National Film Awards 2024 Sita Ramam And Major Movies Upset: 70వ జాతీయ చలనచిత్ర పురస్కారాల్లో తెలుగు నుంచి ‘కార్తికేయ 2’ సినిమాకు అవార్డు దక్కింది. అయితే రెండు మూవీస్కు మాత్రం అన్యాయం జరిగిందనే అభిప్రాయాలు వ్యక్తం అవుతున్నాయి.
National Film Awards 2024 Sita Ramam And Major Movies Upset: 70వ జాతీయ చలనచిత్ర పురస్కారాల్లో తెలుగు నుంచి ‘కార్తికేయ 2’ సినిమాకు అవార్డు దక్కింది. అయితే రెండు మూవీస్కు మాత్రం అన్యాయం జరిగిందనే అభిప్రాయాలు వ్యక్తం అవుతున్నాయి.
ఫిల్మ్ ఇండస్ట్రీలో రాణించే వారికి అవార్డులు, రివార్డులతో సత్కరిస్తుంటాయి పలు సంస్థలు. సినిమాల్లో విశేష ప్రతిభ చూపించే యాక్టర్స్, టెక్నీషియన్స్కు పురస్కారాలు ఇచ్చి ప్రోత్సహిస్తుంటాయి. అయితే ప్రభుత్వాలు ఇచ్చే అవార్డులకు మాత్రం ఎంతో విశిష్టత ఉంది. సర్కారు ఇచ్చే పురస్కారాలను చాలా స్పెషల్గా, గౌరవంగా భావిస్తుంటారు. నిన్న నేషనల్ అవార్డ్స్ను సెంట్రల్ గవర్నమెంట్ అనౌన్స్ చేసింది. 2022, డిసెంబర్ 31వ తేదీ లోపు సెన్సార్ కంప్లీట్ అయిన ఫిల్మ్స్ను పరిగణనలోకి తీసుకొని పురస్కారాలు కేటాయించారు. తెలుగు నుంచి ‘కార్తికేయ 2’ మూవీకి అవార్డు దక్కింది. బెస్ట్ తెలుగు ఫిల్మ్గా నిలిచిందీ నిఖిల్ చిత్రం. అయితే రెండు టాలీవుడ్ మూవీస్కు మాత్రం అన్యాయం జరిగిందనే అభిప్రాయాలు వ్యక్తం అవుతున్నాయి.
‘సీతారామం’, ‘మేజర్’.. ఈ రెండు అద్భుతమైన సినిమాలకు నేషనల్ అవార్డుల్లో నిరాశే ఎదురైంది. సబ్జెక్ట్, కంటెంట్ పరంగా చూసుకుంటే ఇవి బెస్ట్ మూవీస్గా పేరు తెచ్చుకున్నాయి. యాక్టింగ్ దగ్గర నుంచి అన్ని క్రాఫ్ట్స్ పర్ఫెక్ట్గా కుదిరిన చిత్రం ‘సీతారామం’. కానీ జాతీయ చలన చిత్ర పురస్కారాల్లో దీనికి నిరాశే ఎదురైంది. మరో సూపర్హిట్ మూవీ ‘మేజర్’ ఓ సైనికుడి త్యాగాన్ని హానెస్ట్గా చెప్పేందుకు ప్రయత్నించిన ఫిల్మ్. కమర్షియల్ యాంగిల్కు దూరంగా, కథే ముఖ్యంగా సాగుతూ ప్రేక్షకులను కట్టిపడేసిన సినిమాలివి. స్టోరీ, స్క్రీన్ప్లేతో పాటు నటన, టెక్నికల్ విభాగాల పనితీరు పరంగా చూసుకున్నా భేష్ అంటూ ప్రశంసలు అందుకున్న చిత్రాలివి. కానీ వీటికి జాతీయ అవార్డుల్లో మొండిచెయ్యి ఎదురైంది.
‘సీతారామం’ అన్ని క్రాఫ్ట్లు వర్క్ చక్కగా కుదిరిన సినిమా. అలాగే కమర్షియల్గా కూడా బాగా వర్కౌట్ అయింది. ఇందులో హీరోహీరోయిన్లుగా నటించిన దుల్కర్ సల్మాన్, మృణాల్ ఠాకూర్తో పాటు మిగతా యాక్టర్స్కు కూడా మంచి పేరు వచ్చింది. ముఖ్యంగా మృణాల్ తన లుక్స్, నటనతో అందర్నీ కట్టిపడేసింది. ఇలా అన్ని క్రాఫ్ట్ల పరంగా టాప్ నాచ్ క్వాలిటీతో ది బెస్ట్గా పేరు తెచ్చుకున్న ‘సీతారామం’కు అవార్డు వచ్చి ఉంటే తెలుగు వాళ్లు ఆనందించేవారు. ఇక, ‘మేజర్’ గురించి చెప్పాలంటే ఇదో సిన్సియర్ ఫిల్మ్. దేశం కోసం ఓ ఆర్మీ ఆఫీసర్ ప్రాణాలను లెక్క చేయకుండా హోటల్లో ఉన్న బందీలను ఎలా కాపాడాడు? ఉగ్రవాదులతో ఎలా ఫైట్ చేశాడు? అనే రియల్ లైఫ్ స్టోరీని అంతే నిజాయితీతో తెరకెక్కించారు.
టెక్నికల్గా గానీ కథ, ఎమోషన్స్ పరంగానూ గానీ ఎలాంటి సినిమాటిక్ లిబర్టీస్ తీసుకోకుండా ఉన్నది ఉన్నట్లు చూపించిన సినిమా ‘మేజర్’. ఈ మూవీ మేకింగ్ కోసం చాలా పర్మిషన్లు తీసుకున్నారు మేకర్స్. మేజర్ ఉన్నికృష్ణన్ పేరెంట్స్ను చాలా సార్లు కలిశారు. ఇది హానెస్టీతో కూడిన సినిమా. అలాంటి ‘మేజర్’ను నేషనల్ అవార్డ్స్ కోసం కన్సిడర్ చేసి ఉంటే బాగుండేదనే అభిప్రాయాలు వ్యక్తం అవుతున్నాయి. ఉత్తమ చిత్రంగా కాకపోయినా మిగిలిన ఏదో ఒక కేటగిరీలో అయినా వీటికి అవార్డులు వచ్చి ఉంటే సంతోషించేవాళ్లమని సోషల్ మీడియాలో నెటిజన్స్ అంటున్నారు. అర్హత ఉన్నా ఈ చిత్రాలను పరిగణనలోకి తీసుకోకపోవడం సరికాదని అంటున్నారు. మరి.. జాతీయ చలనచిత్ర పురస్కారాల్లో ‘సీతారామం’, ‘మేజర్’కు అవార్డులు దక్కకపోవడంపై మీ ఒపీనియన్ను కామెంట్ చేయండి.
