వరుసగా ఐదు మ్యాచుల్లో ఐదు విజయాలతో ప్లేఆఫ్స్ రేసులోకి దూసుకొచ్చింది ఆర్సీబీ. అయితే ఆ టీమ్ క్వాలిఫికేషన్కు ఒక్క అడ్డంకే ఉంది. అదేంటో ఇప్పుడు చూద్దాం..
వరుసగా ఐదు మ్యాచుల్లో ఐదు విజయాలతో ప్లేఆఫ్స్ రేసులోకి దూసుకొచ్చింది ఆర్సీబీ. అయితే ఆ టీమ్ క్వాలిఫికేషన్కు ఒక్క అడ్డంకే ఉంది. అదేంటో ఇప్పుడు చూద్దాం..
ఎన్నో ఆశలతో ఐపీఎల్-2024ను మొదలుపెట్టిన ఆర్సీబీకి మొదటి మ్యాచ్లోనే ఓటమి ఎదురైంది. అయినా సరే తేరుకొని రెండో మ్యాచ్లో గెలిచి ఆశలు రేకెత్తించింది. దీంతో ‘ఈ సాలా కప్ నమ్దే’ అంటూ ఆ టీమ్ ఫ్యాన్స్ సంతోషంలో మునిగిపోయారు. కానీ ఏం లాభం.. తర్వాత వరుసగా 6 మ్యాచుల్లో ఓడిపోయింది డుప్లెసిస్ సేన. గెలవడమే మర్చిపోయినట్లు ప్రత్యర్థికి సరెండర్ అయిపోయింది. అయితే లీగ్ సెకండాఫ్లో కోలుకున్న బెంగళూరు వరుసగా 5 విక్టరీస్తో ప్లేఆఫ్స్ రేసులోకి దూసుకొచ్చింది. ఆ జట్టు పనైపోయిందని అనుకుంటున్న తరుణంలో బ్రేకుల్లేని బుల్డోజర్గా ఒక్కో టీమ్ను పడగొడుతూ ప్లేఆఫ్స్ రేసులో తొడ గొడుతోంది ఆర్సీబీ. అయితే ఆ టీమ్ క్వాలిఫికేషన్కు ఒక ప్రధాన అడ్డంకి ఉంది. దాని గురించి ఇప్పుడు తెలుసుకుందాం..
ప్లేఆఫ్స్కు చేరాలంటే నెగ్గి తీరాల్సిన మ్యాచుల్లో చెన్నై, బెంగళూరు విజయం సాధించాయి. టేబుల్ టాపర్ రాజస్థాన్ను సీఎస్కే చిత్తు చేయగా.. ఢిల్లీ క్యాపిటల్స్ను డుప్లెసిస్ సేన ఓడించింది. పాయింట్స్ టేబుల్లో టాప్లో ఉన్న కోల్కతా అధికారికంగా ప్లేఆఫ్స్ బెర్త్ను ఖాయం చేసుకుంది. రెండో స్థానంలో ఉన్న రాజస్థాన్ కూడా క్వాలిఫై అవడం పక్కా. ఇక, మిగిలిన రెండు స్థానాల కోసం సీఎస్కే, ఎస్ఆర్హెచ్, ఆర్సీబీ, డీసీ, ఎల్ఎస్జీ పోటీలో ఉన్నాయి. నిన్న మ్యాచులో గెలుపుతో బెంగళూరు తన అవకాశాలను కాపాడుకుంది. ఆ టీమ్ ప్లేఆఫ్స్ చేరాలంటే చెన్నై రూపంలో ఉన్న పెద్ద అడ్డంకిని దాటాలి. ఆర్సీబీ-సీఎస్కే మధ్య జరిగే పోరు డిసైడర్గా మారనుంది.
ఆర్సీబీ మీద గెలిస్తే చాలు.. చెన్నై ప్లేఆఫ్స్కు క్వాలిఫై అవుతుంది. ఎందుకంటే ఆ టీమ్ నెట్ రన్రేట్ మెరుగ్గా ఉంది. కానీ బెంగళూరు అలా కాదు.. నెట్ రన్రేట్ తక్కువగా ఉంది కాబట్టి సీఎస్కేతో మ్యాచ్లో భారీ తేడాతో గెలవాల్సి ఉంటుంది. ఒకవేళ ఛేజింగ్కు దిగితే 18.1 ఓవర్లలోనే మ్యాచ్ను ఫినిష్ చేయాలి. అదే తొలుత బ్యాటింగ్ చేస్తే 18 పరుగుల తేడాతో రుతురాజ్ సేనను ఓడించాలి. చెన్నైను ఓడించడమే కాదు.. ఆ జట్టు నెట్ రన్రేట్ను కూడా దాటడం బెంగళూరు ముందు ఉన్న పెద్ద ఛాలెంజ్. ఈ నేపథ్యంలో ఈ ఐపీఎల్లో మోస్ట్ ఇంట్రెస్టింగ్ మ్యాచ్గా ఆర్సీబీ-సీఎస్కే నిలవడం ఖాయంగా కనిపిస్తోంది. మరి.. బెంగళూరు ప్లేఆఫ్స్ చేరుతుందని మీరు భావిస్తున్నట్లయితే కామెంట్ల రూపంలో తెలియజేయండి.
