఫుల్ జోష్లో ఉన్న ఆయన తన కొత్త చిత్రం ‘డంకీ’ని డిసెంబర్ 21న విడుదల చేశారు. స్టార్ డైరెక్టర్ రాజ్కుమార్ హిరానీ-షారుక్ కాంబోలో వచ్చిన ఈ సినిమాపై భారీ అంచనాలు ఏర్పడ్డాయి. కానీ ఈ మూవీ ఫస్ట్ డే ఆశించినంత కలెక్షన్స్ రాబట్టలేకపోయింది. ‘డంకీ’కి కొంత పాజిటివ్ టాక్ వచ్చినా.. ఒక వర్గం ఆడియెన్స్ను మాత్రమే అలరిస్తోందని తెలుస్తోంది.
నార్త్లో బిగ్ ఎక్స్పెక్టేషన్స్ మధ్య రిలీజైన ‘డంకీ’ వసూళ్ల వేటలో వెనుకబడిపోయింది. ఈ ఏడాది షారుక్ నుంచి వచ్చిన ‘పఠాన్’, ‘జవాన్’ తొలి రోజు కలెక్షన్స్ను ‘డంకీ’ దాటలేకపోయింది. ట్రేడ్ వర్గాల ప్రకారం.. ఈ ఫిల్మ్ ఫస్ట్ డే వరల్డ్వైడ్ రూ.95 కోట్ల గ్రాస్ కలెక్షన్స్ మాత్రమే వసూలు చేసింది. నెట్ కలెక్షన్స్ ప్రకారం చూసుకుంటే.. రూ.30 కోట్లు. ఈ ఇయర్ రిలీజైన ‘పఠాన్’ మొదటి రోజు రూ.106 కోట్లు వసూలు చేయగా.. ‘జవాన్’ రూ.129 కోట్లు రాబట్టింది. రెండు వరుస విజయాల తర్వాత వచ్చిన సినిమా కావడంతో ‘డంకీ’ రూ.130 కోట్ల మార్క్ను ఈజీగా క్రాస్ చేస్తుందని అంతా అనుకున్నారు. కానీ అందులో కింగ్ ఖాన్ కొత్త మూవీ ఫెయిలైంది. క్రేజీ కాంబోలో వచ్చిన ఈ ఫిల్మ్ లాంగ్ రన్లో ఎలా పెర్ఫార్మ్ చేస్తుందో చూడాలి. అయితే ఈ కలెక్షన్స్ చూసి ‘సలార్’కు ‘డంకీ’ లైన్ క్లియర్ చేసిందని ప్రభాస్ అభిమానులు అంటున్నారు.
‘డంకీ’కి హిట్ టాక్ రాకపోవడం ‘సలార్’కు బాగా కలిసొస్తుందని రెబల్ స్టార్ ఫ్యాన్స్ చెబుతున్నారు. ఇక, ప్రభాస్ కొత్త సినిమాకు సూపర్ హిట్ టాక్ రావడం, మౌత్ పబ్లిసిటీ కూడా ఫుల్ పాజిటివ్గా ఉండటంతో కలెక్షన్స్ అదిరిపోతున్నాయి. నార్త్లో ‘డంకీ’ మేకర్స్ భారీగా థియేటర్లను బ్లాక్ చేయడంతో ‘సలార్’కు స్క్రీన్స్ విషయంలో అన్యాయం జరిగిందని వార్తలు వచ్చాయి. సింగిల్ స్క్రీన్స్తో పాటు మల్టీప్లెక్సులను కూడా బ్లాక్ చేశారని సోషల్ మీడియాలోనూ న్యూస్ వచ్చింది. అయితే ‘డంకీ’కి ఇప్పుడు వస్తున్న వసూళ్లు, మౌత్ టాక్ పెద్దగా లేకపోవడంతో ఆ థియేటర్లను ‘సలార్’కు కేటాయిస్తున్నారని వినికిడి. కలెక్షన్స్ డ్రాప్ అవుతూ పోతే వీకెండ్కే ‘డంకీ’ని ఎత్తేసి ‘సలార్’ను ప్రదర్శించే అవకాశాలు ఉన్నాయని సమాచారం. ఒకవేళ అదే జరిగితే నార్త్లో ప్రభాస్ మూవీ వసూళ్ల జాతర చేసుకోవచ్చు. మరి.. ‘డంకీ’ని మీరు చూశారా? ఒకవేళ చూసినట్లయితే షారుక్ మూవీ మీకెలా అనిపించిందో కామెంట్ల రూపంలో తెలియజేయండి.
ఇదీ చదవండి: Salaar: సలార్ టార్గెట్ డంకీ కాదు.. ఏకంగా జవాన్ రికార్డుపై కన్ను!
