Nidhan
లక్నో సూపర్ జియాంట్స్ కెప్టెన్ కేఎల్ రాహుల్తో ఆ టీమ్ ఓనర్ ప్రవర్తించిన తీరు వివాదాస్పదంగా మారిన సంగతి తెలిసిందే. తాజాగా ఈ కాంట్రవర్సీపై టీమిండియా వెటరన్ పేసర్ మహ్మద్ షమి రియాక్ట్ అయ్యాడు.
లక్నో సూపర్ జియాంట్స్ కెప్టెన్ కేఎల్ రాహుల్తో ఆ టీమ్ ఓనర్ ప్రవర్తించిన తీరు వివాదాస్పదంగా మారిన సంగతి తెలిసిందే. తాజాగా ఈ కాంట్రవర్సీపై టీమిండియా వెటరన్ పేసర్ మహ్మద్ షమి రియాక్ట్ అయ్యాడు.
Nidhan
సన్రైజర్స్ హైదరాబాద్తో మ్యాచ్లో 10 వికెట్ల తేడాతో చిత్తుగా ఓడిన లక్నో సూపర్ జియాంట్స్ ప్లేఆఫ్స్ అవశాకాలు మరింత సంక్లిష్టంగా మారాయి. ఆ టీమ్ నెట్ రన్రేట్ కూడా మైనస్లోకి వెళ్లిపోయింది. ప్లేఆఫ్స్కు వెళ్లాలంటే తదుపరి ఆడే రెండు మ్యాచుల్లోనూ ఆ జట్టు నెగ్గాల్సి ఉంటుంది. ఆరెంజ్ ఆర్మీ చేతిలో దారుణ పరాభవాన్ని ఆ టీమ్ ప్లేయర్లు జీర్ణించుకోలేకపోయారు. కెప్టెన్ కేఎల్ రాహుల్ కూడా నిరాశలో కూరుకుపోయాడు. ఈ తరుణంలో మ్యాచ్ ముగిసిన తర్వాత లక్నో ఓనర్ సంజీవ్ గోరెంకా రాహుల్పై సీరియస్ అవడం తెలిసిందే. రాహుల్ వివరణ ఇచ్చేందుకు ప్రయత్నించినా ఆయన అస్సలు వినిపించుకోలేదు.
కేఎల్ రాహుల్-సంజీవ్ గోయెంకా కాంట్రవర్సీపై సీనియర్ క్రికెటర్లు రియాక్ట్ అవుతున్నారు. లక్నో యాజమాన్యం వ్యవహరించిన తీరు సరికాదని అంటున్నారు. ఈ నేపథ్యంలో ఈ వివాదంపై టీమిండియా వెటరన్ పేసర్ మహ్మద్ షమి స్పందించాడు. టీమ్ కెప్టెన్తో ఇలా వ్యవహరించడం సిగ్గుచేటంటూ ఘాటు వ్యాఖ్యలు చేశాడు. ‘ప్లేయర్లకు ఆత్మగౌరవం ఉంటుంది. ఓనర్గా గౌరవప్రదమైన స్థాయిలో ఉన్న వ్యక్తి నుంచి చాలా మంది ఎన్నో విషయాలు నేర్చుకుంటారు. అలాంటి పర్సన్ కెమెరాల ముందు అలా చేయడం నిజంగా సిగ్గుచేటు. కెప్టెన్తో మాట్లాడాలనుకుంటే దానికి పలు మార్గాలు ఉన్నాయి. డ్రెస్సింగ్ రూమ్కు వెళ్లి డిస్కస్ చేయొచ్చు. హోటల్ రూమ్లో కూడా దీనిపై చర్చించొచ్చు’ అని షమి చెప్పుకొచ్చాడు.
వేలాది మంది ఆడియెన్స్ చూస్తుండగా గ్రౌండ్లో కెప్టెన్తో ఇలా వ్యవహరించడం సరికాదంటూ షమి ఫైర్ అయ్యాడు. అందరికముందు అసహనం వ్యక్తం చేయడం, సీరియస్ అవ్వడం ద్వారా ఎర్రకోట మీద జెండా ఎగురవేసినంత గొప్ప ఏమైనా వచ్చిందా అని ప్రశ్నించాడు. రాహుల్ ఓ ప్లేయర్ మాత్రమే కాదు.. కెప్టెన్ కూడా అని, ప్రతిసారి మనం అనుకున్నట్లు ప్లాన్స్ వర్కౌట్ అవ్వకపోవచ్చన్నాడు షమి. గేమ్ అన్నాక గెలుపోటములు సహజమని.. అంతమాత్రాన సారథిని అందరిముందు కించపర్చడం ఎంతవరకు కరెక్ట్ అని క్వశ్చన్ చేశాడు. ఇలాంటి బిహేవియర్తో ఫ్యాన్స్లోకి తప్పుడు మెసేజ్ వెళ్లేలా చేశారంటూ లక్నో ఓనర్ సంజీవ్ గోయెంకా తీరుపై విరుచుకుపడ్డాడు షమి. మరి.. అలా చేయడానికి సిగ్గుండాలంటూ ఎల్ఎస్జీ యాజమాన్యంపై షమి ఫైర్ అవడం మీద మీరేం అనుకుంటున్నారో కామెంట్ చేయండి.
Star pacer #MohammedShami has termed #SanjivGoenka‘s “public reprimand” of his India teammate #KLRahul as “shameful” and said the #LucknowSuperGiants team owner’s reaction to a loss in front of TV cameras “does not have any place in sports”.https://t.co/gBJLqscKUg
— The Telegraph (@ttindia) May 10, 2024
