ప్రభుత్వ రంగ సంస్థలో 1217 ఉద్యోగాలు.. రాత పరీక్ష లేకుండానే.. త్వరపడండి

దేశంలో నిరుద్యోగుల సంఖ్య లక్షల్లో ఉంటుంది. ఏ చిన్న ప్రభుత్వ ఉద్యోగ భర్తీకి నోటిఫికేషన్‌ విడుదల చేసినా.. దానికి లక్షల మంది దరఖాస్తు చేసుకుంటారు. ఉద్యోగాల సంఖ్య వందలు, వేలల్లో ఉంటే.. పోటీ పడే వారి సంఖ్య లక్షల్లో ఉంటుంది. ఈ క్రమంలో తాజాగా ఓ ప్రభుత్వ రంగ సంస్థ.. ఉద్యోగాల భర్తీకి నోటిఫికేషన్‌ విడుదల చేసింది. ఇక్కడ ఆసక్తికరమైన అంశం ఏంటంటే.. ఈ ఉద్యోగాల భర్తీకి ఎలాంటి రాత పరీక్ష నిర్వహించడం లేదు. మరి మీరు కూడా ఇలాంటి అవకాశం కోసం చూస్తున్నారా.. అయితే ఇంకెందుకు ఆలస్యం.. వెంటనే అప్లై చేసుకొండి. ఇంతకు ఏ ప్రభుత్వ సంస్థలో ఈ ఉద్యోగాలు.. ఎవరు అర్హులు.. జీతం ఎంతిస్తారు.. ఎలా అప్లై చేసుకోవాలి అంటే..

నిరుద్యోగులకు కేంద్ర ప్రభుత్వ రంగ సంస్థ గుడ్‌న్యూస్ చెప్పింది. హెల్త్ కేర్ ప్రొడక్ట్స్ మాన్యుఫాక్చరింగ్ కంపెనీ హెచ్‌ఎల్‌ఎల్‌ లైఫ్‌కేర్ లిమిటెడ్‌, వివిధ విభాగాల్లో ఉద్యోగాల భర్తీకి నోటిఫికేషన్ రిలీజ్ చేసింది. ఈ సంస్థ కండోమ్స్, గర్భనిరోధక మాత్రలు, ఐయూడీ, సర్జికల్ సూచర్స్, బ్లడ్ బ్యాగ్స్, ఫార్మా ప్రొడక్ట్స్ తయారు చేస్తుంది. ఈ క్రమంలో తాజాగా 1217 పోస్టుల భర్తీకి నోటిఫికేషన్‌ విడుదల చేసింది. దీని ద్వారా అకౌంట్స్ ఆఫీసర్, అడ్మిన్ అసిస్టెంట్, ప్రాజెక్ట్ కోఆర్డినేటర్, అడ్మిన్ అసిస్టెంట్, సెంటర్ మేనేజర్ వంటి ఉద్యోగాలు భర్తీ చేయనుంది. ఆసక్తిగల, అర్హులైన అభ్యర్థులు.. సంస్థ అధికారిక వెబ్‌సైట్ https://www.lifecarehll.com/ విజిట్ చేసి దరఖాస్తు చేసుకోవాలి. ఈ గడువు జులై 17న ముగుస్తుంది. నోటిఫికేషన్ పూర్తి వివరాలను పరిశీలిద్దాం.

ఖాళీల వివరాలు

లేటెస్ట్ నోటిఫికేషన్‌తో ఈ సంస్థ మొత్తం 1,217 ఖాళీలను భర్తీ చేస్తుంది. అందులో అకౌంట్స్ ఆఫీసర్-2, అడ్మిన్ అసిస్టెంట్-1, ప్రాజెక్ట్ కోఆర్డినేటర్-1, సెంటర్ మేనేజర్-4, సీనియర్ డయాలసిస్ టెక్నీషియన్- 1206 పోస్టులకు సంబంధించి ఖాళీలు ఉన్నాయి.

పోస్టుల వారీగా విద్యార్హతలు..

• అకౌంట్స్ ఆఫీసర్- సీఏ/సీఎంఏ ఇంటర్, ఎంకామ్, ఎంబీఏ పూర్తి చేసిన వారు ఈ పోస్ట్‌కు దరఖాస్తు చేసుకోవచ్చు. అలాగే రెండేళ్ల వర్క్ ఎక్స్‌పీరియన్స్ తప్పనిసరిగా ఉండాలి.
• అడ్మిన్ అసిస్టెంట్- డిగ్రీ పూర్తి చేయడమే కాక.. సంబంధిత విభాగంలో ఐదేళ్ల ఎక్స్‌పీరియన్స్ తప్పనిసరి.
• ప్రాజెక్ట్ కోఆర్డినేటర్- ఎంబీఏ లేదా ఏదైనా విభాగంలో పీజీ పూర్తిచేసి ఉండాలి. అలాగే రెండేళ్ల వర్క్ ఎక్స్‌పీరియన్స్ తప్పనిసరి.
• సెంటర్ మేనేజర్- హెల్త్‌కేర్ మేనేజ్‌మెంట్, హాస్పిటల్ అడ్మినిస్ట్రేషన్‌లో ఎంబీఏ చేసినవారు, ఎంహెచ్‌ఏ, పబ్లిక్ హెల్త్‌లో మాస్టర్స్ చేసినవారు ఈ పోస్టులకు అర్హులు. అలాగే ఐదేళ్ల వర్క్ ఎక్స్‌పీరియన్స్ ఉండాలి.
• సీనియర్ డయాలసిస్ టెక్నీషియన్- ఎనిమిదేళ్ల ఎక్స్‌పీరియన్స్‌తో మెడికల్ డయాలసిస్ టెక్నాలజీ/రీనల్ డయాలసిస్ టెక్నాలజీలో డిప్లొమా లేదా బీఎస్సీ చదివి ఉండాలి. లేదా ఆరేళ్ల ఎక్స్‌పీరియన్స్‌తో ఎంఎస్సీ పూర్తిచేసి ఉండాలి.

జీతం..

సీనియర్ డయాలసిస్ టెక్నీషియన్స్‌కు జీతం నెలకు రూ. 14,000 నుంచి రూ.32,500 మధ్య లభిస్తుంది. అడ్మిన్ అసిస్టెంట్, అకౌంట్స్ ఆఫీసర్, ప్రాజెక్ట్ కోఆర్డినేటర్, సెంటర్ మేనేజర్ పోస్ట్‌లకు రూ. 12,000 నుంచి రూ.29,500 మధ్య జీతం ఉంటుంది.

ఎలా అప్లై చేసుకోవాలంటే..

ముందుగా హెచ్‌ఎల్‌ఎల్‌ లైఫ్‌కేర్ అధికారిక పోర్టల్ https://www.lifecarehll.com/ ఓపెన్ చేసి నోటిఫికేషన్ వివరాలు పరిశీలించాలి.

• వ్యక్తిగత వివరాలను ఎంటర్ చేసి రిజిస్ట్రేషన్‌ చేసుకోవాలి.
• ఆ తర్వాత రిజిస్టర్ ఐడీ, పాస్‌వర్డ్ సాయంతో అప్లికేషన్ ఫారమ్ ఓపెన్ చేయాలి.
• అన్ని వివరాలను ఎంటర్ చేయాలి.
• ఆ తర్వాత అప్లికేషన్ ఫీజు చెల్లించి, అవసరమైన డాక్యుమెంట్స్ అప్‌లోడ్ చేయాలి.
• చివరగా అప్లికేషన్ ఫామ్ సబ్‌మిట్ చేయాలి.

ఏజ్‌ లిమిట్‌..

హెచ్‌ఎల్‌ఎల్‌ లైఫ్‌కేర్ లిమిటెడ్‌ రిక్రూట్‌మెంట్‌కు దరఖాస్తు చేసుకునే అభ్యర్థుల వయసు 37 ఏళ్ల లోపు ఉండాలి.

ఎంపిక ప్రక్రియ..

• వచ్చిన దరఖాస్తులను షార్ట్‌లిస్ట్ చేసి ఇంటర్వ్యూ ఆధారంగా అభ్యర్థులను ఎంపిక చేస్తారు.

ఎంపికయ్యే అభ్యర్థులు ఫిక్స్‌డ్-టర్మ్ కాంట్రాక్ట్ బేసిస్ ప్రకారం కేరళ, తమిళనాడు, ఏపీ, మహారాష్ట్ర, చత్తీస్‌ఘడ్, పశ్చిమ బెంగాల్, ఒడిషా, జార్ఖండ్, ఢిల్లీ వంటి రాష్ట్రాల్లోని హెచ్‌ఎల్‌ఎల్ లైఫ్‌కేర్ లిమిటెడ్‌ బ్రాంచ్‌ల్లో పనిచేయాల్సి ఉంటుంది.