ఆ విషయంలో ధోని డ్రామాలాడుతున్నాడు.. ఆసీస్ లెజెండ్ షాకింగ్ కామెంట్స్!

చెన్నై సూపర్ కింగ్స్ మాజీ కెప్టెన్ మహేంద్ర సింగ్ ధోని మరో ఆసక్తికర పోరుకు సిద్ధమవుతున్నాడు. ఐపీఎల్-2024 ప్లేఆఫ్స్​కు వెళ్లాలంటే తన ఆఖరి మ్యాచ్​లో ఆర్సీబీపై నెగ్గాల్సిన సిచ్యువేషన్​లో ఉంది సీఎస్​కే. ఈ నేపథ్యంలో బెంగళూరుతో మ్యాచ్​లో తన అనుభవాన్ని అంతా రంగరించి ఎల్లో ఆర్మీని గట్టెక్కించాలని చూస్తున్నాడు మాహీ. కొత్త కెప్టెన్ రుతురాజ్ గైక్వాడ్​కు అండగా ఉంటూ టీమ్ విజయంలో కీలక పాత్ర పోషించేందుకు సిద్ధమవుతున్నాడు. ఇన్నాళ్లూ ఆఖర్లో బ్యాటింగ్​కు వస్తూ దుమ్మురేపిన ధోని.. ప్లేఆఫ్స్​ వెళ్లాలంటే గెలవక తప్పదు కాబట్టి, ఆర్సీబీతో పోరులో కాస్త ముందుకు వచ్చి బ్యాటింగ్ చేసే అవకాశాలు కూడా కనిపిస్తున్నాయి. ఈ తరుణంలో అతడి గురించి ఆసీస్ లెజెండ్ మైక్ హస్సీ షాకింగ్ కామెంట్స్ చేశాడు.

ఆ విషయంలో ధోని డ్రామాలాడుతున్నాడని హస్సీ అన్నాడు. దాని గురించి క్లారిటీ ఇవ్వాల్సింది మాహీయేనని.. అది అతడి చేతుల్లోనే ఉందన్నాడు. ఏ విషయంలో ధోని గురించి హస్సీ ఇలా అన్నాడనేగా మీ డౌట్. తన రిటైర్మెంట్ విషయంలో సీఎస్​కే మాజీ సారథి వ్యవహరిస్తున్న తీరుపై హస్సీ సీరియస్ అయ్యాడు. రిటైర్మెంట్ గురించి తేల్చుకుండా అతడు డ్రామాలు ఆడుతున్నాడని చెప్పాడు. ధోని ఇంకొన్నాళ్లు ఐపీఎల్​లో కొనసాగే అవకాశం కనిపిస్తోందని అన్నాడు. అతడి తీరు చూస్తుంటే ఇప్పట్లో రిటైర్మెంట్ ప్రకటించకపోవచ్చని పేర్కొన్నాడు. ఏ విషయమైనా వెంటనే బయటపెట్టడం ధోనీకి అలవాటు లేదన్నాడు. దేన్నైనా రహస్యంగా ఉంచడం అతడికి మామూలేనని వ్యాఖ్యానించాడు.

‘ధోని ఇంకా బాగా ఆడుతున్నాడు. అతడి బ్యాట్ ఈ సీజన్​లో గర్జిస్తోంది. అవకాశం దొరికినప్పుడల్లా బరిలోకి దిగి భారీ సిక్సులు బాదుతున్నాడు. గత ఐపీఎల్​లో అతడి మోకాలుకు సర్జరీ అయింది. దాని నుంచి పూర్తిగా కోలుకోలేదు. అయినా మ్యానేజ్ చేస్తూ వస్తున్నాడు. ధోని ఆడుతున్న తీరు చూస్తుంటే ఇంకొన్నేళ్ల పాటు ఈజీగా కెరీర్​ను కంటిన్యూ చేస్తాడని అనిపిస్తోంది. కానీ ఏం జరుగుతుందో ఇప్పుడే చెప్పలేం. తన రిటైర్మెంట్ గురించి ఆలోచించి నిర్ణయం ప్రకటించాల్సింది మాహీనే. కానీ అతడు ఏదీ ఓ పట్టాన చెప్పడు. ప్రతి దాని చుట్టూ డ్రామా క్రియేట్ చేయడం అతడికి ఇష్టం. అతడి వ్యవహారం చూస్తుంటే ఇప్పుడప్పుడే గేమ్​కు గుడ్​బై చెప్పేలా అనిపించడం లేదు’ అని హస్సీ స్పష్టం చేశాడు. మరి.. రిటైర్మెంట్ విషయంలో ధోని డ్రామాలు ఆడుతున్నాడంటూ హస్సీ చేసిన వ్యాఖ్యలపై మీరేం అనుకుంటున్నారో కామెంట్ చేయండి.

• ఇదీ చదవండి: Virat Kohli: అతడ్ని చూసి గర్విస్తున్నా.. నాకు అన్న కంటే ఎక్కువ: విరాట్ కోహ్లీ

Mike Hussey said, “I hope MS Dhoni keeps going for another couple of years. He is the only one who will make that call and he likes to build drama a little bit so I wouldn’t expect a decision anytime soon”. (Espncricinfo). pic.twitter.com/IXaRrA3KAJ

— Mufaddal Vohra (@mufaddal_vohra) May 16, 2024