P Venkatesh
వైద్య విద్యను పూర్తి చేసుకుని ఉద్యోగాల కోసం ఎదురు చూసే వారికి శుభవార్త. హైదరాబాద్ బీబీనగర్ ఎయిమ్స్ సీనియర్ రెసిడెంట్ పోస్టుల భర్తీ కోసం నోటిఫికేషన్ ను విడుదల చేసింది. పూర్తి వివరాలు మీకోసం..
వైద్య విద్యను పూర్తి చేసుకుని ఉద్యోగాల కోసం ఎదురు చూసే వారికి శుభవార్త. హైదరాబాద్ బీబీనగర్ ఎయిమ్స్ సీనియర్ రెసిడెంట్ పోస్టుల భర్తీ కోసం నోటిఫికేషన్ ను విడుదల చేసింది. పూర్తి వివరాలు మీకోసం..
P Venkatesh
ప్రజలకు మెరుగైన వైద్య సదుపాయాలు అందాలంటే ప్రభుత్వాసుపత్రులను బలోపేతం చేయాలి. అవసరమైన వైద్య సిబ్బందిని నియమించాల్సి ఉంటుంది. ప్రభుత్వాలు కూడా వైద్య రంగంపై దృష్టి సారిస్తూ ఎప్పటికప్పుడు అవసరమైన చర్యలను తీసుకుంటున్నాయి. ఆసుపత్రుల్లో కావాల్సిన వైద్య పరికరాలను, వైద్య సిబ్బందిని ఏర్పాటు చేస్తున్నాయి. తాజాగా హైదరాబాద్ బీబీనగర్ లోని ఆల్ ఇండియా ఇన్స్టిట్యూట్ ఆఫ్ మెడికల్ సైన్సెస్ వివిధ విభాగాల్లో ఖాళీగా ఉన్న పోస్టులను భర్తీ చేసేందుకు నోటిఫికేషన్ ను విడుదల చేసింది. ఈ రిక్రూట్ మెంట్ ద్వారా సీనియర్ రెసిడెంట్ ఉద్యోగాలను భర్తీ చేయనుంది.
వైద్య విద్య పూర్తి చేసుకుని ఉద్యోగాల కోసం ఎదురు చూసే నిరుద్యోగులకు హైదరాబాద్ బీబీనగర్ ఎయిమ్స్ గుడ్ న్యూస్ అందించింది. 151 సీనియర్ రెసిడెంట్ పోస్టులను భర్తీ చేసేందుకు ప్రక్రియను చేపట్టింది. ఈ పోస్టులకు ఎండీ, ఎస్, డీఎం, ఎంసీహెచ్తోపాటు సంబంధిత విభాగంలో డీఎన్ విద్యార్హత ఉన్నవారు అప్లై చేసుకోవడానికి అర్హులు. ఎంసీఐ/ఎన్ఎంసీ/స్టేట్ మెడికల్ కౌన్సిల్ సభ్యత్వం తప్పనిసరిగా కలిగి ఉండాలి. అర్హత, ఆసక్తి కలిగిన అభ్యర్థులు ఆన్ లైన్ విధానంలో దరఖాస్తు చేసుకోవాలని కోరింది. డిసెంబర్ 19 వరకు అప్లికేషన్ చేసుకునేందుకు అవకాశం కల్పించింది. అభ్యర్థులు పూర్తి వివరాల కోసం ఎయిమ్స్ అధికారిక వెబ్ సైట్ https://aiimsbibinagar.edu.in/ ను పరిశీలించాలని కోరింది.
https://aiimsbibinagar.edu.in/